Josua 14:10 - O Debleskro Lab 2024 (Sinte-Manouche)

¹⁰ Oun kanna dik, o baro Devel rikras man ap o djipen, yaake har lo kova penas. Kanna djan 45 (star-deesh-te-panč) bersha trouyel, foun ko tsiro, har o baro Devel kal laba ap o Mose penas, har i Israelitarya an o moulo them trouyel djan. Kanna hom 85 (orhta-deesh-te-panč) bersha phouro.

O Debleskro Drom 2021 (Sinte)

¹⁰ Un kanna dik, o baro Dewel rikras man ap o djipen, jaake har lo kowa penas. Kanna djan 45 (star-deesh-te-pantch) bersha trujel, fun ko tsiro, har o baro Dewel kal laba ap o Mose penas, har i Israelitarja an o mulo them trujel djan. Kanna hom 85 (ochta-deesh-te-pantch) bersha phuro.

Josua 14:10 Iomraidhean Croise

Debleskri gili 107:4

Mank lende his save menshe, kay his nashedo an o moulo tato them. Kek drom hatsan le, vitar kek foro, kay menshe djivenna.

Debleskri gili 91:7

Ninna te perenn i zerya menshe ap tiri rig, oun deesh zerya ap tiri čači rig, touke djal či.

4. Mose 14:30

čačepah, t'mer venn gar an ko them, kay me hadom miro vast oun dom man sovel, te nay djivenn koy dren. Kokres o Kaleb, koleskro dad o Yefunne hi, oun o Yosua, koleskro dad o Noun hi, kolla douy venn koy dren.

4. Mose 14:38

Kokres o Yosua, koleskro dad o Noun hi, oun o Kaleb, koleskro dad o Yefunne hi, ačan djido kol morshendar, kay djan, te dikenn le pen trouyel, har ko them hi.

Josua 11:18

O Yosua hounte kouras pes kol bare rayentsa i rah tsiro, bis te halauter moulo dino his.

Josua 13:1

Oun o Yosua vas phouro. Les his i lengsto djipen. Kote penas o baro Devel ap leste. Tou val phouro, oun tout his i lengsto djipen. Oun koy hi gomme boud them, hoy gar dren lino hi:

Josua 14:11

Oun me hom kava dives gomme yaake zorelo, har ap ko dives, har o Mose man vin bičras. Koy zoor, hoy man an ko tsiro his, hi man kanna ninna gomme, yaake te nay kourap man oun djap vin an o kourepen.

Josua 14:9

Ap ko dives das o Mose pes sovel, oun penas: Ko them, kay tiri heri pre stakras, hi touke oun tire čavenge hako tsireske doleske, kay tou rikral ap o baro Debleste, kay miro Devel hi, oun patsal leske.