Josua 14:15 - O Debleskro Lab 2024 (Sinte-Manouche)

¹⁵ O foro Hebron kharas glan kova Kiryat-Arba pal o barester morsh mank i Anakarya. Oun o kourepen his trouyel an o them Kanaan, oun i menshe nay djivan an lačepen khetne.

O Debleskro Drom 2021 (Sinte)

¹⁵ O foro Hebron kharas glan kowa Kirjat-Arba pal o barester mursh mank i Anakarja. Un o kurepen his trujel an o them Kanaan, un i menshe nai djiwan an latchepen khetne.

Josua 14:15 Iomraidhean Croise

1. Mose 23:2

Oun yoy meras an o foro Kiryat-Arba. Kova hi kanna Hebron an o them Kanaan. Oun o Abraham vas pash late, rovas oun das i djiyestar gole pral lakro merepen.

1. Mose 35:27

Oun o Yakob vas pash peskro dadeste Isaak an Mamre pash o foro Kiryat-Arba. Kova hi kanna Hebron, kay ninna o Abraham oun o Isaak djivan.

1. Mose 37:14

Koy penas o Israel: “Dja koy oun dik, har lenge oun i bakrenge djala. Oun pen les mange!” Yaake bičras yob les dran o telstouno them Hebron. Oun yob vas pash o foro Sichem.

1. Familjakro liil 6:4

O Merari, leskre čave his: o Mali oun o Moushi. Oun kalla hi i menshe, kay van pal o Levi pal lengre dadengre khera:

Nehemia 11:25

Boud i menshendar Youda djivan an pengre khera pash pengri harhetikri phoub an i forya: Kiryat-Arba oun leskre gaba; Dibon oun leskre gaba; Yekabzeel oun leskre gaba;

Josua 11:23

Oun yaake har o baro Devel ap o Mose penas, las o Yosua o tselo them dren, oun das les i Israelende. Hakeneste kol deesh-te-douy Israeleskre čavendar das lo peskro kotar them, te venn le kote khere. Oun yon hounte djan bouder gar an o kourepen.

Josua 14:14

Yaake vas o foro Hebron o Kaleb dino, koleskro dad o Yefunne his dran o kheer Kenas. Ninna kava dives hi kava foro leskre čavenge doleske, kay rikras o Kaleb ap o baro Debleste, kay o Israeleskro Devel hi, oun patsas leske.

Josua 15:13

Oun o Yosua das o Kalebes peskro foro mashkral dren an o them Youda, yaake har o baro Devel ap o Yosua penas, te krell lo kova. Kava foro kharas Arba, oun kharell kanna Hebron. O Arba his o phouro dad kol menshendar, kay kharenn Anakarya.

Josua 21:11

Kiryat-Arba, hoy his kharedo pal o morsheste Arba, kolestar i Anakarya venn, oun i phoub troul o foro trouyel, kay i firhe nay rhan; kava foro hi kanna Hebron oun hi čiddo an i berge Youda.

Josua 21:12

Ko harhetikri phoub pash o foro oun i gaba koy trouyel dan le o morsheste Kaleb, koleskro dad o Yefunne his, te vell kava them leskro.

Čačepangre 1:20

Oun yon dan o foro Hebron o Kaleb, yaake har o Mose kova lenge penas. Oun yob tradas kotar kol triin familyen vin, kolengro phouro dad o Anak his.

Čačepangre 3:11

Oun ko themeske Israel djas 40 (star-deesh) bersha lačes oun kek kourepen his an ko tsiro. Oun palle meras o Otniel, koleskro dad o Kenas his.

Čačepangre 3:30

Oun yaake his i Israelitarya ap kava dives zorleder har i Moabarya. Oun 80 (orhta-deesh) bersha his kek kourepen an o them.

Čačepangre 5:31

Maro baro Devel, yaake hounte merenn lauter, hoy tout gar kamenna. Kolla, kay kamenn tout o tselo djiyestar, yon te venna raylo har o kham, har djal lo pre an peskri zoor! Oun pal kova his an o them 40 (star-deesh) bersha kek kourepen.

Čačepangre 8:28

O Midian his yaake khetne dino, te his yon bouder gar zoreles doha, te kourenn le pen i Israelentsa. Yaake his kek kourepen an o them Israel 40 (star-deesh) bersha, yaake rah har o Gideon djivas.

1. Samuel 30:31

oun Hebron, oun an kol tsele gaba, kay o David peskre morshentsa dren oun vin djas.