Josua 10:11 - O Debleskro Lab 2024 (Sinte-Manouche)

¹¹ Oun har i Amorarya glan i Israelitarya nashan ap o drom, hoy djal tele pash Bet-Horon, kote moukas o baro Devel brishineskre barra dran o bolepen ap lende te perell ap o tselo drom bis pash Aseka, yaake te van le i barrendar moulo dino. Oun kol brishineskre barra maran boudeder lendar har i Israelitarya o rhareha moulo dan.

O Debleskro Drom 2021 (Sinte)

¹¹ Un har i Amorarja glan i Israelitarja nashan ap o drom, hoi djal tele pash Bet-Horon, kote mukas o baro Dewel brishineskre barra dran o bolepen ap lende te perell ap o tselo drom bis pash Aseka, jaake te wan le i barrendar mulo dino. Un kol brishineskre barra maran budeder lendar har i Israelitarja o chareha mulo dan.

Josua 10:11 Iomraidhean Croise

1. Mose 19:24

Koy moukas o baro Devel yag oun yagakri khand pral i forya Sodom oun Gomorra te perell dran o bolepen.

2. Samuel 18:8

Oun yon kouran pen an ko tselo them koy. Oun o veesh rhas ap ko dives boudeder menshen har o rharo rhas.

Hiob 38:22

Val tou yaake dour, kay garau o gib pre? Dikal, kay rikrau i brishineskre barra i tsireske hoy vella?

Hiob 38:23

Kolla rikrau pale ko tsireske, kay douka, kourepen oun marepen venna.

Debleskri gili 11:6

Mou dell lo i čilačen i phagi: Yag oun yagakri khand moukell lo pral lende te perell, oun i tato dourho phourdell ap lende.

Debleskri gili 147:17

Bare brishineskre barra vitsrell lo ap i phoub; oun bičrell baro shilapen. Koon nay ačell an kava shilapen?

Jesaja 28:2

O baro Devel bičrell yekes, koles boud zoor oun penepaske hi. Oun kova vell har i baro divyo phourdepen, kay brishineskre barra dren hi, oun hoy lauter paash dell. Yob vitsrell halauter tel peste an i čik, yaake har i baro brishin, hoy lauter tel pani tassell.

Jesaja 28:21

O baro Devel stell pre, har kras lo pash i berga Perassim, oun vell rhoyedo har an i tala Gibeon, te krell lo lauter, hoy yob peske glan las. Oun kova hoy yob kanna krell, hayvenn t'mer gar. Kova vell t'menge yaake glan, har te vals gar lestar.

Jesaja 30:30

Palle moukell o baro Devel peskri bari zoreli gole te shounell, oun i menshe dikenna, har leskri moussi tele dell an i rholi. Kote hi yag, hoy troul peste rhal, oun baro zorelo brishin, oun i zorelo phourdepen oun brishineskre barra.

Ezekiel 13:11

Pen kolenge, kay makenn parnepen koy pral: “Kay massouri perell khetne!” I zorelo brishin vell, oun brishineskre barra perenn, oun i zorelo dourho phourdell.

5. Mose 20:4

T'maro baro Devel hi kova, kay djal t'mentsa oun kourell pes t'menge lentsa. Yob hi ap t'mari rig.”

Debleskro tsiro 11:19

Oun o Debleskro kheer an o bolepen vas pre kerdo. Oun an o Debleskro kheer dikom me ko sonakaskro morhton, hoy sikrella, kay o Devel o maal peskre menshendar hi. Oun i yag das karye dran o bolepen pre te tele. Oun o bolepen das bari gole, har koy gole, hoy o bolepen della, te dell baro brishin oun te djal yag tele dran o bolepen. Oun i phoub trissas, oun das brishin har bare barra.

Debleskro tsiro 16:21

Oun das brishin har bare barra. Kolla his yaake pharo har i mensho, oun peran tele dran o bolepen ap i menshende. Har i menshe savi bari phagi lan, praasan le o Debles.

Čačepangre 5:20

Ninna i bolepangre momlia djan an o kourepen. Ap lengre dromma djan le ap o Sisera pre.