Jona 3:5 - O Debleskro Lab 2024 (Sinte-Manouche)

⁵ Oun kol tsele menshe an o foro Ninive patsan o Debleske, oun moukan vin te kharell, kay kek te rhal čomone bouder. Oun halauter, bare oun tikne, rivan gone pral pende, te sikrenn le, te khaytell len lengro čilačo djipen.

O Debleskro Drom 2021 (Sinte)

⁵ Un kol tsele menshe an o foro Ninive patsan o Debleske, un mukan win te kharell, kai kek te chal tchomone buder. Un halauter, bare un tikne, riwan gone pral pende, te sikrenn le, te khaitell len lengro tchilatcho djipen.

Jona 3:5 Iomraidhean Croise

2. Rajengro liil 19:1

Har o baro ray Hiskiya kova shounas, kras lo peskre koola paash oun rivas i gono ap peste, oun djas an o baro Debleskro kheer.

2. Familjakro liil 20:3

Kote vas i traash pral o Yosafat, oun yob kamas o baro Debles te mangell, te vell lo ap lengri rig. Yaake moukas lo i tsele menshenge an o them Youda te penell, te rhan le či bouder.

Esra 8:21

Oun me moukom kote pash o pani Ahava i tsiro vin te kharell, kay rhas mer či, oun djas ap i čanga glan maro Debleste, te djal lauter mishto ap maro drom, te djah an maro them, oun te venn kek čilače menshe pral mende oun mare čavende oun halauter hoy men hi.

Ester 4:1

Oun har o Mordekay shounas, hoy djas, kras lo peskre koola paash, hoy ap leste his. Oun rivas peske i gono an, oun čivas yagakri čik ap peste. Oun djas dren mashkral o foro oun rovas oun das gole.

2. Mose 33:6

Yaake čivan i Israelitarya pengro sonakay oun roup tele, har his le pash i berga Horeb.

Jeremia 31:34

Kek hounte penell ap o vavareste: Tou prindjress o baro Debles. Halauter djinenn, koon me hom, i tikne oun i bare. Kova penau me, o baro Devel. Me bistrau koy doosh, hoy le ap pende anan, oun lengro čilačepen vell bouder gar an miro shero.

Jeremia 36:9

An o pančto bersh an o enyato čon, har his o Yoyakim, koleskro dad o Yosia his, o baro ray pral Youda, vas vin gole dino, te rhan i menshe či, te dikell o baro Devel lačes ap lende. Kova vas kolenge penlo, kay an Yerusalem djivan oun an i vavar gaba oun forya an Youda oun kay van an Yerusalem khetne.

Jeremia 42:1

Kote van i pralstoune i lourdendar khetne, o Yohanan, koleskro dad o Karea his, o Asarya, koleskro dad o Hoshaya his, oun i tsele menshe, tikne oun bare,

Jeremia 42:8

Kote kharas lo o Yohananes, oun i pralstunen i lourdendar, kay pash leste his, oun i tsele menshen, tikne oun bare,

Daniel 9:3

Oun me dikom pre pash o Debleste, miro rayeste, oun rodom les oun mangom les ropah, rhom či oun rivom man an i gono, oun vitsrom yagakri čik pral mande.

Joel 1:14

Denn i menshen khetne gole! Penenn, te rhan le či, te sikrenn le, kay lengri doosh len khaytell. Moukenn i phoureden oun i tsele menshen an kava them pash o baro Debleskro kheer te vell! Yob hi t'maro Devel. Denn ap leste gole!

Jona 3:7

Yob moukas vin kharell an o tselo foro: “Shounenn, hoy o baro ray oun leskre pralstoune boudepangre t'menge penenn! Kova hounte vell hakenestar kerdo, i menshendar, ninna i firhendar: Kek mensho, kek groumni, vitar kek bakro rhal oun piyell čomone! Oun i firhe venn gar ap o zenlepen anlo! Moukenn len vitar kek pani te piyell!

Mateo 12:41

Ap ko dives, kay o Devel o čačepen pral i tsele menshende vi-rakrella, stenna ninna i menshe dran o foro Ninive pre. Oun yon penenna, te hi kol menshe čilačo, kay kanna djivenna. Glan i rah tsiro penas o Yona i menshenge an o foro Ninive o Debleskro lab. Oun yon moukan pengro čilačo drom, oun djan ap o Debleskro drom. Kova, kay glan t'mende tardo hi, kova hi bareder har o Yona.

Louka 11:32

Ap ko tsiro, kay rakrell o Devel o čačepen vin pral i tsele menshende ap i phoub, stenna ninna i menshe dran o foro Ninive pre. Oun yon penenna, te hi kal menshe, kay kanna djivenna, čilačo. Glan rah tsiro penas o Debleskro rakepaskro, o Yona, i menshenge an o foro Ninive o Debleskro lab. Oun yon moukan pengro čilačo drom, oun djan ap o Debleskro drom. Kava, kay glan t'mende tardo hi, kava hi bareder har o Yona.”

Bičepangre 27:25

Doleske morshale, ma trashenn! Me patsau o Debles, lauter vell yaake, har yob mange penas.

Bičepangre 8:10

Oun halauter shounan ap leste, oun penan: “Ap ko morsheste hi o Debleskri bari zoor.”

Hebrearja 11:1

Te patsah ap o Debleste, patsah mer ninna, te dell men o Devel kova, hoy yob penas. Kova patsah zoreles. Ninna te dikah kova gomme gar, hi maro dji zorelo oun djinell, te vell kova yaake, har yob penas.

Hebrearja 11:7

Ninna o Noah patsas, hoy o Devel penas, har yob leha rakras, oun leste sikras, hoy pral i tsele menshende vella. Ninna te dikas o Noah kova gomme gar, shounas lo ap o Debleste, oun kras i baro panyeskro kheer. Yaake hounte meras yob peskre menshentsa gar. Har o Noah ko panyeskro kheer kras, vas diklo, te patsas yob, hoy o Devel penas. Ninna vas diklo, i vavar menshe patsan gar, hoy o Devel penas. Doleske hounte meran le. Ap o Noah penas o Devel: Tou patsal man. Tou hal kanna an o čačepen tardo glan mande.

Debleskro tsiro 11:3

Oun me bičrau douy rakepangren an ko foro. Kolla penenn i menshenge o čačepen pral mande. Lengre ripya hi kerdo dran gone. Deesh-te-douy-sheel-te-shob-desha (1.260) divessa penenn yon lenge mire laba.”