Jona 1:3 - O Debleskro Lab 2024 (Sinte-Manouche)

³ Oun o Yona stas pre oun kamas glan o baro Debleste an o foro Tarsis te nashell, oun vas tele an o foro Yafo. Oun har lo i shiffo hatsas, hoy kamas pash o foro Tarsis te oulerell, das lo love koy, oun stas dren, te nay oulerell lo lentsa pash o foro Tarsis, oun te vell lo glan o baro Debleskre yaka bouder gar diklo.

O Debleskro Drom 2021 (Sinte)

³ Un o Jona stas pre un kamas glan o baro Debleste an o foro Tarsis te nashell, un was tele an o foro Jafo. Un har lo i shiffo hatsas, hoi kamas pash o foro Tarsis te ulerell, das lo lowe koi, un stas dren, te nai ulerell lo lentsa pash o foro Tarsis, un te well lo glan o baro Debleskre jaka buder gar diklo.

Jona 1:3 Iomraidhean Croise

1. Mose 3:8

I rati, har bouder gar tato his, shounan yon, kay djas o baro Devel, maro ray, trouyel an i baar. O rom oun peskri romni khatran pen o Deblestar, maro rayestar, mashkral kol rouka an i baar.

1. Mose 4:16

Oun o Kayn djas peske o baro Deblestar. Oun djas an ko them Nod vergel i baar Eden, ap koy rig, kay o kham pre djala.

1. Rajengro liil 19:3

Oun har o Eliya kova shounas, tapras les i daar, oun yob nashas peske, te ačell lo djido. Yaake vas lo an o foro Beersheba. Ko his i foro an o them Youda. Oun kote moukas lo peskro boudepaskres.

1. Rajengro liil 19:9

Kote djas lo an i grotta, oun kamas pral i rati kate te sovell. Ap yek kopo shounas lo i rakepen. Oun o baro Devel poučas lestar: “Hoy kameh tou kate, Eliya?”

2. Familjakro liil 2:15

Mer kate dah rouka tele ap o Libanon, yaake boud har tou kameh, oun pandah len khetne oun anah len touke ap o baro pani an o foro Yaffa. Foun kotar nay moukeh len tou pral te anell an o foro Yerusalem.

2. Familjakro liil 2:16

Oun o Salomo moukas vin te hatsell, kitse vi-themarya an o them Israel hi. Glan i tsiro kras leskro dad, o David, kova ninna. Kanna van 153.600 (yek-sheel-panč-deesh-te-triin-zerya shob-sheel) morsha hatslo.

2. Familjakro liil 9:21

Oun o rayes his bare shiffe. Kolla djan khetne kol shiffe o rayestar Hiram ap o baro pani bis pash Tarsis. Kalla van yek kopo an triin bersha, oun anan sonakay oun roup, kouč parno dand, oun affe oun raile čirkle.

Esra 3:7

Oun yon dan love kol morshen, kay boudrenn i barrentsa oun kol morshen, kay boudrenn o kashtentsa. Ninna dan le rhapen oun pipen oun djet kol morshen dran Sidon oun Tirus, te nay anenn le Cedertikro kasht dran o Libanon pral o baro pani an ko foro Yafo. Kova lauter kran le yaake har les lenge o Cyrus, ko ray pral Persia penas.

Hiob 1:12

Kote penas o baro Devel ap o beng: “Mishto! Halauter, hoy les hi, dau an tiro vast. Les kokres ma tape an!” Pal kova djas o beng krik o baro Deblestar.

Hiob 2:7

Kote djas o beng vin o baro Deblestar, oun das o Hiobes i djoungelo nasslepen ap peskro mass, hoy rhandjras oun doukas leske foun o shero bis tele pash i pire.

Debleskri gili 107:23

Vavar ouleran ap i shiffe vin ap o baro pani, te bikrenn oun parenn le.

Jesaja 2:16

i tsele bare shiffe an o baro pani, oun i tsele shoukar bere.

Jesaja 23:1

Kate sikrell o Devel, hoy pral o foro Tirus vella: “T'mer ap i shiffe, kay venn khere dran Tarsis, rovenn! O foro Tirus hi khetne phagedo. Kek kheer ačas tardo.” Har van le pash o them Kittim, shounan le kova.

