Jona 4:8 - O Debleskro Lab 2024 (Sinte-Manouche)

⁸ Oun har o kham ap o bolepen tardo his, moukas o baro Devel i tato phourdepen dran o moulo them te vell, oun o kham das yaake čourye ap o Yoneskro shero, te nashras lo peskri zoor. Oun yob kamas te merell oun penas: “Miro merepen hi mange mishto, boudeder har te djivap!”

O Debleskro Drom 2021 (Sinte)

⁸ Un har o kham ap o bolepen tardo his, mukas o baro Dewel i tato phurdepen dran o mulo them te well, un o kham das jaake tchurje ap o Joneskro shero, te nashras lo peskri soor. Un job kamas te merell un penas: “Miro merepen hi mange mishto, budeder har te djiwap!”

Jona 4:8 Iomraidhean Croise

1. Mose 41:6

Pal lende van efta vavar halme dran i phoub vin. Kolla hidjrenn djob, hoy hi gar pesso. I tato dourho, hoy phourdas dran o moulo tato them, kras len trouk.

1. Rajengro liil 19:4

Oun yob djas i dives dour an o moulo them. Oun kote beshas lo pes tel i bourra, oun kamas te merell oun penas: “Kanna hi doha, baro Devel. Mouk man te merell! Me hom gar feteder har mire phoure.”

1. Rajengro liil 21:4

Kote djas o Ahab an peskro kheer, doukedo oun rhoyedo pral ko lab, hoy o Nabot dran Yesreel ap leste rakras, har penas lo: “Me dau tout kova gar, hoy mire phourendar lom pal lengro merepen.” Oun o Ahab čivas pes ap peskro čiben, oun čivas peskro mouy ap i vavar rig, oun rhas či.

Hiob 2:10

O Hiob penas ap late: “Tou rakreh yaake har i dineli čay rakrell. O lačepen lam o Deblestar. Las mer gar ninna o čilačo koova lestar?” Ninna te vas kova lauter yaake, anas o Hiob kek doosh ap peste oun vitsras o Debleske kek čilačepen glan.

Hiob 7:15

Mange vals feteder, te tassrals man yek. O merepen hi lačeder har sau djipen.

Debleskri gili 121:6

Yaake rhačrell tout gar o kham ap o dives, oun o čon nay krell touke či an i rat.

Debleskri gili 39:9

te less man vin dran miri tseli doosh! Ma mouk i dinelen pral mande te sal!

Sikepaskro 7:9

De garda te vess gar sik rhoyedo! Koon rhoyrell pes pral halauter, hi dinelo.

Kamlepaskri gili 1:6

Ma dikenn tele ap mande, har kalo hom! O kham rhačas man kales. Mire phrala his rhoyedo ap mande, oun kaman te dap garda ap i drakengre rouka. Ap miro shoukapen nay dom kek garda.

Jesaja 49:10

Yon bokenna gar oun troushenna vitar gar. Oun o tato dourho dran o moulo them doukrell len gar, vitar gar dell len o kham čourye. Me, kay man i baro dji lenge hi, sikrau lenge o drom, oun anau len pash shila pani, te nay piyenn le.

Ezekiel 19:12

Koy vas i rhoyedo vast, oun tserdas les vin dran i phoub, oun vitsras les tele. Oun i tato dourho, hoy vas foun kotar, kay o kham pre djal, moukas leskre drake trouk te vell. Leskre zorele kashta van tele phagedo, te meran le tele oun van an i yag rhačedo.

Hosea 13:15

Ninna te hi o Efrayim mank peskre phralende har i zenelo rouk, hoy hidjrell lače roukengre, bičrell o baro Devel i tato dourho, hoy vell kotar, kay o kham pre djal. Dran o moulo tato them vell lo, oun krell, te venn i tsele panya trouk. Oun yob lell leskro tselo bravlepen lestar krik, – ko tselo kouč koova.

3. Mose 10:3

O Mose penas ap o Aron: Kava hi, hoy o baro Devel rakras, har penas lo: Kamau, te dikenn kolla, kay venn glan mande, te hom me kokres o čačo Devel. Glan i tsele menshende kamau te vap sharedo. O Aron penas kek lab.

Jona 1:4

Kote moukas o baro Devel i zorelo phourdepen pral o baro pani te vell, hoy yaake zorelo his, te kamas ko shiffo khetne te phagell.

Jona 4:3

Oun kanna, baro Devel, le miro djipen mandar! Miro merepen hi mange mishto, boudeder har te djivap!”

Jona 4:9

Oun o Devel penas ap o Yona: “Havo čačepen hi tout, te rhoyress tout yaake pral ko bour, hoy tele meras?” Oun yob penas: “Čačepah, mange hi yaake čačo, te rhoyrap man, te kamau te merell.”

Mateo 20:12

Kolla, kay an i rat van, boudran i tikno tsiro. Tou dal len yaake boud love har men. Tou djineh, te boudram mer o tselo dives. Oun o kham rhačas zoreles ap mende.

Debleskro tsiro 3:19

Lauteren, kay kamau o djiyestar, kolende sikrau lengri doosh, oun penau lenge daventsa, te shounenn le ap mande. Moukenn kanna t'maro čilačo drom, oun avenn pale ap miro drom!

Debleskro tsiro 7:16

Oun yon hounte bokenn bouder gar, vitar gar troushenn le bouder. Oun o kham rhačrell len bouder gar, vitar kek vavar tatepen.

1. Samuel 3:18

Kote penas o Samuel leske lauter oun rikras či pale. Koy penas o Eli: “Yob hi o baro Devel oun yob krell yaake har lačo hi.”