Josua 10:13 - O Debleskro Lab 2024 (Sinte-Manouche)

¹³ Kote djas o kham gar doureder oun o čon ačas tardo, yaake rah bis te i Israelitarya kolen lauteren maran, kay kouran pen lentsa. Oun kava hi činlo an o liil Yashar. Oun o kham ačas mashkral o bolepen tardo, oun djas gar sik tele, oun ačas yaake tardo yek tselo dives.

O Debleskro Drom 2021 (Sinte)

¹³ Kote djas o kham gar dureder un o tchon atchas tardo, jaake rah bis te i Israelitarja kolen lauteren maran, kai kuran pen lentsa. Un kawa hi tchinlo an o liil ‘Jashar’. Un o kham atchas mashkral o bolepen tardo, un djas gar sik tele, un atchas jaake tardo jek tselo diwes.

Josua 10:13 Iomraidhean Croise

2. Samuel 1:18

Oun penas, te vell kol menshenge an o them Youda koy gili siklo, te hayvenn le lat givell. I laba hi dren činlo an o liil Yashar. Oun koy gili kharell bogeskri gili.

2. Rajengro liil 20:10

O Hiskiya penas: “Hi gar yaake phares, te djal li deesh kotya glan. Kova kamau me gar. Me kamau te djal li deesh kotya pale.”

Ester 8:13

Oun an kol tsele themma hounte van kal činle laba prindjedo kerdo, yaake te djinan i menshe kote, te krenn pen i bibolde zoreles ko diveske, te djan le ap kolende, kay kamenn len te marell.

Hiob 9:7

Rakrell lo zoreles ap o kham, djal o kham gar pre. Oun i bolepangre momelentsa krell lo, te venn le gar diklo.

Debleskri gili 148:3

T'mer, kham oun čon, sharenn les! Ninna t'mer bolepangre momlia, sharenn les!

Debleskri gili 19:4

Kek labentsa rakrenn le. Oun lengri gole vell gar shounlo.

Jesaja 24:23

Oun o čon vell lolo i ladjatar, oun o kham ladjell pes oun khatrell pes. O baro Devel, ko ray pral o bolepen oun i phoub, vell o baro ray ap i berga Sion an o foro Yerusalem. Oun i phoureder dikenn leskro raylepen.

Jesaja 38:8

Dik ap i khameskri kambana, hoy moukas o Ahas te krell. O baro Devel moukell i kambana deesh kotya pale te djal.” Oun yaake kras les o kham ninna, oun i kambana djas deesh kotya pale pale.

Joel 2:10

I phoub oun o bolepen trissenna glan lende, o kham oun o čon venn kalo, oun i bolepangre momlia rhačenn bouder gar.

Habakuk 3:11

Oun o čon ačas tardo, har dal tire fayle karye. Tiri sasterno vitsepaskro čouri vas diklo har i yag.

4. Mose 21:14

Doleske hi činlo an ko liil, hoy o baro Debleskre lourdendar rakrell: “Ko foro Vaheb an o them Soufa oun ko pani Arnon,

4. Mose 31:2

“De kol Midianaryen ko čilačepen pale, hoy kran le ap i Israelitaryen! Oun pal kova vell ko dives, kay mereh tou.”

Mateo 24:29

Oun sik pal kol čilače divessa, vell o kham kalo har i rat, oun o moonto dikell kek bouder. Oun i bare momlia ap o bolepen perenn tele. Oun i bolepaskri zoor perell khetne.

Mateo 5:45

Yaake han t'mer čačepah čave o baro Deblestar, kay hi t'maro dad an o bolepen. Yob moukella o kham pre te djal kol čilačenge oun kol lačenge. Oun yob dell brishin ap kolende, kay pal o čačepen djivenna, ninna ap kolende, kay čilačo koova krenna.

Louka 18:7

Har boud feteder hi o Devel! Patsenn t'mer gar, te vell lo ap i rig peskre vi-rodede menshendar, kay dives oun rati ap leste gole denna? Ava, yob vell ap lengri rig oun dell len lengro čačepen. Lell lo pes boud tsiro, te vell lo ap lengri rig?

Bičepangre 2:20

O kham vell kalo, oun o čon vell lolo har o rat. Koy djinenn t'mer, te vell ko baro dives sik, kay vell o ray Yezous pale.

Josua 10:11

Oun har i Amorarya glan i Israelitarya nashan ap o drom, hoy djal tele pash Bet-Horon, kote moukas o baro Devel brishineskre barra dran o bolepen ap lende te perell ap o tselo drom bis pash Aseka, yaake te van le i barrendar moulo dino. Oun kol brishineskre barra maran boudeder lendar har i Israelitarya o rhareha moulo dan.

Josua 10:14

Oun savo dives har kova dives das gar glan ko dives oun ninna bouder gar pal ko dives, kay shounas o baro Devel yaake ap o rakepen yek menshestar. O baro Devel kras kova i menshenge Israel!

Debleskro tsiro 21:23

Pral o foro hi bouder kek kham oun kek čon. O Debleskro raylepen hi har o kham, oun o terno bakro hi i momeli o foreske.

Debleskro tsiro 6:10

Oun dan zoreles gole oun penan: “Baro Devel oun čačo ray, ab sik oun rake i phagi vin pral kolende ap i phoub, kay maran men. De len ko čilačepen pale, hoy yon ap mende kran!”

Debleskro tsiro 6:12

Oun me dikom, har o terno bakro i shobti dori pre pandas, hoy ko liil khetne rikras. Koy trissas i phoub zoreles. Oun o kham vas kalo har i kalo gono. Oun o tselo čon vas lolo har o rat.

Debleskro tsiro 8:12

Oun o starto bolepaskro phourdas an peskri phourdepaskri. Oun o kham las i dap, oun o triinto kotar lestar vas kalo. Ninna o čon oun i vavar bolepangre momlia lan i dap. Oun o triinto kotar lendar vas kalo. Yaake rhačas o kham gar ap o triinto kotar ap o dives, vitar gar rhačan o čon oun i bolepangre momlia ap o triinto kotar an i rat.

Čačepangre 16:28

Kote das o Simson ap o baro Debleste gole oun penas: “Baro Devel, miro ray! Dik gomme yek kopo ap mande, oun de man zoor, mo Devel, gomme kava yek kopo, te nay dap kal Filistaryen pale, hoy yon mire yakentsa kran.”

Čačepangre 5:2

Sharas o baro Debles! Čače morsha anan o Israel an o kourepen. Pendar vin djan i kourepangre lentsa.