Josua 10:3 - O Debleskro Lab 2024 (Sinte-Manouche)

³ Oun o Adoni-Zedek, ko ray pral Yerusalem, bičras morshen pash i bare rayende pral star vavar forya: pash o Hoham, ko ray pral Hebron, oun pash o Piram, ko ray pral Yarmout, oun pash o Yafia, ko ray pral Lakish, oun pash o Debir, ko ray pral Eglon. Oun yob moukas lenge te penell:

O Debleskro Drom 2021 (Sinte)

³ Un o Adoni-Zedek, ko rai pral Jerusalem, bitchras murshen pash i bare rajende pral star wawar forja: pash o Hoham, ko rai pral Hebron, un pash o Piram, ko rai pral Jarmut, un pash o Jafia, ko rai pral Lakish, un pash o Debir, ko rai pral Eglon. Un job mukas lenge te penell:

Josua 10:3 Iomraidhean Croise

1. Mose 23:2

Oun yoy meras an o foro Kiryat-Arba. Kova hi kanna Hebron an o them Kanaan. Oun o Abraham vas pash late, rovas oun das i djiyestar gole pral lakro merepen.

1. Mose 37:14

Koy penas o Israel: “Dja koy oun dik, har lenge oun i bakrenge djala. Oun pen les mange!” Yaake bičras yob les dran o telstouno them Hebron. Oun yob vas pash o foro Sichem.

2. Samuel 2:11

Ko tsiro, kay o David baro ray his pral o kheer Youda, oun an o foro Hebron djivas, kova his efta bersha oun shob čon.

2. Rajengro liil 18:17

Oun o baro ray pral o them Assour bičras peskre triin pralstoune morshen pash o Hiskiya: o Tartan, o Rabsaris oun o Rabshake. Kolla djan boud lourdentsa dran o foro Lakish pre an o foro Yerusalem. Oun har le koy van, ačan le pral tardo pash o panyeskro drom, kay nashell o pani an o foro Yerusalem. Kova hi pash koy platsa, kay i djouvya pengre koola thovenna.

2. Familjakro liil 11:9

Adorayim, Lakish, Aseka,

Jeremia 34:7

An ko tsiro his i lourde o rayestar dran o them Babilonia tardo troul o foro Yerusalem oun troul i forya Lakish oun Aseka; kokres kal forya Lakish oun Aseka his gomme gar dren lino kol tsele zorele foryendar an o them Youda.

Micha 1:13

T'mer an o foro Lakish, lenn t'menge graya oun čivenn len glan i vourdya, oun nashenn t'menge! T'mer anan i menshen dran o foro Sion ap o čilačo drom! An t'maro foro vell savo čilačepen kerdo har an o them Israel.

4. Mose 13:22

Oun yon djan an o them Negev, oun van bis pash o foro Hebron. Kote djivas o Ahiman oun o Sheshay oun o Talmay, kolengro dad o Anak his. O foro Hebron vas nevo kerdo efta bersha glan o foro Soan an o them Egiptia.

Josua 10:1

Oun o baro ray pral o foro Yerusalem, o Adoni-Zedek, shounas, te las o Yosua o foro Ai dren, oun das lauteren moulo, kay kote djivan. Ninna vas leske penlo, te kras o Yosua ko foreha Ai oun leskro baro rayeha yaake, har lo ninna o foreha Yericho oun leskro baro rayeha kras. Ninna shounas lo, te kran kolla, kay an o foro Gibeon djivenn, i Israelentsa vin, te vell kek kourepen mashkral lende douyende, oun te djivenn le mashkral lende.

Josua 10:23

Oun yon kran kova, oun anan kol panč rayen dran i grotta pash leste: O ray pral Yerusalem, o ray pral Hebron, o ray pral Yarmout, o ray pral Lakish oun o ray pral Eglon.

Josua 10:34

Palle djas o Yosua oun i tsele Israelitarya dran o foro Lakish vin oun doureder pash o foro Eglon. Oun yon čivan pen troul o foro oun kouran pen kolentsa, kay kote djivan.

Josua 10:5

Koy van kol panč bare raya pral i Amorarya khetne: kol bare raya pral i forya Yerusalem, Hebron, Yarmout, Lakish, oun Eglon. Oun lengre tsele lourde van lentsa. Oun yon djan khetne oun čivan pen troul o foro Gibeon, te lenn le les dren oun kouran pen lentsa.

Josua 14:15

O foro Hebron kharas glan kova Kiryat-Arba pal o barester morsh mank i Anakarya. Oun o kourepen his trouyel an o them Kanaan, oun i menshe nay djivan an lačepen khetne.

Josua 15:54

Houmeta, Kiryat-Arba – kova hi kanna Hebron, oun Sior. Kolla hi enya forya, oun koy pashel lengre gaba.

Josua 15:63

I morsha dran o kheer Youda nay tradan i Yebousaryen gar vin dran o foro Yerusalem. Doleske djivenn yon kote khetne i menshentsa dran o kheer Youda bis ap kava dives.

Josua 18:28

Zela, Elef, oun ko foro, kay djivan i Yebousarya, hoy hi kanna Yerusalem, ninna i forya Gibea oun Kiryat-Yearim. Kolla hi khetne 14 (deesh-te-star) forya oun lengre gaba. Kava hi o them, hoy lan i familye dran o kheer Benyamin.