Jona 1:4 - O Debleskro Lab 2024 (Sinte-Manouche)

⁴ Kote moukas o baro Devel i zorelo phourdepen pral o baro pani te vell, hoy yaake zorelo his, te kamas ko shiffo khetne te phagell.

O Debleskro Drom 2021 (Sinte)

⁴ Kote mukas o baro Dewel i sorelo phurdepen pral o baro pani te well, hoi jaake sorelo his, te kamas ko shiffo khetne te phagell.

Jona 1:4 Iomraidhean Croise

Debleskri gili 135:6

Lauter, hoy yob kamell te krell, krell lo an o bolepen oun ap i phoub, an o baro pani, oun an o telstunepen.

Debleskri gili 135:7

Yob moukell volke pral i phoub pre te djal, dell brishin ap i phoub, ninna koy yag, hoy ap o bolepen pre oun tele karye dell. Yob anell o baro dourho vin, hoy pral i phoub phourdell.

Debleskri gili 148:8

yag, brishineskre barra, gib oun yagakro dourho, oun o zorelo phourdepen, hoy krell, hoy yob penell.

2. Mose 10:13

Oun o Mose hadas peskro kasht pral o them Egiptia. Kote moukas o baro Devel ko tselo dives oun i tseli rat yek zorelo dourho pral o them te phourdell, hoy vas katar, kay o kham pre djal. Oun taysarlakro phourdas ko dourho i stepangre an o them.

2. Mose 10:19

Oun o baro Devel kras, te phourdas ko baro dourho kanna zoreles katar, kay o kham tele djal. Oun ko dourho hadas i stepangre pre oun vitsras len an o baro pani, hoy kharella Baro Lolo Pani. An o tselo them Egiptia ačas kek stepaskro pral.

2. Mose 14:21

Oun o Mose hadas peskro vast pral o baro pani. Oun o baro Devel moukas i baro zorelo dourho pral o pani te phourdell, hoy vas kotar, kay o kham pre djal. Ko dourho phourdas i tseli rat. Oun o baro pani djas pale. Kote, kay pani his, hi kanna phoub, hoy gar sapenes hi. Oun o baro pani kras pes pre, te vas i drom.

2. Mose 15:10

Tou phourdal tiro dourho, – oun o baro pani čakras len. Yon tassan oun djan tele har saster an o baro pani.

Jeremia 51:16

Te dell yob gole, vell boud pani khetne an o bolepen; i volke moukell yob te vell foun doural, oun moukell yag pral oun tele karye te dell an o brishin. Ninna o phourdepen vell vin dran peskro kheer.

Amos 4:13

O Devel hi kova, kay kras i berge, oun moukell o phourdepen pral i phoub te djal. Yob sikrell i menshende, hoy kamell lo te krell. Yob moukell o kham pre oun tele te djal. Yob hi o ray pral i tseli phoub. Leskro lab hi: Baro Devel, ray pral o bolepen oun i phoub.

4. Mose 11:31

Koy bičras o baro Devel i baro dourho pral o them, hoy vas kotar, kay o baro pani hi, oun anas pesse čirklen peha, oun moukas len ap i platsa te perell, yek dives dour troul i platsa, yaake yek metari pral i phoub.