Josua 10:24 - O Debleskro Lab 2024 (Sinte-Manouche)

²⁴ Oun har le kol rayen pash o Yosua anan, moukas yob i tsele Israeleskre morshen khetne gole te dell, oun penas ap i pralstunende pral i lourdende: “Avenn kate oun čivenn t'mare pire ap lengre meen!” Oun yon van oun kran kova.

O Debleskro Drom 2021 (Sinte)

²⁴ Un har le kol rajen pash o Josua anan, mukas job i tsele Israeleskre murshen khetne gole te dell, un penas ap i pralstunende pral i lurdende: “Awenn kate un tchiwenn tumare pire ap lengre meen!” Un jon wan un kran kowa.

Josua 10:24 Iomraidhean Croise

2. Samuel 22:39

Me marom len yaake, te nay stan le gar bouder pre, oun stakrom len tel mire herya.

2. Samuel 22:41

Tou kral, te hounte nashan le mandar. Yaake nay marom kolen, kay mange čilačepen kaman.

Debleskri gili 107:40

Koy moukas lo ladj ap lengre raya te perell, oun yon hounte nashan an o moulo them trouyel, kote kay kek drom hi.

Debleskri gili 110:1

I gili o Davidestar. O baro Devel penas ap miro baro rayeste: “Besh tout ap miri čači rig! Kamau te čivap kolen tel tire herya, kay touke čilačepen kamenn.”

Debleskri gili 110:5

O baro Devel hi ap tiri čači rig tardo, oun dell bare rayen khetne ap ko dives, kay leskri rholi vella,

Debleskri gili 18:40

Tou dal man i zoor, te nay kourom man lentsa oun vitsral kolen ap i phoub glan mande, kay hadan pen ap mande.

Debleskri gili 91:13

I leve oun i sapa nay doukrenn tout gar. Tou stakreh len lauter khetne.

Jesaja 51:23

Me dau les kanna an o vast kolendar, kay tiro djipen yaake phares kran, kolla, kay ap toute penan: “Vitse tout tele, te djap pral toute vergel!” Oun tou kral tiro doumo yaake, te hals yek i phoubyah, oun hals lenge har o drom, pral koleste yon pral vergel djan.

Remarja 16:20

O Devel, kay dell t'men peskri barht an o dji, krell o bengeskri zoor paash. Oun ko tsiro vell sik. O lačepen maro rayestar, o Yezous Kristestar, djal t'mentsa!

5. Mose 33:29

Barhtelo han t'mer, Israelitarya! Koon hi yaake har t'mer? T'men kokres las o baro Devel dran o pandepen vin. Yob vell ap t'mari rig, oun rikrell peskro vast pral t'mende. Yob kourell pes t'menge, oun krell, te venn t'mer zorleder har kolla, kolentsa kourenn t'men. Yon hounte vitsrenn pen tele glan t'mende, oun t'mer djan pral lende vergel.

Hebrearja 1:13

Ap kekeste peskre bolepangre penas lo kova, hoy yob ap peskro čaveste penas: Besh tout ap miri čači rig! Oun me krau, te vess tou o ray pral kolende, kay rhan pen ap toute.

Čačepangre 8:20

Oun yob penas ap o Yeter, leskro phoureder čaveste: “Ste pre! Oun de len temerl!” Ko čavo las peskro rharo gar glan. Yob daras, fothe terno his lo.