Jesaja 23:10

T'mer menshe an o them Tarsis, kanna hounte čivenn t'menge djob an i phoub an t'maro them, yaake har krenn i harhe pash o pani Nil. Kek shiffe venn bouder pash t'mende dran Tirus.

Jesaja 23:6

Oulerenn vergel pash o them Tarsis! Rovenn oun denn gole, t'mer kay pash o baro pani djivenn.

Jesaja 60:9

Ap mande dikenn i menshe vergel o baro pani. Oun i shiffe, hoy venna dran Tarsis, oulerenna glan vin, te anenn le tire čaven, hoy dour krik his, khere. Oun lengro sonakay oun roup anenn le peha, te sharenn le tiro baro Debles. Yob kokres hi o Israeleskro čačo Devel, oun kova, kay kras tout raylo.

Jeremia 10:9

Yon hi kerdo menshendar, kay hayvenn mishto pengre vastentsa te boudrell. Rupeno saster dran o them Tarsis oun sonakay dran o foro Oufas tserdenn le pral kol figuren, oun rivenn len an blaueto oun lolo ripya.

Ezekiel 2:8

Oun tou mensho, shoun, hoy me touke penau! Ab tou gar har kolla, kay kamenn lauter feteder te djinell! Kre tiro mouy pre oun rha kova, hoy me touke dau!

Ezekiel 27:12

Tou hals i bravelo foro. Boud koova nay ginan le pash toute. O foro Tarsis ginas pash toute, oun das tout koleske roup, saster, cinno oun blayo.

Ezekiel 3:14

Oun o dourho hadas man pre oun las man krik. Oun an mande his i bari rholi. Kova, hoy o baro Devel mande sikras, his phares čiddo ap mande.

Jona 1:10

Ninna penas lo lenge, kay yob o baro Deblestar krik nashas. Kote trashan kol morsha boudeder, oun poučan lestar: “Hoske kral tou kova?

Jona 4:2

Kote rakras lo ap o baro Debleste oun penas: “Ah, baro Devel, kova hi, hoy penom an ko tsiro, har khere homs. Doleske kamom sik an o them Tarsis krik te nashell. Me djinom, kay tou i lačo Devel hal, oun tout i baro dji hi. Tou veh gar sik rhoyedo. Oun tiro lačepen hi baro. Oun koy bibarht, kolah i menshen trad deh, khaytell tout pal kova.

Louka 9:62

Ap leste penas o Yezous: “Koon kamell o Debleske te boudrell, oun dikell ap vavar koova, kova boudrella gar mishto o Debleske. Yob hi har i harho, kay boudrell ap peskri kotar phoub, oun dikell pal peste. Leskri boudi hi či moldo.”

Bičepangre 15:38

O Paulo penas ap o Barnabeste: “Kova hi gar mishto, te las o Markes peha. Yob moukas men an o them Pamfilia kokres, djas peske, oun boudras gar mentsa.”

Bičepangre 26:19

Doleske krom kova, baro Agrippa, hoy ko rakepen dran o bolepen mange penas.

Bičepangre 9:36

An o foro Yoppe djivas i patsli. Lakro lab his Tabita ap hebretikes oun Dorkas ap grichtikes. Koya kras boud lačo koova, oun das boud love kol čorvelende.

Bičepangre 9:38

O foro Yoppe his pash o foro Lidda čiddo. Oun har i patsle shounan, kay o Petro an ko foro his, bičran yon douy morshen pash leste, oun mangan les, te vell yob yaake sik har djala pash lende.

Bičepangre 9:42

Kova shounan i tsele menshe an o foro Yoppe, oun boud van patslo ap o ray Yezouseste.

Bičepangre 9:43

Oun o Petro ačas boud divessa an o foro Yoppe pash ko morsheste, kay kharell Simon. Kova his yek, kay boudrell firhengre mortsi.

1. Korintarja 9:16

Me sikrau i menshende leskro drom gar, te vap sharedo. Na-a, me hounte rakrap lestar. Har bibarhtelo voms, te kroms kova gar!

2. Tessalonikarja 1:9

Kolla lenn i phagi: Yon djan hako tsireske nashedo, oun nay venn bouder gar pash o Debleste, oun dikenna gar leskro baro raylepen

Josua 19:46

Me-Yarkon oun Rakkon oun ko kotar them troul o foro Yafo.