Josua 13:14 - O Debleskro Lab 2024 (Sinte-Manouche)

¹⁴ I menshenge dran o kheer Levi vas kek kotar them dino. Yon lenn pengro kotar kol firhendar, hoy i Israelitarya o baro Debleske anenna, kay o Israeleskro Devel hi. Yaake vell kova, hoy i Levitaryen hounte vell djipaske, o baro Deblestar. Yaake penas lo les lenge.

O Debleskro Drom 2021 (Sinte)

¹⁴ I menshenge dran o kheer Levi was kek kotar them dino. Jon lenn pengro kotar kol viechendar, hoi i Israelitarja o baro Debleske anenna, kai o Israeleskro Dewel hi. Jaake well kowa, hoi i Levitarjen hunte well djipaske, o baro Deblestar. Jaake penas lo les lenge.

Josua 13:14 Iomraidhean Croise

Ezekiel 44:28

I rashayenge vell kek kotar phoub, hoy o dadestar ap o čaveste doureder dino vell. Me hom lengro kotar. Len vell kek kotar them an o them Israel. Me dau len, hoy len hounte vell djipaske.

Ezekiel 44:29

Lengro rhapen lenn le kolestar, hoy glan mande anlo vell, ko djobestar oun kol firhendar, hoy maredo venn, te vell i doosh oun o pale-čiddo koova krik lino, oun kol firhendar, hoy venn maredo, te vell lauter pale mishto. Ninna lenn le halauter, hoy i menshe mange ap i rig čivan.

5. Mose 10:9

Doleske vell i Levitaryen kek them har lengre phralen. Kova hoy yon lenna, vell dran lengri boudi o baro Debleske. Kova penas lenge t'maro baro Devel.

5. Mose 12:12

Kote glan t'maro baro Debleste avenn barhteles, t'mer oun t'mare čave oun ča oun t'mare boudepangre, morsha oun djouvya, ninna i Levitarya, kay djivenn an t'mare forya, kolen kek them mank t'mende hi.

5. Mose 12:19

Ma bistrenn i Levitaryen oun denn lende, hoy len hounte vell, yaake rah har an t'maro them djivenn.

Josua 13:13

Kol menshen dran Geshour oun Maaka tradan i Israelitarya gar krik. Doleske djivenn yon gomme kava dives mank i Israelitaryen.

Josua 13:15

Oun o Mose das i familyen dran o kheer Ruben lengro kotar them.

Josua 13:33

I menshenge dran o kheer Levi vas kek kotar them dino. Kova, hoy len hounte vell djipaske, vell lengro baro Deblestar, kay o Israeleskro Devel hi. Yaake penas lo lenge.

Josua 18:7

I Levitarya lenn kek kotar them mashkral t'mende. Lengro kotar hi, te nay venn le rashaya o baro Debleske. Oun i familye Gad oun Ruben oun i paash familya Manasse lan pengro kotar them ap i vavar rig o panyestar Yordan, ap koy rig, kay o kham pre djala. Kova das len o Mose, koles o baro Debleskro vast his.”