Josua 15:1 - O Debleskro Lab 2024 (Sinte-Manouche)

¹ Oun i barra peran o khereske Youda yaake, te lan le ko kotar them, hoy djas bis pash o them Edom, bis an o moulo them Tsin, kote kay o kham pralstounes tardo hi.

O Debleskro Drom 2021 (Sinte)

¹ Un i barra peran o khereske Juda jaake, te lan le ko kotar them, hoi djas bis pash o them Edom, bis an o mulo them Zin, kote kai o kham pralstunes tardo hi.

Josua 15:1 Iomraidhean Croise

1. Mose 35:23

I čave, kolen i Lea ap i phoub anas his o Ruben, ko phoureder čavo o Yakobestar. Pal leste vas o Simeon, o Levi, o Youda, o Issakar oun o Zabulon.

1. Rajengro liil 8:65

Oun ap ko tsiro his kol bare divessa, kay djivenn i Israelitarya an patyengre khera. Oun o Salomo khetne kol tsele Israelentsa rikran kol bare divessa. His boud menshe kote khetne dran o tselo them, foun Lebo-Hamat bis pash koy tala mank Israel oun Egiptia. Efta divessa his le khetne glan maro baro Debleste, oun koy pal pale efta divessa. Kolla his khetne deesh-te-star divessa.

Ezekiel 47:19

Oun ap koy rig, kay o kham pralstounes tardo hi, djal o them Israel foun o foro Tamar bis pash o pani, hoy kharell Meriba-Kadesh, oun doureder langs ko tikno pani, hoy nashell mank Israel oun Egiptia, bis pash o Mashkralstouno Baro Pani. Yaake dour djal o them Israel ap koy rig, kay o kham pralstounes tardo hi.

4. Mose 20:16

Oun mer dam pal o baro Debleste gole. Kova shounas men oun bičras i bolepaskres. Oun yob anas men dran o them Egiptia vin. Kanna ham an Kadesh, i foro gar dour tiro themestar.

5. Mose 32:51

T'mer douy nay djan gar an o them dren doleske, kay shounan gar ap mande, har hans pash ko pani, hoy kharell Meriba-Kadesh an o moulo them Tsin. Oun i Israelitarya dikan, har hadan t'mer man gar, oun moukan man gar te sikrell, te hom me o čačo Devel.

Josua 14:2

Yaake har o baro Devel kova o Moseske penas, vitsran le barra, hoy sikrenn, havo them hakeno kol enya-te-paash bare khera lella.

Josua 15:2

Ap koy rig, kay o kham pralstounes tardo hi, sikras i drom, har dour o them djas. Ko drom djas foun o Londo Baro Pani – foun leskro palstouno kotar kote, kay o kham pralstounes tardo hi –

Josua 18:5

Oun yon krenn efta kotya dran ko them, te lell hako kheer yek kotar. Oun o kheer Youda ačell ap peskro kotar them, hoy ap koy rig hi, kay o kham pralstounes tardo hi. Oun o kheer Yosef ačell ap peskro kotar them, kote, kay norden hi.