Josua 10:10 - O Debleskro Lab 2024 (Sinte-Manouche)

¹⁰ Oun o baro Devel kras len yaake dareno, te nay maran len i Israelitarya phares pash o foro Gibeon. Oun yon lan len palla ap ko drom tele pash o foro Bet-Horon, oun maran len bis pash i forya Aseka oun Makkeda.

O Debleskro Drom 2021 (Sinte)

¹⁰ Un o baro Dewel kras len jaake dareno, te nai maran len i Israelitarja phares pash o foro Gibeon. Un jon lan len palla ap ko drom tele pash o foro Bet-Horon, un maran len bis pash i forja Aseka un Makkeda.

Josua 10:10 Iomraidhean Croise

2. Samuel 22:15

Oun yob das yag karye dran o bolepen kate te kote, oun tradas i volke krik.

1. Rajengro liil 9:17

Oun o Salomeskre boudepangre čivan ko foro Geser pale pre, ninna ko telstouno kotar ko forestar, hoy kharas Bet-Horon,

2. Familjakro liil 14:12

Oun o Asa oun i tsele lourde, kay pash leste his, lan len palla bis pash o foro Gerar. Oun i Kousharya van yaake dino, te nay kourenn le pen bouder gar. O baro Devel kras, te van le khetne dino leskre lourdendar dran Youda. Oun kalla lan lendar boud kouč koova pentsa.

2. Familjakro liil 25:13

Kol lourde, kolen o Amazya pale pale bičras, te djan le gar an o kourepen leha oun leskre lourdentsa, kolla djan vin oun peran an kol forya an o them Youda dren, kay hi mank o foro Samaria oun o foro Bet-Horon. Oun dan 3.000 (triin-zerya) morshen temerl, oun lan boud oun kouč koova pentsa.

Debleskri gili 18:14

Oun o baro Devel moukas o bolepen bari gole te dell, ava, o Devel pral halauter moukas pes te shounell bari golyah.

Debleskri gili 44:3

Tou tradal tiro vasteha i vavar menshen vin dran lengro them, oun dal ko them mare phourende. Kol vavar menshen dal tou paash, te nay djivan mare phoure an ko them.

Debleskri gili 68:14

Kamenn t'mer vin ap o them pash i bakre te ačell? Kote hi čomone čiddo, hoy vi-dikell har i roupene oun sonakangre čirklengre moussya.”

Debleskri gili 78:55

Yob tradas i tsele vavar menshen glan lende vin, oun das lengro them peskre menshende, hakeneste kol deesh-te-douy bare familyendar das lo lengro kotar, te vell ko them lengro. An i plarhtene khera kol vavar menshendar moukas lo i Israelitaryen te djivell.

Jesaja 28:21

O baro Devel stell pre, har kras lo pash i berga Perassim, oun vell rhoyedo har an i tala Gibeon, te krell lo lauter, hoy yob peske glan las. Oun kova hoy yob kanna krell, hayvenn t'mer gar. Kova vell t'menge yaake glan, har te vals gar lestar.

Jesaja 30:30

Palle moukell o baro Devel peskri bari zoreli gole te shounell, oun i menshe dikenna, har leskri moussi tele dell an i rholi. Kote hi yag, hoy troul peste rhal, oun baro zorelo brishin, oun i zorelo phourdepen oun brishineskre barra.

Jeremia 34:7

An ko tsiro his i lourde o rayestar dran o them Babilonia tardo troul o foro Yerusalem oun troul i forya Lakish oun Aseka; kokres kal forya Lakish oun Aseka his gomme gar dren lino kol tsele zorele foryendar an o them Youda.

Zakarie 14:3

Palle djal o baro Devel vin, te kourell yob pes yaake kol lourdentsa dran i vavar themma, har kouras lo pes peskre menshenge an i phoure tsirya.

5. Mose 7:23

T'maro baro Devel dell len an tire vasta oun krell lenge dineles i daryatar, bis te halauter moulo dino hi.

Josua 10:11

Oun har i Amorarya glan i Israelitarya nashan ap o drom, hoy djal tele pash Bet-Horon, kote moukas o baro Devel brishineskre barra dran o bolepen ap lende te perell ap o tselo drom bis pash Aseka, yaake te van le i barrendar moulo dino. Oun kol brishineskre barra maran boudeder lendar har i Israelitarya o rhareha moulo dan.

Josua 10:28

Oun ko dives las o Yosua ninna o foro Makkeda dren. Oun o baro rayes oun lauteren, kay an ko foro djivan, das lo moulo, oun moukas kekes djido. Oun o baro rayeha pral o foro Makkeda, kras lo yaake har lo les ninna o baro rayeha pral o foro Yericho kras.

Josua 10:9

Oun o Yosua djas peskre morshentsa dran Gilgal i tseli rat, oun vas yaake sik pral i Amorarya, te nay hayvas kova kek lendar.

Josua 11:8

Oun o baro Devel das len an o Israeleskro vast. Oun yon dan len, oun lan len palla bis pash ko baro foro Sidon oun bis pash Misrefot-Mayim oun bis an ko telstouno them Mispe kote kay o kham pre djala. Oun yon maran len lauteren oun moukan kekes krik te nashell.

Josua 12:16

Makkeda, Betel,

Josua 15:35

Yarmout, Adullam, Soko, Aseka,

Josua 15:41

Gederot, Bet-Dagon, Naama oun Makkeda. Kolla his 16 (deesh-te-shob) forya, oun koy pashel gomme lengre gaba.

Josua 16:3

oun doureder ap koy rig, kay o kham tele djal, an ko them, kay i Yafletarya djivenn, bis pash o telstouno foro Bet-Horon, oun doureder bis pash o foro Geser, oun foun kotar pash o Baro Pani.

Josua 16:5

Oun kava hi o them, hoy las o kheer Efrayim: Ap koy rig, kay o kham pre djal, djas o drom, hoy sikras, har dour o them djal, foun o forestar Atarot-Addar bis pash o pralstouno foro Bet-Horon,

Josua 21:22

Kibzayim oun koy phoub troul o foro, kay i firhe nay rhan; Bet-Horon oun koy phoub troul o foro, kay i firhe nay rhan.

Čačepangre 4:15

Oun har djan le pengre rharentsa ap o Sisera oun ap leskre tsele vourdya oun lourdende pre, kote kras o baro Devel, te trashenn kolla yaake, te stas o Sisera peskro vourdin tele, oun nashas peske.

Čačepangre 4:16

Oun o Barak peskre morshentsa las kol vourdya oun kol lourden palla bis pash o foro Haroshet-Goyim oun das len lauteren moulo o rhareha. Kek lendar ačas pral.

Čačepangre 5:20

Ninna i bolepangre momlia djan an o kourepen. Ap lengre dromma djan le ap o Sisera pre.

1. Samuel 13:18

Ap i vavar rig djan le ap o drom, hoy djal pash Bet-Horon, oun pale ap i vavar rig djan le ap o drom an o them pal i tala Seboyim, kay o moulo tato them vell.

1. Samuel 17:1

Oun i Filistarya lan pengre lourden khetne pash o foro Soko an o them Youda. Oun kolla čivan pengre plarhtene khera pre mank o foro Soko oun o foro Aseka pash o foro Efes-Dammin.