Josua 11:6 - O Debleskro Lab 2024 (Sinte-Manouche)

⁶ Kote penas o baro Devel ap o Yosua: “Ma dare gar lendar! Taysar kava tsireske dan t'mer len halauter moulo. Oun kova krau me t'menge. Palle činenn lengre grayen an i herya yaake te nay nashenn le bouder gar! Oun lengre vourdya rhačrenn pre!”

O Debleskro Drom 2021 (Sinte)

⁶ Kote penas o baro Dewel ap o Josua: “Ma dare gar lendar! Taissar kau tsireske dan tumer len halauter mulo. Un kowa krau me tumenge. Palle tchinenn lengre grajen an i herja jaake te nai nashenn le buder gar! Un lengre wurdja chatchrenn pre!”

Josua 11:6 Iomraidhean Croise

2. Samuel 8:4

Oun pandas 1.700 (yek-sero-efta-sheel) klissepangre, oun 20.000 (biish-zerya) lourden, oun kras i tsele grayen bango. Kokres sheel lendar moukas lo pral.

2. Rajengro liil 6:16

O Elisa penas: “Ma traash! Ap mari rig hi boudeder lourde har ap lengri rig.”

2. Familjakro liil 20:16

Taysar djan tele pash lende! Te venn yon pre ap o pralstouno drom pash Ziz, venn t'mer lentsa khetne kote, kay i tala pre herella, glan o moulo divyo them Yerouel.

Debleskri gili 46:10

Ap o marepen penell lo: “Mouk tele ap i tseli phoub!” Kol kashta, kolentsa dan le karye, phagell lo khetne, oun lengre rhare dell lo paash, i kourepangre vourdya rhačrell lo pre.

Debleskri gili 46:11

“Moukenn tele”, dell lo gole, “oun hayvenn, te hom me o Devel. Me hom o pralstouno pral i menshende an i tsele themma, ava, o pralstouno pral i tseli phoub.”

Debleskri gili 46:9

Avenn oun dikenn ko baro koova, hoy o baro Devel kras! Dareno koova krell lo ap i phoub:

Gosewe laba 20:7

Kova, kay an o čačepen tardo hi oun o Debleskro drom gar moukell, barhtelo hi leskre čave, kay pal leste venna.

Jesaja 30:16

T'mer penenn: “Na-a, ap graya kamah sik te klissell. Mare graya hi sik naashepangre.” Ava, t'mer nashenn sik t'menge. Oun kolla, kay t'men palla lenn, nashenn gomme sikeder.

Jesaja 31:1

Djungeles djal kolenge, kay djan tele pash i Egiptaryen, te mangenn le lendar, te venn yon lenge ap i rig; oun patsenn, kay kolengre graya oun boud kourepaskre vourdya oun kol zorele klissepangre len vin lenn dran i čilače vasta. Oun ap o Israeleskro Debleste, kay kokres o Devel hi, dikenn le gar. Ava, pal o baro Debleste poučenn le gar!

Ezekiel 39:9

Oun kolla, kay djivenn an i forya an o them Israel, djan palle vin, oun lenn kol karmangre kol moule lourdendar khetne, oun krenn yag oun rhačrenn len, kol tikne oun bare shilte, kol boge oun fayle, kol kashtene depangre oun vitsepaskre čourya. Oun kolentsa krenn le efta bersha pengri yag.

Hosea 14:3

Lenn kal laba t'mentsa, oun avenn pale pash o baro Debleste, oun penenn leske: Le mari tseli doosh mendar krik, oun shoun maro mangepen! Palle kamah tout te sharell mare čipyentsa.

Nahum 2:13

O levo randas oun tapras yaake boud firhen, te van leskre čave oun leskre romya čalo. Leskro khatepen kras lo pherdo koleha, hoy lo randas oun maras.

5. Mose 7:16

T'mer hounte marenn i tsele natsyone, hoy t'maro baro Devel an t'mare vasta dell. Yon hounte khaytenn t'men gar, oun lengre deblen hounte mangenn gar an. Yon anans t'men an i bibarht.

Josua 10:8

Oun o baro Devel penas ap o Yosua: “Ma traash lendar! An tiro vast dom me len. Kek morsh lendar nay ačell glan toute tardo.”

Josua 11:5

Oun yon van halauter khetne ap i platsa pash ko tikno pani, hoy kharella Merom, te kourenn le pen i Israelentsa.

Josua 11:7

Oun o Yosua peskre tsele lourdentsa vas ap yek kopo pral lende, har yon kote pash o tikno pani, hoy Merom kharell, tardo his.

Josua 11:9

Oun o Yosua kras lentsa yaake har o baro Devel kova leske penas: lengre grayenge činas lo an i herya yaake te nay nashan le bouder gar. Oun lengre vourdya rhačras lo pre.

Josua 3:5

Oun o Yosua penas ap i menshende: “Krenn t'men djoudjo o Debleske! Taysar krell o baro Devel i baro koova mashkral t'mende.”

Čačepangre 7:9

Oun an koy rat penas o baro Devel ap o Gideon: “Ste pre, oun dja tele kote, kay i Midianarya čiddo hi! Me dom len an tiro vast.

1. Samuel 11:9

Oun yob penas ap kol bičepangre: “Penenn t'mare menshenge an o foro Yabesh: Taysar mashkral o dives han bouder gar dren pandlo.” Oun kol bičepangre djan khere, oun penan lauter i morshenge an Yabesh, oun kolla van pale barhteles.