Jona 2:7 - O Debleskro Lab 2024 (Sinte-Manouche)

⁷ Me djom tele bis kote kay hadenn pen i berge, bis an o moulengro them, kay o voudar vell pandlo pal mande hako tsireske. Tou baro Devel, miro Devel, anal man djides vin dran o merepen.

O Debleskro Drom 2021 (Sinte)

⁷ Me djom tele bis kote kai hadenn pen i berge, bis an o mulengro them, kai o wudar well pandlo pal mande hako tsireske. Tu baro Dewel, miro Dewel, anal man djides win dran o merepen.

Jona 2:7 Iomraidhean Croise

2. Familjakro liil 30:27

Oun i rashaya oun i Levitarya stan pre oun rakran o Debleskri barht pral i tsele menshende vin. Oun o baro Devel shounas lengro rakepen, oun hoy le lestar mangan, vas pash leste an o bolepen shounlo.

Debleskri gili 11:4

O baro Devel hi an peskro raylo baro kheer. Leskro rayeskri beshepaskri hi an o bolepen. Leskre yaka dikenna tele ap i menshende, oun yob lell len an o yak.

Debleskri gili 142:3

Leske penau lauter, hoy ap miro dji hi, oun moukau les te djinell, hoy mange phares hi.

Debleskri gili 143:5

Mange djal kova an o shero, hoy tou lauter kral glan i rah tsiro. Pral kova, hoy tire vasta kran, rakrau miro djiyeha.

Debleskri gili 18:6

I moulengro them pandas peskre shelle troul mande, oun o merepaskre shelle tserdan man tele.

Debleskri gili 20:7

Kanna djinau, kay vell o baro Devel ap i rig kolestar, koles yob vin rodas, te vell lo baro ray. Dran o bolepen, kay yob khere hi, shounell lo ap leste, oun peskri bari zoryah vell lo ap leskri rig.

Debleskri gili 22:14

Pengre bare mouya krenn le pre, oun denn bari gole ap mande har i levo glan peskro rhapen.

Debleskri gili 27:13

Me djinau, te dikau me o lačepen o baro Deblestar an kava djipen.

Debleskri gili 42:11

Yon sanenn pral mande oun poučenn mandar hako dives: “Kay hi tiro Devel? Kay ačell lo?” Lengro praasepen hi mange har i merepaskro doukepen an mire kokale.

Debleskri gili 42:5

Miro dji phagell an mande, har moukau mange an miro shero trouyel te djal, har djom boud menshentsa ap o drom oun anom len an o Debleskro kheer. Ap o drom sharam les bari golyah, te parkras men pash leste, oun hams boud, kay givan leske gilya i barhtelo djiyeha.

Debleskri gili 43:5

Hoske rovell miro dji oun hi yaake pharo an mande? Ap miro Debleste kamau te dikell. Me djinau, te vell i tsiro, kay parkrau man pash leste, miro Debleste, te vas lo ap miri rig.

Debleskri gili 65:4

Ko čilačepen, hoy krom, hi phares ap mande čiddo. Tou hal kova, kay i doosh krik lell.

Jesaja 38:17

Dik, kova his mange mishto, te vom nasselo: An tiro kamlepen tserdal tou miro djipen vin dran o merepen. I tseli doosh, hoy me ap mande anom, vitsral tou pal tiro doumo.

Jesaja 50:10

Kova t'mendar, kay krell, hoy o baro Devel kamell, oun shounell ap leskro boudepaskro, kova nay djinell: Ninna te djivell lo an i kali rat oun dikell kek momeli glan peste, hi lo an o baro Debleskro vast. Oun kova krell leske halauter mishto.

Jona 2:4

Tou vitsral man dour tele an o baro pani. Zorele panya his troul mande. Tire tsele panya djan pral oun tele oun phagan pral mande khetne.

Micha 1:2

Shounenn t'mer tsele themma! Denn yak, t'mer ap i tseli phoub! O baro Devel, maro ray an o bolepen, kamell t'mentsa te rakrell pral kova, hoy kran!

Habakuk 2:20

O baro Devel hi an peskro kheer, kay yob djivell. Ma rakrenn či glan leste, t'mer menshe ap i tseli phoub!

Hebrearja 12:3

Dikenn, havo čilačo koova i čilače menshe ap leste kran, te venn t'mer gar khino an t'mare djia, oun te ačenn zoreles an o patsepen!

1. Samuel 30:6

Oun i morshengre djia rovan pral lengre čavende oun čen, oun yon van yaake rhoyedo ap o Davideste, te kaman le les moulo te dell i barrentsa. Oun o David vas an i pharo tsiro. Oun yob las peskri zoor o baro Deblestar, kay leskro Devel hi.