Josua 1:13 - O Debleskro Lab 2024 (Sinte-Manouche)

¹³ “Ma bistrenn ko lab, hoy penas t'menge o Mose, koles o baro Debleskro čačo vast his. Yob penas: O baro Devel, kay t'maro Devel hi, yob kras, te van khere oun das t'men kava them.

O Debleskro Drom 2021 (Sinte)

¹³ “Ma bistrenn ko lab, hoi penas tumenge o Mose, koles o baro Debleskro tchatcho wast his. Job penas: O baro Dewel, kai tumaro Dewel hi, job kras, te wan khere un das tumen kau them.

Josua 1:13 Iomraidhean Croise

Jeremia 31:2

O baro Devel penell: Kol menshe, kay van gar maredo o rhareha, lenge sikrau lačepen an o moulo tato them; o Israel hi ap o drom khere.

Josua 1:14

T'mare romya oun t'mare čave oun t'mare firhe ačenn an kava them, hoy o Mose t'men das, ap kay rig o panyestar Yordan. T'mer morsha, halauter kay han čače kourepangre, lenn t'mare rhare t'mentsa, oun djan glan t'mare phralende ap i vavar rig! Yon hi t'mare phrala. Doleske hounte venn lenge ap i rig yaake rah, bis te dell o baro Devel lende ninna o them, kay yon khere venn, yaake har t'men. Palle djan t'mer pale pale an t'maro them, hoy das t'men o baro Debleskro boudepaskro, o Mose: ko them, hoy ap kay rig o panyestar Yordan hi, kay o kham pre djala.”

Josua 21:44

Oun o baro Devel kras, te vell len kek kourepen kol thementsa troul lende, yaake har lo pes glan lengre phourende sovel das, te krell lo kova. Oun kek, kay kamas pes lentsa te kourell, vas zorleder har yon. Kolen lauteren das o baro Devel an lengro vast.