Josua 16:3 - O Debleskro Lab 2024 (Sinte-Manouche)

³ oun doureder ap koy rig, kay o kham tele djal, an ko them, kay i Yafletarya djivenn, bis pash o telstouno foro Bet-Horon, oun doureder bis pash o foro Geser, oun foun kotar pash o Baro Pani.

O Debleskro Drom 2021 (Sinte)

³ un dureder ap koi rig, kai o kham tele djal, an ko them, kai i Jafletarja djiwenn, bis pash o telstuno foro Bet-Horon, un dureder bis pash o foro Geser, un fun kotar pash o Baro Pani.

Josua 16:3 Iomraidhean Croise

1. Familjakro liil 20:4

Koy pal vas i vavar kourepen kol Filistarentsa pash o foro Geser. Koy das o Sibkay dran o gab Housha i vavar morshes kol bare menshendar moulo. Koleskro lab his Sippay. Yaake van i Filistarya dino.

1. Familjakro liil 7:24

Oun o Efrayim, les his ninna i čay. Koya his i Sheera. Yoy moukas triin forya pre te čivell: o telstouno Bet-Horon, ko pralstouno Bet-Horon, oun ninna Usen-Sheera.

1. Familjakro liil 7:28

Oun lengro kotar phoub oun lengre forya his: o foro Betel oun kol gaba koy trouyel; oun kote, kay o kham pre djal: o foro Naaran; kote, kay o kham tele djal: o foro Geser oun kol gaba koy trouyel; o foro Sichem oun kol gaba koy trouyel, bis pash Aya oun kol gaba koy trouyel;

2. Familjakro liil 8:5

Oun o Salomeskre boudepangre kran o pralstouno foro Bet-Horon oun o telstouno foro Bet-Horon zorleder, te van le zorele forya, kolen massurya, voudya oun pandepangre hi.

4. Mose 34:6

Kote, kay o kham tele djal, djal t'maro them bis pash o Mashkralstouno Baro Pani.

Josua 10:33

An kava tsiro djas o baro ray pral o foro Geser, o Horam pre, te vell lo ap i rig kolendar, kay djivenn an o foro Lakish. Ninna les oun leskre lourden maras o Yosua yaake, te nay ačas kek lendar.

Josua 18:13

Oun ko drom, hoy sikras, har dour o them djal, djas foun kotar doureder, vergel i berga ap koy rig o forestar Louz, kay o kham pralstounes hi – o foro Louz hi ninna kharedo Betel – oun doureder tele pash o foro Atarot-Addar pash koy berga, hoy ap koy rig o telstouno forestar Bet-Horon čiddo hi, kay o kham pralstounes tardo hi.

1. Samuel 13:18

Ap i vavar rig djan le ap o drom, hoy djal pash Bet-Horon, oun pale ap i vavar rig djan le ap o drom an o them pal i tala Seboyim, kay o moulo tato them vell.