Josua 12:6 - O Debleskro Lab 2024 (Sinte-Manouche)

⁶ Kalla his kol douy bare raya, kolentsa i Israelitarya pen kouran oun i zorleder van. Lengro pralstouno his o Mose, koles o baro Debleskro vast his. Oun yob das ko them i menshende dran i khera Ruben oun Gad oun kolen dran o paash kheer Manasse.

O Debleskro Drom 2021 (Sinte)

⁶ Kalla his kol dui bare raja, kolentsa i Israelitarja pen kuran un i sorleder wan. Lengro pralstuno his o Mose, koles o baro Debleskro wast his. Un job das ko them i menshende dran i khera Ruben un Gad un kolen dran o paash kheer Manasse.

Josua 12:6 Iomraidhean Croise

1. Rajengro liil 4:19

O Geber, koleskro dad o Ouri hi, yob his o pralstouno pral o them Gilead, kay glan i tsiro o Sihon o ray his, ko baro ray pral i Amorarya, oun o Og o baro ray pral Bashan his. Kokres yek morsh his o pralstouno pral kava them.

4. Mose 32:29

“Te djan i morsha dran o kheer Gad oun dran o kheer Ruben t'mentsa vergel o Yordan, oun kourenn pen yaake rah glan o baro Debleste, bis te ko them t'menge hi, yaake denn lende ko them Gilead, te vell kova lenge.

4. Mose 32:32

Mer lah mare rhare oun djah glan o baro Debleste an o them Kanaan, te las maro kotar them kate ap kay rig o panyestar Yordan.”

4. Mose 32:33

Yaake das o Mose kol menshen dran o kheer Gad oun dran o kheer Ruben oun ko paash kol menshendar dran o kheer Manasse, kay o Yosefeskro čavo his, ko them, kay o Sihon o baro ray pral i Amorarya his oun ko them, kay o Og o baro ray pral Bashan his. Yob das len o tselo them oun kol forya koy dren.

Josua 14:3

Kol menshen dran kol douy-te-paash vavar khera das o Mose pengro kotar them ap i vavar rig o panyestar Yordan. I Levitaryen das lo kek them.

Josua 18:7

I Levitarya lenn kek kotar them mashkral t'mende. Lengro kotar hi, te nay venn le rashaya o baro Debleske. Oun i familye Gad oun Ruben oun i paash familya Manasse lan pengro kotar them ap i vavar rig o panyestar Yordan, ap koy rig, kay o kham pre djala. Kova das len o Mose, koles o baro Debleskro vast his.”

Josua 22:4

Kanna kras t'maro baro Devel, te nay lan t'mare phralen lengro them ninna dren, oun yon nay djivenn kote an o lačepen, yaake har lo kova lenge penas. Doleske rissrenn kanna trouyel, oun djan pash t'mare plarhtene khera an ko them, hoy t'menge dino vas, te vell lo t'menge – ko them, hoy das t'men o Mose, koles o baro Debleskro čačo vast his, ap i vavar rig o panyestar Yordan.