Josua 15:7 - O Debleskro Lab 2024 (Sinte-Manouche)

⁷ oun doureder an i tala Akor oun pral pash o foro Debir, oun doureder ap koy nordetikri rig pash o foro Gilgal. O foro Gilgal his čiddo ap i vavar rig o dromestar, hoy djas an i berga Adoummim. Kay berga hi ap koy rig foun i tala, kay o kham pralstounes hi. Oun ko drom, hoy sikras, har dour o them djal, djas foun o foro Gilgal doureder pash o pani En-Shemesh oun pash o pani, hoy kharell En-Rogel,

O Debleskro Drom 2021 (Sinte)

⁷ un dureder an i tala Achor un pral pash o foro Debir, un dureder ap koi nordetikri rig pash o foro Gilgal. O foro Gilgal his tchiddo ap i wawar rig o dromestar, hoi djas an i berga Adummim. Kai berga hi ap koi rig fun i tala, kai o kham pralstunes hi. Un ko drom, hoi sikras, har dur o them djal, djas fun o foro Gilgal dureder pash o pani En-Shemesh un pash o pani, hoi kharell En-Rogel,

Josua 15:7 Iomraidhean Croise

2. Samuel 17:17

O Yonatan oun o Ahimaaz his tardo pash o pani, hoy kharell Rogel. Yon nay moukan pen gar an o foro te dikell. Oun i boudepaskretsa vas pash lende oun penas lenge, hoy yon hounte penenn o Davideske.

1. Rajengro liil 1:9

Oun o Adoniya kras i baro rhapen pash o bar, hoy kharell Sohelet pash o pani Rogel. Oun anas bakren oun groumyen oun thoulle terne groumyen o Debleske, [te venn leske kol feteder kotya mass rhačedo, oun te rhan le ko vavar mass.] Oun peskre phralenge, o baro rayeskre vavar čavenge, moukas lo te penell, te venn le pash o rhapen. Ninna i tsele vavar morshenge dran Youda, kay boudran an o baro rayeskro kheer, moukas lo te vell.

Jesaja 65:10

Mire menshenge, kay poučenn pal mande, vell i tala Sharon koy platsa, kay anenn le pengre bakre, oun i tala Akor vell koy platsa, kay ačenn pengre groumya.

Hosea 2:5

Te krell li kova gar, palle rivau lat vin, te hi li nanges čiddo, har ap ko dives, kay li boldo vas. Oun krau, te vell o them i moulo them, kay kek pani hi, kay hounte merell li i troushatar.

Josua 10:43

Oun palle djas o Yosua peskre tsele lourdentsa pale ap lengre platsa pash o foro Gilgal.

Josua 15:15

Oun yob djas doureder oun kouras pes kolentsa, kay an o foro Debir djivenn. Oun ko foro kharas glan kova Kiryat-Sefer.

Josua 15:6

doureder bis pash o foro Bet-Hogla, oun doureder ap i nordetikri rig o forestar Bet-Araba pral bis pash o bar Bohan, hoy kharedo hi pal o čaveste o morshestar Ruben,

Josua 18:17

oun doureder ap koy rig, kay norden hi, bis pash o pani En-Shemesh oun doureder pash Gelilot, hoy ap i vavar rig o dromestar čiddo hi, hoy djal an i berga Adoummim. Oun palle djas o drom tele pash o bar Bohan, hoy kharedo hi pal o čaveste o morshestar Ruben.

Josua 4:19

Kova his o deshto dives an o glanstouno čon, har i Israelitarya ap i vavar rig o panyestar Yordan van. Oun yon čivan pengre plarhtene khera pre ap i platsa, hoy kharella Gilgal. Kay platsa hi pash o foro Yericho ap koy rig, kay o kham pre djala.

Josua 7:24

Oun o Yosua oun i tsele Israelitarya lan o Akanes, koleskro dad o Zera his, oun ko roup, koy plaashka oun ko baro lengsto sonakaskro kotar, ninna leskre čaven oun leskre čen, leskre groumyen oun bourike, bakre oun leskro plarhteno kheer, oun halauter, hoy leske his, oun anan len an i tala, hoy kharella Akor.

Josua 7:26

Oun yon čivan boud barra ap lende pre. Kolla hi gomme kava dives koy. Doleske kharell kay platsa gomme kava dives Tala Akor. Kanna his o baro Devel bouder gar rhoyedo.