Josua 12:1 - O Debleskro Lab 2024 (Sinte-Manouche)

¹ Oun kalla hi kol bare raya, pral kolende i Israelitarya i zorleder van, oun lengre themma dren lan. Douy his i raya pral o them ap koy rig o panyestar Yordan, kay o kham pre djala, mank o pani Arnon oun koy berga, hoy kharell Hermon, ninna pral koy tseli tala ap koy rig o panyestar Yordan, kay o kham pre djal.

O Debleskro Drom 2021 (Sinte)

¹ Un kalla hi kol bare raja, pral kolende i Israelitarja i sorleder wan, un lengre themma dren lan. Dui his i raja pral o them ap koi rig o panjestar Jordan, kai o kham pre djala, mank o pani Arnon un koi berga, hoi kharell Hermon, ninna pral koi tseli tala ap koi rig o panjestar Jordan, kai o kham pre djal.

Josua 12:1 Iomraidhean Croise

1. Rajengro liil 4:19

O Geber, koleskro dad o Ouri hi, yob his o pralstouno pral o them Gilead, kay glan i tsiro o Sihon o ray his, ko baro ray pral i Amorarya, oun o Og o baro ray pral Bashan his. Kokres yek morsh his o pralstouno pral kava them.

Debleskri gili 133:3

Kava hi yaake har o taysarlakro pani, hoy i berga Hermon tele nashella ap i berge Sion! Kote kamell o baro Devel peskri barht te dell, oun o djipen, hoy hako tsiro ačella.

Debleskri gili 136:21

Oun das lengro them peskre menshende. Leskro lačepen ačella hako tsireske!

Debleskri gili 89:12

O bolepen, tiro hi lo, oun i phoub, tiri hi li, oun tou kral lauter, hoy dren hi.

Jesaja 16:2

I bičepangre te penenn leske: “I djouvya an Moab hi har čirkle, kay krik tradedo van dran lengro kheer. Pash o lengsto pani Arnon nashenn le kate te kote.

4. Mose 21:13

Kotar djan le doureder, oun ačan i tsiro an ko moulo tato them pash o pani Arnon ap koy rig, kay o kham tato hi. O pani Arnon nashell mank o them Moab oun o them, kay i Amorarya djivenn.

4. Mose 21:21

Oun o Israel bičras morshen pash o baro rayeste pral i Amorarya, – kova kharas Sihon, – oun moukas leske te penell:

4. Mose 21:24

O Israel his zorleder oun das les o rhareha oun las lestar ko them peske, hoy hi mank o pani Arnon oun o pani Yabbok oun djal bis pash o them, kay kol Ammonarya djivenna. Ko them, kay i Ammonarya djivan, djas bis pash o foro Yaser.

4. Mose 32:19

Mer kamah gar lentsa i kotar them te lell ap i vavar rig o panyestar Yordan. Maro them lah ap kay rig o panyestar Yordan, kay o kham pre djal.”

4. Mose 32:32

Mer lah mare rhare oun djah glan o baro Debleste an o them Kanaan, te las maro kotar them kate ap kay rig o panyestar Yordan.”

4. Mose 32:33

Yaake das o Mose kol menshen dran o kheer Gad oun dran o kheer Ruben oun ko paash kol menshendar dran o kheer Manasse, kay o Yosefeskro čavo his, ko them, kay o Sihon o baro ray pral i Amorarya his oun ko them, kay o Og o baro ray pral Bashan his. Yob das len o tselo them oun kol forya koy dren.

5. Mose 2:24

Har djam vin dran o them Moab, penas o baro Devel ap mende: “Krenn t'men ap o drom, oun djan pral ko lengsto pani Arnon! An tiro vast dom o baro rayes pral i Amorarya, o Sihon, kay djivell an o foro Heshbon. Kourenn t'men leha, oun lenn leskro them t'menge dren!

5. Mose 2:32

Oun o Sihon djas vin dran o foro peskre tsele lourdentsa, te kourenn le pen mentsa pash o foro Yahaz.

5. Mose 3:1

Kote rissram oun lam o drom, hoy an o them Bashan pre djal. Oun o Og, ko baro ray pral Bashan, djas vin peskre tsele lourdentsa, te kourenn le pen mentsa pash o foro Edrei.

5. Mose 4:44

O Mose sikras i Israelenge o Debleskro drom.

5. Mose 4:46

An ko tsiro his le ap koy rig o panyestar Yordan, kay o kham pre djal, vergel o foro Bet-Peor an o them, kay his o Sihon o ray pral i Amorarya. Kova djivas an o foro Heshbon. Koles maran o Mose oun i Israelitarya, har djan le dran o them Egiptia vin.

5. Mose 4:48

Kava tselo them djas o forestar Aroer, hoy pash o lengsto pani Arnon čiddo hi, bis pash i berga Sihon, hoy kharella ninna berga Hermon.

Josua 11:17

oun o tselo them mank i berga Halak pash i berge Seir oun o foro Baal-Gad an i tala mank i berge Libanon oun i berga Hermon. Oun lengre tsele bare rayen tapran le, oun dan len moulo.

Josua 11:3

Ninna bičras lo morshen pash i Kanaanitarya, kay djivenn kote, kay o kham pre djala oun kote, kay o kham tele djal pash i Amorarya, pash i Hetarya, pash i Perisarya, pash i Yebousarya ap i berge, pash i Hivarya tele pash i berge Hermon an o them Mispa.

Josua 13:8

Ko vavar paash kol familyendar dran o kheer Manasse, ninna kol familye dran i khera Ruben oun Gad, yon lan pengro kotar them ap i vavar rig o panyestar Yordan, kote kay o kham pre djal. O Mose, koles o baro Debleskro čačo vast his, das len les kote:

Josua 22:4

Kanna kras t'maro baro Devel, te nay lan t'mare phralen lengro them ninna dren, oun yon nay djivenn kote an o lačepen, yaake har lo kova lenge penas. Doleske rissrenn kanna trouyel, oun djan pash t'mare plarhtene khera an ko them, hoy t'menge dino vas, te vell lo t'menge – ko them, hoy das t'men o Mose, koles o baro Debleskro čačo vast his, ap i vavar rig o panyestar Yordan.

Čačepangre 11:18

Palle djan le an o moulo them, oun troul o them Edom oun o them Moab trouyel. Oun van pash o them Moab koy rigyatar, kay o kham pre djala. Oun yon čivan pengre plarhtene khera pre ap i vavar rig o panyestar Arnon. Yaake van le gar an o Moabengro them. O pani Arnon nashell mank Moab oun o moulo them.