Josua 11:1 - O Debleskro Lab 2024 (Sinte-Manouche)

¹ Oun har o baro ray pral o foro Hazor, o Yabin, kova shounas, bičras lo morshen pash boud bare rayende, te mangenn le lendar, te djan le leha an o kourepen: o Yobab, ko baro ray pral o foro Madon, o baro ray pral o foro Shimron, o baro ray pral o foro Akshaf,

O Debleskro Drom 2021 (Sinte)

¹ Un har o baro rai pral o foro Hazor, o Jabin, kowa shunas, bitchras lo murshen pash bud bare rajende, te mangenn le lendar, te djan le leha an o kurepen: o Jobab, ko baro rai pral o foro Madon, o baro rai pral o foro Shimron, o baro rai pral o foro Achshaf,

Josua 11:1 Iomraidhean Croise

2. Samuel 10:15

Har kol Syrarya dikan, kay yon i Israelendar dino his, lan le pengre tsele lourden khetne.

1. Rajengro liil 4:11

O Ben-Abinadab his o pralstouno pral o bergetikro them Dor. Leskri romni kharas Tafat. Lakro dad his o Salomo.

1. Rajengro liil 9:15

Kova hi o lab, hoy činlo hi pral i boudi, hoy hounte kran i boudepangre o baro rayeske Salomo. Lentsa kras yob o baro Debleskro kheer oun peskro kheer, oun ko turmo Millo, oun koy massouri troul Yerusalem, oun kol forya Hazor oun Megiddo oun Geser.

2. Rajengro liil 15:29

An ko tsiro, har o Peka ko baro ray pral o them Israel his, vas o Tiglat-Pileser, ko baro ray pral o them Assour, oun peras an o them Israel dren oun las peske kol forya Iyon, Abel-Bet-Maaka, Yanoa, Kedesh, Hazor, Gilead oun dran o them Galilea ko tselo them Naftali. Oun moukas kol menshen, kay kote djivenn, krik te anell an o them Assour.

Jesaja 26:11

Baro Devel, tiro vast hadal dour pre, te dess len trad. Oun yon kamenn gar te dikell. Mouk len dren te dikell, havo kamlepen tout tire menshenge hi, te ladjenn le pen. Rhače len pre an tiri yagakri rholi, kolen kay kamenn tout gar.

Jesaja 43:2

Te djah tou an o pani, me hom pash toute, te tassenn tout kol zorele panya gar. Oun te djah tou an i yag, palle rhačell li tout gar, oun nay krell touke či.

Josua 10:43

Oun palle djas o Yosua peskre tsele lourdentsa pale ap lengre platsa pash o foro Gilgal.

Josua 11:10

Palle rissras o Yosua trouyel oun las o foro Hazor dren. Oun leskro rayes das lo o rhareha moulo. O foro Hazor his an ko tsiro o bareder foro mank kol vavar forya an ko them.

Josua 12:19

Madon, Hazor,

Josua 12:20

Shimron-Meron, Akshaf.

Josua 19:36

Adama, Rama, Hazor,

Josua 9:2

Oun yon van halauter khetne, te djan le khetne an o kourepen khatar o Yosua oun o Israel.

Čačepangre 4:17

O Sisera nashas pash o plarhteno kheer, kay djivas i Yael. Kolakro rom his o Kenari Heber. Mashkral o baro rayeste pral o foro Hazor, o Yabin, oun o Kenari Heber his kek kourepen. Yon his penge lačes.

Čačepangre 4:2

Oun o baro Devel das len an o vast o baro rayestar Yabin. Kova his o baro ray pral o them Kanaan oun djivas an o foro Hazor. Oun leskro pralstouno lourdo kharas Sisera. Oun kova djivas an o foro Haroshet-Goyim.

Čačepangre 5:19

Kote van le, kol bare raya pral o them Kanaan! Yon van oun maran pen mentsa. Ava, an o foro Taanak pash o pani Megiddo maran le pen mentsa. Rup hidjras kek lendar khere.