Josua 13:25 - O Debleskro Lab 2024 (Sinte-Manouche)

²⁵ Ko foro Yaser oun i tsele forya an o them Gilead oun o paash them Ammon bis pash o foro Aroer, hoy ap koy rig o forestar Rabba čiddo hi, kay o kham pre djal.

O Debleskro Drom 2021 (Sinte)

²⁵ Ko foro Jaser un i tsele forja an o them Gilead un o paash them Ammon bis pash o foro Aroer, hoi ap koi rig o forestar Rabba tchiddo hi, kai o kham pre djal.

Josua 13:25 Iomraidhean Croise

2. Samuel 11:1

Oun ko bersh djas trouyel. Oun an ko tsiro, kay kol bare raya an o kourepen djan, bičras o David o Yoabes oun leskre lourden leha an o kourepen. Ninna i tsele Israelengre lourde djan lentsa. Oun yon kouran pen i Ammonentsa, kran lengro them paash oun čivan pen troul o foro Rabba. O David ačas an Yerusalem.

2. Samuel 12:26

Yaake kouras pes o Yoab oun leskre lourde ko foreha Rabba, ko baro foreha kol Ammonendar, oun las ko foro dren, kay lengro baro ray djivell.

2. Samuel 24:5

Oun yon djan vergel o pani Yordan oun van pash o foro Aroer oun pash ko foro, hoy mashkral an i panyeskri tala čiddo hi an o them Gad. Oun kotar djan le pash o foro Yaser,

1. Familjakro liil 26:31

O pralstouno pral o kheer Hebron peskre tsele familyentsa his o Yeriya. Har his o David an o star-deshto bersh o baro ray, rodan le an-dikle morsha mank lende oun hatsan len an o foro Yaser an o them Gilead.

Jesaja 16:8

Ap ko harhetikri phoub troul o foro Heshbon vell bouder kek lačo djob bares. Moulo hi kol drakengre rouka pash o foro Sibma. I themengre raya dan i feteder drakengre kashta tele, hoy djan bis pash o foro Yaser. Oun ap yek rig djan i neve kashta bis an o moulo tato them, ap i vavar rig bis pash o Moulo Baro Pani.

Jesaja 17:2

Kol forya an Syria hi mouklo, oun i firhe nay rhan kote, oun kek hi koy, kay len krik tradell.

Jeremia 48:32

T'mer menshe an o foro Sibma, rovau boudeder pral t'mende har rovom pral o foro Yaser. Tou hal har i drakengro rouk; tire lengste kashta djan pral o baro pani, oun van bis pash o foro Yaser. An ko tsiro, kay i drake oun i vavar roukengre dren anlo venn, venn kolla pral lende, kay lauter paash krenna. Či ačell pral.

Ezekiel 21:20

te taprell i menshen bari daar, oun boud merenn. Pash hake foreskre voudya venn menshe maredo o rhareha. Djoudjo har i blendari hi ko rharo. O marepaske hi lo kerdo.

Amos 1:14

Me bičrau i yag ap i foreskre massurya o forestar Rabba, hoy rhačrell leskre zorele khera tele, ap ko dives, kay vell o kourepaskri gole dino, oun o kourepen vin phagell har i baro phourdepen.

4. Mose 21:32

Oun o Mose bičras morshen vin pash o foro Yaser, te hatsenn le vin, har zorelo ko foro hi. Oun i Israelitarya lan ko fores penge dren, ninna kol gaba, hoy koy pashel hi. Oun yon tradan kol Amorarya krik, kay koy dren his.

4. Mose 32:35

Atrot-Shofan, Yaser, Yogboha

5. Mose 2:19

Oun tou veh pash o them, kay i Ammonarya djivenn, kol menshe, kay venna pal o Lot. Kolenge kress kek čilačepen! Oun mouk tout ap kek čingepen lentsa dren. Me dau tout kek kotar lengro themestar, hoy dom lende.”

5. Mose 3:11

Kokres o Og, ko baro ray pral Bashan, ačas djido kol bare menshendar, kay rise kharedo van. Har meras lo, vas lo paskedo an i barrengro morhton. Kova hi yaake star metarya baro oun douy metarya bourhlo, oun hi tardo an o foro Rabba an o them Ammon.

Josua 13:11

o them Gilead; oun ko them, kay djivenn i Geshourarya oun i Maakatarya; oun i tsele berge, hoy kharenn Hermon; oun ko tselo them Bashan bis pash o foro Salka;

Josua 13:24

Oun o Mose das i familyen dran o kheer Gad lengro kotar them:

Josua 13:26

Lengro them his ko kotar them, hoy gomme pral ačas ko themestar, pral koleste o Sihon o ray his – kova kay djivas an o foro Heshbon. Kava them djas foun o foro Heshbon bis pash i forya Ramat-Mizpe oun Betonim, oun foun o foro Mahanayim bis pash o them Debir. Koy pashel hi koy tala ap koy rig o panyestar Yordan, kay o kham pre djal, bis pash o pani Génésareth. Kote his kol forya čiddo: Bet-Haram, oun Bet-Nimra, oun Soukot oun Zafon.

Josua 21:39

Heshbon oun koy phoub troul o foro, kay i firhe nay rhan; Yaser oun koy phoub troul o foro, kay i firhe nay rhan.

Čačepangre 5:17

Oun i morsha dran o Gilead ačan ap i vavar rig o panyestar Yordan. Oun o Dan? Hoy krell yob? Pash peskre shiffe ačell yob. Pash o baro pani djivell o Asser. Oun kote ačas lo ninna beshdo.