Josua 1:7 - O Debleskro Lab 2024 (Sinte-Manouche)

⁷ Tou, ab zoreles oun ma traash, oun rike tout ap mire tsele laba, hoy penas touke o Mose, koles miro čačo vast his. Ma dja kolendar tele, gar ap i čači rig oun vitar gar ap i servi rig, te vell halauter mishto, kay tou ninna djah.

O Debleskro Drom 2021 (Sinte)

⁷ Tu, ab soreles un ma traash, un rike tut ap mire tsele laba, hoi penas tuke o Mose, koles miro tchatcho wast his. Ma dja kolendar tele, gar ap i tchatchi rig un witar gar ap i serwi rig, te well halauter mishto, kai tu ninna djah.

Josua 1:7 Iomraidhean Croise

1. Rajengro liil 2:2

“Djinau, me hounte merap, har hako mensho hounte merell. Ab zorelo! Ab i morsh!

1. Rajengro liil 2:3

Djib tiro djipen glan tiro baro Debleste! Dja ap leskre dromma! Kre, hoy o Devel toutar kamell, oun rike tout ap leskre laba oun ap leskro čačepen! Djib yaake, har yob mende sikras an o Moseskre lila. Palle djal touke halauter mishto, hoy kreh, oun kay tou ninna djah.

2. Rajengro liil 22:2

Oun yob kras, hoy mishto hi glan o baro Debleskre yaka, oun djas o drom, kay leskro phouro dad o David ninna djas, oun peras gar kava dromestar tele, gar ap i čači rig oun vitar gar ap i servi rig.

1. Familjakro liil 22:13

Te rikreh tout ap kol laba, hoy o baro Devel o Moseske penas, te djivell o Israel koy pal, oun kreh pal o Debleskro čačepen, palle djal touke tiri boudi mishto. Ab zorelo! Oun ma traash! Ma dare či! Oun ma traash kekestar!

2. Familjakro liil 15:7

T'mer, avenn zorelo, ma moukenn t'men daar te krell! O baro Devel playsrell t'men koleske, hoy krenn!”

2. Familjakro liil 26:5

Oun yob rodas o Debles, yaake rah har o Zakarie djivas. Kova sikras leste, har nay djivell lo o Debleha. Oun yaake rah, har yob o baro Debles rodas, moukas leske o Devel halauter mishto te djal.

Hiob 1:8

Oun o baro Devel poučas o bengestar: “Dal tou ninna yak ap miro boudepaskro, o Hiob? Kek vavar hi ap i phoub, kay hi yaake har kova. Yob hi an o čačepen tardo, oun kek doosh hi ap leste. Yob mangell man an, oun rikrell pes dour krik o čilačepastar.”

Debleskri gili 80:19

Yaake kamah mer gar tiri rigyatar te djal. Mouk men te djivell! Oun mer dah tiro lab an-gole.

Gosewe laba 4:27

Dja gar tele kava dromestar, gar čačes oun gar serves. Rike tire herya pale o čilačo dromestar!

Gosewe laba 8:20

Kote, kay i menshe ap o čačo drom djan, oun an o čačepen tardo hi, kote hom me ninna,

Daniel 10:19

oun penas: “Ma dare gar! Tou hal kouč o Debleske! Lauter te djal touke mishto! Ab zorelo, ab zorelo!” Oun har yob mantsa rakras, vom me zorelo, oun penom: “Miro ray, rake! Tou dal man zoor.”

4. Mose 27:23

oun čivas peskre vasta ap leste, oun čivas les an peskri boudi dren, yaake har o baro Devel leske kova penas.

5. Mose 11:8

Doleske rikrenn t'men ap i tsele laba, hoy t'menge kava dives penau. Palle han zoreles doha, te lenn ko them t'menge dren, an koleste kanna djan.

5. Mose 28:14

Tou čivess kek lab ap i rig, hoy touke kava dives penau. Tou djas gar tele leskro dromestar, gar čačes oun gar serves. Oun djas gar vavar deblenge palla, te mangess len an.

5. Mose 29:8

Doleske denn yak ap kal laba, hoy t'maro Devel t'mentsa vin krell. Djivenn pal lende, te djal t'menge halauter mishto, hoy t'mer krenna.

5. Mose 29:9

Kava dives han halauter glan t'maro baro Debleste tardo: I pralstoune pral t'mare bare familyende, t'mare phoureder oun kolla, kay pral t'mende penepaske hi, hake morsha,

5. Mose 31:7

O Mose das o Yosua gole oun penas ap leste glan i tsele Israelitaryen: “Ab zorelo oun ma traash! Tou aneh kal menshen an ko them, kova o baro Devel pes sovel das glan lengre phourende, te dell lo les lende. Oun tou deh halauterenge pengro kotar them.

5. Mose 4:2

Čivenn kek lab koy pashel, hoy me penom, te hounte krenn! Lenn ninna či kolestar krik, te rikrenn les gar. Rikrenn t'men ap i laba t'maro baro Deblestar, hoy me t'menge penau.

5. Mose 5:32

Kanna denn yak, te krenn halauter yaake, har t'maro baro Devel kova t'menge penas. Rikrenn leskre tsele laba. Čivenn kek lendar ap i rig.

Josua 1:1

Oun har meras o Mose, koles o baro Debleskro čačo vast his, rakras o baro Devel ap o Moseskro boudepaskro, o Yosua, koleskro dad o Noun his, oun penas:

Josua 1:8

Pen touke kol laba glan, hoy an ko liil činlo hi! Ap o dives, har an i rat, mouk len touke an tiro shero trouyel te djal, te rikress oun kress halauter, hoy an ko liil činlo hi. Palle djal touke halauter mishto, oun kova, hoy kreh, vell mishto.

Josua 1:9

Penau touke pale: Ab zoreles! Oun ma traash gar! Ma dare či! Oun ma traash kekestar! O baro Devel hi tiro Devel oun hi touha, kay tou ninna djah.”

Josua 11:15

Yaake penas o baro Devel kova ap o Mose, leskro boudepaskro, te krell lo kova. Oun yaake penas o Mose les ap o Yosua, te krell lo kova ninna. Oun o Yosua rikras pes ap i tsele laba, hoy o baro Devel o Moseske penas, oun kras kova yaake.

Josua 23:6

Doleske rikrenn zoreles ap halauter, hoy činlo hi an o Moseskre lila! Rikrenn leskre tsele laba! Čivenn kek lendar ap i rig!