Jona 2:8 - O Debleskro Lab 2024 (Sinte-Manouche)

⁸ Har kamas miro djipen an mande tele te merell, val tou baro Devel mange an o shero, pash toute vas miro mangepen, an tiro kheer, kay tou khere hal.

O Debleskro Drom 2021 (Sinte)

⁸ Har kamas miro djipen an mande tele te merell, wal tu baro Dewel mange an o shero, pash tute was miro mangepen, an tiro kheer, kai tu khere hal.

Jona 2:8 Iomraidhean Croise

2. Rajengro liil 17:15

Oun yon rikran gar leskre laba. Oun ko lab, hoy das lo lengre phourende, kay lo penas, te hi lo lengro Devel oun yon leskre menshe, ko lab his lenge či moldo. Yon moukan pen gar lestar trad te dell, oun nashan kol deblen palla, hoy či molenna. Oun yaake djivan le čičeske. Yon kran savo koova har kol menshe an i themma troul lende, kolendar o baro Devel lenge penas, te krenn le gar har yon krenna.

Debleskri gili 142:4

Har djinom bouder gar, hoy te krap, djinal tou, har mantsa doureder djal. Ap ko drom, hoy me hounte djom, čivan le dorya vin, te perap dren.

Debleskri gili 31:6

Me dau man an tire vasta. Tou leh man dran i čilače vasta vin, baro Devel. Tou hal i Devel, kay rikrell peskro lab.

Debleskri gili 69:14

Me mangau tout, baro Devel, o tsiro hi kay, te vess mange lačes. Mo Devel, tiro lačepen hi baro! Shoun man, rike tiro lab oun ab ap miri rig!

Jeremia 10:8

Lauter hi yon dinelo oun narvelo, kolla, kay mangenn o kasht an. Kol debla nay sikrenn lende či.

Jeremia 16:19

Baro Devel, tou deh man zoor oun deh garda ap mande. Pash toute nay vau me oun khatrau man an i bibarht. Dran i tsele themma ap i phoub venn i menshe pash toute, oun penenn: Kol debla mare phourendar hi lauter rhorhepen, či-moldo hi le, oun nay venn gar ap mari rig.

Jeremia 2:13

Mire menshe kran čomone, hoy douy kope čilačo hi: Man, ko djido pani moukan yon, oun hadan penge panyeskre rhebya vin, kay paash hi, oun nay rikrenn kek pani.

Micha 1:2

Shounenn t'mer tsele themma! Denn yak, t'mer ap i tseli phoub! O baro Devel, maro ray an o bolepen, kamell t'mentsa te rakrell pral kova, hoy kran!

1. Samuel 12:21

Ma nashenn kol rhorhene deblenge palla, hoy či molenna, oun hoy t'men gar vin nay lenna dran o merepen. Yon hi či.