Josua 13:26 - O Debleskro Lab 2024 (Sinte-Manouche)

^26-27 Lengro them his ko kotar them, hoy gomme pral ačas ko themestar, pral koleste o Sihon o ray his – kova kay djivas an o foro Heshbon. Kava them djas foun o foro Heshbon bis pash i forya Ramat-Mizpe oun Betonim, oun foun o foro Mahanayim bis pash o them Debir. Koy pashel hi koy tala ap koy rig o panyestar Yordan, kay o kham pre djal, bis pash o pani Génésareth. Kote his kol forya čiddo: Bet-Haram, oun Bet-Nimra, oun Soukot oun Zafon.

O Debleskro Drom 2021 (Sinte)

^26-27 Lengro them his ko kotar them, hoi gomme pral atchas ko themestar, pral koleste o Sihon o rai his – kowa kai djiwas an o foro Heshbon. Kau them djas fun o foro Heshbon bis pash i forja Ramat-Mizpe un Betonim, un fun o foro Mahanajim bis pash o them Debir. Koi pashel hi koi tala ap koi rig o panjestar Jordan, kai o kham pre djal, bis pash o pani Kinneret. Kote his kol forja tchiddo: Bet-Haram, un Bet-Nimra, un Sukkot un Zafon.

Josua 13:26 Iomraidhean Croise

1. Mose 31:49

Doleske venn le Gal-Ed kharedo, ninna Mispa. O Laban penas: “O baro Devel mou dell yak, te rikras men ap kova an ko tsiro, kay vella, kay ham bouder gar khetne.

2. Samuel 17:27

Har o David an o foro Mahanayim vas, koy van pash leste: o Shobi, koleskro dad o Nahash hi, dran o foro Rabba, kay i Ammonarya djivan; o Makir, koleskro dad o Ammiel hi dran o foro Lo-Dabar; oun o Barsillay dran o foro Roglim dran o them Gilead.

2. Samuel 2:8

O Sauleskro pralstouno lourdo, o Abner, koleskro dad o Ner hi, kova las o Sauleskro čaves Ish-Boshet, oun anas les an o foro Mahanayim,

1. Rajengro liil 22:3

Oun o baro ray pral o them Israel penas ap leskre boudepangre: “Djinenn t'mer gar, kay o foro Ramot an o them Gilead maro hi? Hoske rikrah men pale, oun lah les gar dran o vast o baro rayestar pral Syria?”

1. Rajengro liil 4:14

O Ahinadab, koleskro dad o Iddo hi, yob his o pralstouno pral o foro Mahanayim.

Josua 13:25

Ko foro Yaser oun i tsele forya an o them Gilead oun o paash them Ammon bis pash o foro Aroer, hoy ap koy rig o forestar Rabba čiddo hi, kay o kham pre djal.

Josua 20:8

Ap i vavar rig o panyestar Yordan pash o foro Yericho rodan le vin: o foro Bezer an o moulo them ap ko pralstouno kotar them, kay i menshe dran o kheer Ruben djivan; o foro Ramot an o them Gilead ap o kotar them, kay i menshe dran o kheer Gad djivan; oun o foro Golan an o them Bashan ap ko kotar them, kay i menshe dran o kheer Manasse djivan.

Josua 21:38

Oun an o them Gad lan le star forya: Ramot an o them Gilead, kava foro hi ninna i foro, kay kolla nay nashenn, kay yekes temerl dan, oun koy phoub troul o foro, kay i firhe nay rhan; Mahanayim oun koy phoub troul o foro, kay i firhe nay rhan;

Čačepangre 10:17

Oun i Ammonarya van khetne gole dino, oun čivan pengre plarhtene khera pre pash o foro Gilead. Oun i Israelitarya van khetne pash Mispa.

Čačepangre 11:11

Kote djas o Yefta i phourentsa, kay van dran Gilead. Oun i tsele menshe čivan les pral pende, te vell lo lengro ray oun pralstouno. Oun kote an o foro Mispa penas o Yefta lenge glan o baro Debleste, hoy yob oun i pralstoune vin kran.

Čačepangre 11:29

Kote vas o dourho o baro Deblestar pral o Yefta. Oun yob djas an o tselo them Gilead oun Manasse trouyel oun vas pale an o foro Mispe an Gilead. Oun kotar djas lo an o kourepen, te kourell lo pes i lourdentsa dran o them Ammon.