Jona 4:5 - O Debleskro Lab 2024 (Sinte-Manouche)

⁵ Oun o Yona djas vin dran o foro ap koy rig, kay o kham pre djala, oun kras peske i dacha dran patria, oun beshas pes koy tel, te dell les o kham gar čourye. Kote ačas lo, te dikell lo, hoy o foreha vella.

O Debleskro Drom 2021 (Sinte)

⁵ Un o Jona djas win dran o foro ap koi rig, kai o kham pre djala, un kras peske i dacha dran patria, un beshas pes koi tel, te dell les o kham gar tchurje. Kote atchas lo, te dikell lo, hoi o foreha wella.

Jona 4:5 Iomraidhean Croise

1. Rajengro liil 19:13

Har o Eliya kova shounas, čivas lo peskri plaashka glan peskro mouy, djas i kotar glan oun ačas tardo an i voudar an koy grotta. Oun i rakepen vas pash leste, hoy penas: “Hoy kameh tou kate, Eliya?”

1. Rajengro liil 19:9

Kote djas lo an i grotta, oun kamas pral i rati kate te sovell. Ap yek kopo shounas lo i rakepen. Oun o baro Devel poučas lestar: “Hoy kameh tou kate, Eliya?”

Jesaja 57:17

Lengri doosh his, te lan le gar doha. Pral kova vom rhoyedo, oun koleske dom me len, khatrom man glan lende oun rhoyrom man. Oun yon djan doureder ap pengro drom oun van gar pale pash mande.

Jeremia 20:9

Ava, te penau mange, me kamau o Debles te bistrell, oun rakrau bouder gar an leskro lab, palle rhačell leskro lab an mande har i yag. Me lau miri tseli zoor khetne, te rikrap kova vin. Oun kova djal gar.

Jona 1:5

Oun i bari traash vas ap kol tsele morshende, kay ap ko shiffo boudran. Oun yon dan i bari gole hakeno ap peskro debleste. Oun yon vitsran ko koova, hoy ap ko shiffo čiddo his, an o baro pani, te vell ko shiffo bouder gar yaake pharo. Oun o Yona his tele an o shiffo, his koy čiddo, oun sovas zoreles.

Jona 4:4

Oun o baro Devel poučas: “Havo čačepen hi tout, te rhoyress tout yaake?”

Jona 4:6

Oun o baro Devel, maro ray, moukas i bour bare patyentsa dran i phoub bares te vell kote, kay o Yona beshdo his, te dell les o kham gar čourye, oun te djal leske feteder. Oun o Yona his boud barhtelo pral ko bour.