Josua 15:11 - O Debleskro Lab 2024 (Sinte-Manouche)

¹¹ oun palle doureder ap i tikni berga, hoy ap i nordetikri rig o forestar Ekron hi, oun doureder pash o foro Shikkaron oun doureder pash i berga Baala, oun doureder bis pash o foro Yabneel oun pash o Baro Pani.

O Debleskro Drom 2021 (Sinte)

¹¹ un palle dureder ap i tikni berga, hoi ap i nordetikri rig o forestar Ekron hi, un dureder pash o foro Shikkaron un dureder pash i berga Baala, un dureder bis pash o foro Jabneel un pash o Baro Pani.

Josua 15:11 Iomraidhean Croise

2. Rajengro liil 1:16

oun penas ap leste: “Kova penas o baro Devel: Tou bičral bičepangren pash o Baal-Seboub, ko devel an Ekron, te poučess lestar i lab, har te vals kek Devel an Israel, kay nay poučeh i lab. Doleske veh tou gar bouder tiro čiben tele, kay tou pre čiddo hal. Čačepah tou mereh.”

2. Rajengro liil 1:6

Yon penan ap leste: “Koy vas i morsh pash mende, har mer ap o drom hams, oun penas ap mende: Djan pale pash o baro rayeste, kay bičras t'men, oun penenn ap leste: Kova penell o baro Devel: Hi kay kek Devel an Israel? Hoske bičreh morshen pash o Baal-Seboub, ko devel pral Ekron, te poučess lestar? Doleske veh tou gar bouder tiro čiben tele, kay tou pre čiddo hal. Čačepah tou mereh.”

2. Familjakro liil 26:6

Oun yob djas an o kourepen oun kouras pes i Filistarentsa oun phagas i massurya tele troul i forya Gat, Yabne oun Ashdod. Oun moukas zorele barrengre khera te krell an o them troul Ashdod oun an o Filistarengro them.

4. Mose 34:6

Kote, kay o kham tele djal, djal t'maro them bis pash o Mashkralstouno Baro Pani.

Josua 15:10

Oun foun o foro Baala djas o drom pash i berge Seir, hoy kote čiddo hi, kay o kham tele djal. Foun kotar djas doureder ap i nordetikri rig koy bergatar Yearim – lakro vavar lab hi Kesalon – oun palle tele pash o foro Bet-Shemesh oun doureder an o foro Timna;

Josua 15:12

Ap koy rig, kay o kham tele djal, djas o them bis pash o Baro Pani. Kava hi o them, hoy lan i familye dran o kheer Youda.

Josua 15:45

Pash o Baro Pani his kol forya: Ekron oun leskre tikneder forya, oun koy pashel gomme lengre gaba;

Josua 15:9

Foun kotar pral ap kay berga djas o drom tele troul i berga trouyel oun pash ko pani, hoy kharell Me-Neftoa, oun pash kol forya, hoy pash i berge Efron čiddo hi. Oun kotar djas ko drom tele pash o foro Baala – kova hi kava dives Kiryat-Yearim.

Čačepangre 1:18

Oun o Youda las ninna i forya Gaza, Ashkelon oun Ekron dren oun o them, hoy koy pashel his.

1. Samuel 17:52

Oun i tsele lourde dran Israel oun dran Youda djan glan, dan i bari kourepaskri gole, oun lan kol Filistarya palla yaake dour, bis te van le pash o foro Gat oun glan i bare voudya o forestar Ekron. Oun i moule Filistarya his čiddo ap o drom mank Shaarayim oun Gat oun Ekron.

1. Samuel 5:10

Koy bičran le o morhton, kay o Debleskre laba dren hi, an o foro Ekron. Oun har ko morhton an o foro Ekron dren vas, dan i menshe kote gole i daryatar oun penan: “Yon anan o morhton o Israeleskro Deblestar pash mende, te marell lo men lauteren.”

1. Samuel 5:8

Oun yon bičran morshen an o tselo them Filistia oun dan i tsele rayen khetne gole, oun poučan lendar: “Hoy kras mer ko morhtoneha o Israeleskro Deblestar, kay leskre laba dren hi?” Kolla penan: “Anenn les an Gat.” Oun yon hidjran les an o foro Gat.

1. Samuel 7:14

Oun o Israel las peske kol forya pale, kolen i Filistarya lendar krik lan an o them mank Ekron oun Gat. Kal forya las o Israel vin dran i vasta i Filistarendar. Oun ninna mank i Israelitarya oun i Amorarya his bouder kek kourepen.