Josua 1:5 - O Debleskro Lab 2024 (Sinte-Manouche)

⁵ Kek nay vell zorleder har tou, yaake rah har tou djiveh. Yaake har me o Moseha homs, yaake vau me touha. Me moukau tout gar, oun me djau gar toutar.

O Debleskro Drom 2021 (Sinte)

⁵ Kek nai well sorleder har tu, jaake rah har tu djiweh. Jaake har me o Moseha homs, jaake wau me tuha. Me mukau tut gar, un me djau gar tutar.

Josua 1:5 Iomraidhean Croise

1. Mose 39:2

Oun o baro Devel his pash o Yosefeste. Lauter, hoy yob kras, his mishto. Oun yob ačas an o kheer peskro egiptikro rayestar.

1. Rajengro liil 1:37

Har o baro Devel miro baro rayeha his, yaake te vell yob o Salomeha. Mou vell o čavo gomme bareder har leskro dad!”

1. Rajengro liil 11:38

Te shouneh ap halauter, hoy me touke penau, oun te djah tou ap mire dromma oun kreh, hoy glan mire yaka mishto hi, oun djiveh pal miro čačepen oun mire laba, har miro boudepaskro, o David, kova kras, palle hom me touha. Oun yaake har o Davideske krom, krau me, te vell dran tiri familya hako tsiro yek, kay hi o ray. Oun me dau tout o Israel, te vess ray pral leste.

1. Rajengro liil 6:13

oun me kamau te djivap an kava kheer, hoy tou mange kreh, mank i Israelitarya, oun kamau mire menshen Israel gar kokres te moukell.”

1. Rajengro liil 8:57

Mou ačell maro baro Devel mentsa, yaake har yob mare phourentsa his, te ačell lo pash mende oun moukell men gar kokres!

1. Familjakro liil 28:20

Oun o David penas ap peskro čaveste, o Salomo: “Ab zorelo, ma traash oun kre tout ap i boudi! Ma dare či oun ma traash kekestar! O baro Devel, maro ray, kay miro Devel hi, hi pash toute oun vell touke ap i rig. Oun yob moukell tout gar, bis te tou kay tseli boudi ap o baro Debleskro kheer kral.

Debleskri gili 46:11

“Moukenn tele”, dell lo gole, “oun hayvenn, te hom me o Devel. Me hom o pralstouno pral i menshende an i tsele themma, ava, o pralstouno pral i tseli phoub.”

2. Mose 3:12

Koy penas o Devel: “Me hom pash toute. Te anal tou mire menshen dran o them Egiptia vin, palle djan t'mer pash kay berga oun marenn kate firhen mange. Kova hi i sikepen, te bičrom me tout.”

Jesaja 42:16

Mire menshen, kay hi har korele, sikrau i drom, kolestar yon či djinenn. Oun anau len ap dromma, kolendar yon či shounan. Yon djivenn har an kali rat, oun me lau o tamlepen glan lende krik. Oun kol barra, hoy ap lengro drom čiddo hi, lau krik. Kava krau lenge, oun moukau len gar.

Jeremia 1:8

Ma traash lendar. Me hom pash toute, oun rikrau mire vasta pral toute. Ko penau me, o baro Devel.

Daniel 11:16

Oun ko baro ray dran o them Syria krell lentsa, hoy yob kamell. Oun kek nay ačell glan leste tardo. Oun yob peskre lourdentsa vell ninna an o raylo them, oun stakrell les khetne.

Mateo 28:20

Penenn lenge, te rikrenn le ap lauter, hoy me t'menge penom! Čačepah, me hom pash t'mende hako dives yaake rah, har i phoub koy hi.”

Remarja 8:31

Hoy te penas mer boudeder? O Devel hi ap mari rig! Koon nay krell menge i čilačepen? Kek!

Remarja 8:37

O Yezous Kristo, kay kamell men o tselo djiyestar, yob krell men zoreles an lauter kova hoy ap mende vella.

5. Mose 20:1

Te djan t'mer vin an o kourepen, te kourenn t'men kolentsa, kay kamenn t'men gar an o them, oun t'mer dikenn lengre graya oun kourepaskre vourdya oun lengre lourden, kay hi boud boudeder har t'mer, palle ma darenn lendar! T'maro baro Devel hi t'mentsa, kova kay t'men dran o them Egiptia vin anas.

5. Mose 20:4

T'maro baro Devel hi kova, kay djal t'mentsa oun kourell pes t'menge lentsa. Yob hi ap t'mari rig.”

5. Mose 31:23

Oun o baro Devel penas ap o Yosua, koleskro dad o Noun his: “Ab zorelo oun ma traash! Tou aness i Israelitaryen an ko them, koleske me man sovel dom, te anau len koy. Oun me kamau touha te vell.”

5. Mose 4:31

O baro Devel hi i Devel, kay t'menge peskro dji pre krell. Yob moukell t'men gar, oun moukell t'men gar vin te merell, oun bistrell gar, hoy lo t'mare phourentsa vin kras.

5. Mose 7:24

Oun yob dell t'men lengre bare rayen an o vast. Oun t'mer marenn len, oun lengre laba venn bistedo. Kek nay vell zorleder har t'mer. T'mer marenn len halauter.

2. Timoteo 4:17

O ray Yezous his ap miri rig, oun das man i zoor, te nay penap kote o tselo lačo lab lestar, yaake te shounan les ninna kolla, kay hi kek bibolde. Oun yob las man yaake dran lengre vasta vin, har te voms dran i leveskro mouy vin lino.

Hebrearja 13:5

Ma nashenn i love palla! Kova, hoy tout hi, kova mouk touke doha te vell! O Devel penas: Me bistrau tout gar, oun moukau tout kek tsireske!

Josua 1:17

Yaake har mer ap o Mose shounam, yaake shounah mer ap toute. Mou vell o baro Devel, kay tiro Devel hi, yaake touha, har lo o Moseha his!

Josua 1:9

Penau touke pale: Ab zoreles! Oun ma traash gar! Ma dare či! Oun ma traash kekestar! O baro Devel hi tiro Devel oun hi touha, kay tou ninna djah.”

Josua 10:8

Oun o baro Devel penas ap o Yosua: “Ma traash lendar! An tiro vast dom me len. Kek morsh lendar nay ačell glan toute tardo.”

Josua 21:44

Oun o baro Devel kras, te vell len kek kourepen kol thementsa troul lende, yaake har lo pes glan lengre phourende sovel das, te krell lo kova. Oun kek, kay kamas pes lentsa te kourell, vas zorleder har yon. Kolen lauteren das o baro Devel an lengro vast.

Josua 3:7

Oun o baro Devel penas ap o Yosua: “Kava dives krau me tout bares glan i yaka i tsele Israelendar, te hayvenn le: Yaake har homs o Moseha, yaake hom ninna touha!

Josua 6:27

Oun o baro Devel his o morsheha Yosua. Oun yob vas an-diklo an o tselo them.

Čačepangre 2:18

Oun te moukas o baro Devel lenge čačepangre morshen pre te stell, palle his yob ko čačepaskro morsheha, oun las len vin dran i čilače vasta. Les khaytas lengro ropen pral kolende, kay lenge o djipen phares kran. Yaake rah har ko čačepaskro ray djivas, shounan le ap o baro Debleste.

Čačepangre 6:16

Kote penas o baro Devel ap leste: “Me djau touha, oun tou mareh i Midianarya, har te vans le yek morsh.”

1. Samuel 10:7

Kanna, te vell kova lauter, palle kre kova, hoy glan tire vasta hi. O Devel hi pash toute.