Josua 14:1 - O Debleskro Lab 2024 (Sinte-Manouche)1 Oun kalla hi kol kotya them, hoy i Israelende dino van an o them Kanaan. O rashay Elazar oun o Yosua, koleskro dad o Noun his, khetne kol pralstunentsa pral i bare familyende, yon his kolla, kay dan ko them vin, te lell haki familya peskro kotar them. Faic an caibideilO Debleskro Drom 2021 (Sinte)1 Un kalla hi kol kotja them, hoi i Israelende dino wan an o them Kanaan. O rashai Eleasar un o Josua, koleskro dad o Nun his, khetne kol pralstunentsa pral i bare familjende, jon his kolla, kai dan ko them win, te lell haki familja peskro kotar them. Faic an caibideil |
Palle penas o Mose ap kol Israelitarya: “Kol menshe dran o kheer Ruben, dran o kheer Gad, oun ko paash kol menshendar dran o kheer Manasse lan pengro kotar them ap kay rig o panyestar Yordan, vergel o forestar Yericho, ap koy rig, kay o kham pre djala. Kava kate hi ko them, kay lenn t'mer vavar. Yaake kamell kova o baro Devel. Vitsrenn barhtyakre barra te hatsenn vin, koon havo kotar lella.”
Oun yaake dan o rashay Elazar oun o Yosua, koleskro dad o Noun his, khetne kol pralstunentsa pral kol 12 (deesh-te-douy) bare familye hakeneste peskro them, yaake har i barra sikran, hoy le vitsran. Kova vas kerdo, har his le khetne glan o baro Debleste, glan o voudar leskro plarhteno kherestar an o foro Shilo. Oun yaake las kote hakeno peskro kotar them.