Josua 1:14 - O Debleskro Lab 2024 (Sinte-Manouche)

^14-15 T'mare romya oun t'mare čave oun t'mare firhe ačenn an kava them, hoy o Mose t'men das, ap kay rig o panyestar Yordan. T'mer morsha, halauter kay han čače kourepangre, lenn t'mare rhare t'mentsa, oun djan glan t'mare phralende ap i vavar rig! Yon hi t'mare phrala. Doleske hounte venn lenge ap i rig yaake rah, bis te dell o baro Devel lende ninna o them, kay yon khere venn, yaake har t'men. Palle djan t'mer pale pale an t'maro them, hoy das t'men o baro Debleskro boudepaskro, o Mose: ko them, hoy ap kay rig o panyestar Yordan hi, kay o kham pre djala.”

O Debleskro Drom 2021 (Sinte)

^14-15 Tumare romja un tumare tchawe un tumare vieche atchenn an kau them, hoi o Mose tumen das, ap kai rig o panjestar Jordan. Tumer mursha, halauter kai han tchatche kurepangre, lenn tumare chare tumentsa, un djan glan tumare phralende ap i wawar rig! Jon hi tumare phrala. Doleske hunte wenn lenge ap i rig jaake rah, bis te dell o baro Dewel lende ninna o them, kai jon khere wenn, jaake har tumen. Palle djan tumer pale pale an tumaro them, hoi das tumen o baro Debleskro budepaskro, o Mose: ko them, hoi ap kai rig o panjestar Jordan hi, kai o kham pre djala.”

Josua 1:14 Iomraidhean Croise

2. Mose 13:18

Doleske moukas lo len i baro drom troul o Filistarengro them te djal. Ko drom anas len an o moulo tato them pash ko baro pani, hoy kharella Baro Lolo Pani. Oun i Israelitarya djan penge dran o them Egiptia yaake har te djan le an o kourepen.

4. Mose 32:26

“Mare čave oun djouvya, halauter hoy men hi, oun mare tsele firhe ačenn an kol forya an o them Gilead.

5. Mose 20:8

Oun i pralstoune hounte poučenn i morshendar pale: Hi mank t'mende yek, koles daar hi, oun koleskro dji trissella? Kova hounte djal pale an peskro kheer, te krell lo gar i djia peskre phralendar darenes.

5. Mose 3:19

Moukenn t'mare djouvyen oun t'mare čaven an t'mare forya, hoy me dom t'men. Ninna t'mare firhen moukenn kote. Djinau, t'men hi boud firhe.

5. Mose 33:21

Yob rodas peske o feteder kotar them vin. Har i pralstoune pral Israel khetne van, dan le leste ko kotar them, hoy i pralstuneske hi. Oun khetne i pralstunentsa pral Israel kras yob o čačepen yaake vin, har o baro Devel kova kamas, te djivenn i Israelitarya pal o baro Debleskre laba.

Josua 1:13

“Ma bistrenn ko lab, hoy penas t'menge o Mose, koles o baro Debleskro čačo vast his. Yob penas: O baro Devel, kay t'maro Devel hi, yob kras, te van khere oun das t'men kava them.

Josua 4:12

Oun i morsha, kay dran o kheer Ruben oun dran o kheer Gad his, oun kol paash kolendar dran o kheer Manasse, kolla lan pengre rhare pentsa, oun djan glan i vavar Israelitarya, yaake har o Mose kova glan i tsiro ap lende penas.

Debleskro tsiro 17:4

Oun koy djouvel his rido an i kouč lolo ripen. Oun ap late hi sonakay oun kouč barra oun mirklia. Oun lat his i sonakaskro khoro an lakro vast, pherdo djoungelo koova oun savo koova, hoy hi pale-čiddo glan o Debleste. Kava koova vas dran lakro vi-ladjedo djipen.