Josua 11:22 - O Debleskro Lab 2024 (Sinte-Manouche)

²² Kek Anakari ačas pral an o tselo them Israel. Kokres an i forya Gaza, Gat oun Ashdod ačan lendar djides.

O Debleskro Drom 2021 (Sinte)

²² Kek Anakari atchas pral an o tselo them Israel. Kokres an i forja Gaza, Gat un Ashdod atchan lendar djides.

Josua 11:22 Iomraidhean Croise

1. Rajengro liil 2:39

Pal triin bersha, nashan leske douy boudepangre krik pash o Akish, koleskro dad o Maaka his. O Akish his o ray pral o foro Gat. Oun o Shimeske vas penlo: “Dik, tire boudepangre hi an o foro Gat!”

1. Familjakro liil 18:1

Pal kova kouras pes o David i Filistarentsa oun his zorleder har yon, oun las o foro Gat oun i gaba troul Gat dran lengro vast.

1. Familjakro liil 8:13

O Berya oun o Shema his i pralstoune pral pengre familye, kay an o foro Ayalon djivan. Yon tradan i menshen, kay djivan an o foro Gat, dran o foro vin.

2. Familjakro liil 26:6

Oun yob djas an o kourepen oun kouras pes i Filistarentsa oun phagas i massurya tele troul i forya Gat, Yabne oun Ashdod. Oun moukas zorele barrengre khera te krell an o them troul Ashdod oun an o Filistarengro them.

Jesaja 20:1

O baro ray pral o them Assour, o Sargon, bičras peskro pralstouno lourdes, te kourell lo pes o foreha Ashdod. Oun an ko bersh, har yob ko foro dren las,

Bičepangre 8:40

O Filipes hatsan le an o foro Ashdod. Oun yob djas trouyel, oun penas o lačo lab o Yezousestar an kol tsele forya. Oun yaake vas lo an o foro Cesarea.

5. Mose 2:23

Oun an i gaba pash o Mashkralstouno Baro Pani djivan menshe, kay his kharedo Avarya. Pral lende van Filistarya dran Kreta, oun dan len moulo, oun lan lengro them bis pash o foro Gaza. Oun djivan palle kote.

5. Mose 9:2

I menshe kote hi baro oun venn kharedo rise. T'mer shounan, har lendar penlo vas: Kek nay vell zorleder har yon.

Josua 15:14

Kote djivan kol triin bare familye, kolengre phoure dada o Sheshay oun o Ahiman oun o Talmay his. Kolla van o morshestar Anak. Oun o Kaleb tradas len vin dran o foro.

Josua 15:46

kol forya mank Ekron oun o Baro Pani ap koy rig, kay o foro Ashdod oun leskre gaba čiddo hi;

Josua 15:47

ninna Ashdod oun Gaza oun lengre tikneder forya oun lengre gaba bis pash o Baro Pani oun tele bis pash koy tala, pal kolate o them Egiptia hi.

Čačepangre 1:18

Oun o Youda las ninna i forya Gaza, Ashkelon oun Ekron dren oun o them, hoy koy pashel his.

Čačepangre 3:3

I panč raya pral i Filistarya, i tsele Kanaanitarya oun i Sidonarya oun i Hivarya, kay ap i berge Libanon djivan mank i berga Baal-Hermon oun Lebo-Hamat.

1. Samuel 17:4

Kote vas i kourepaskro i Filistarendar glan. Leskro lab his Goliat, dran o foro Gat. Yob his yaake triin metarya baro.

1. Samuel 5:1

Oun o morhton, kay o Debleskre deesh laba dren hi, his kanna an i vasta kol Filistarendar. Oun yon lan les dran Eben-Eser oun anan les an o foro Ashdod.