Johanni 9:16 - O Debleskro Lab 2024 (Sinte-Manouche)

¹⁶ Kote his Farisarya, kay penan: “Kava morsh vas gar o Deblestar. Yob boudrell ap o Debleskro dives.” Vavar penan: “Har nay krell i čilačo morsh savo baro koova?” Oun mashkral lende djas o čingepen.

O Debleskro Drom 2021 (Sinte)

¹⁶ Kote his Farisarja, kai penan: “Kau mursh was gar o Deblestar. Job budrell ap o Debleskro diwes.” Wawar penan: “Har nai krell i tchilatcho mursh sawo baro koowa?” Un mashkral lende djas o tchingepen.

Johanni 9:16 Iomraidhean Croise

Mateo 12:10

Koy his i morsh, koles his i bango vast. Yon kaman i doosh ap o Yezouseste pre te anell, te anenn le les nay glan i čačepangre. Doleske poučan le lestar: “Nay krah mer yekes ap o Debleskro dives sasto?”

Mateo 12:2

Kova dikan i Farisarya oun penan ap o Yezouseste: “Dik, tire mala krenn ap o Debleskro dives, hoy hi gar pal o biboldengro čačepen.”

Louka 13:14

Koy rhoyras pes ko pralstouno an i biboldengri kangri, kay o Yezous koy djouvyat ap o Debleskro dives sasto kras. Oun kova penas ap i menshende: “Mer hounte boudras shob divessa. Avenn an kolla divessa, te moukenn t'men sasto te krell, oun gar ap o Debleskro dives!”

Johanni 10:19

Har o Yezous kova penas, čingran pen kol bibolde pale pral kol laba.

Johanni 14:11

Patsenn man, kay me an o dadeste hom, oun kay o dad an mande hi. Te patsenn t'mer kova gar, palle patsenn ap kova, hoy me krau!

Johanni 15:24

Te kroms me gar glan lengre yaka ko baro koova, hoy nay kek vavar kras, vals len kek doosh. Kanna dikan yon kova. Oun ninna te dikan le les, hi le čilačo ap mande oun ap miro dadeste.

Johanni 2:11

Kova his o ersto kopo, kay kras o Yezous i baro koova an o Debleskri zoor. Kova kras lo an o gab Kana an o them Galilea. Kote sikras yob peskro raylepen oun peskri zoor. Oun leskre mala patsan ap leste.

Johanni 3:2

Kova vas an i rat pash o Yezouseste, oun penas: “Ray, mer djinah, kay tou hal i sikepaskro. O Devel bičras tout pash mende. Kek nay krell kova, hoy tou kreh an o Debleskri zoor. Ap kova dikah mer, kay hi o Devel touha.”

Johanni 5:10

Dran kova penan kol pralstoune bibolde ap koleste, kay sasto vas: “Kava dives hi o Debleskro dives. Kava dives hidjress tou tiro čiben gar!”

Johanni 5:36

Man hi čomone, hoy penell t'menge feteder o čačepen pral mande vin har o Yohanni. Kova hi ko koova, hoy krau, kolestar o dad mange penas, te krap kova. Kova sikrella, kay o dad bičras man.

Johanni 6:52

Kanna čingran pen kol bibolde, oun penan: “Har nay dell men ko morsh peskro mass te rhal?”

Johanni 7:12

Ninna kol boud menshe, kay van koy, rakran pral leste. His menshe mashkral lende, kay penan: “Yob hi i lačo morsh.” Vavar penan: “Na-a, yob rhorhella i menshen.”

Johanni 7:23

T'mer činenn t'mare čaven ap o mass ap o Debleskro dives, te vell rikedo, hoy o Mose činas an peskre lila. Hoske han t'mer yaake rhoyedo ap mande, kay krom i tselo menshes sasto ap o Debleskro dives?

Johanni 7:43

Kanna djinan i menshe gar, hoy čačo hi. Ko yek penas kava, ko vavar penas kova.

Johanni 9:24

Kol pralstoune bibolde dan koles, kay korelo his, o douyto kopo gole, oun penan ap leste: “Pen kanna o čačepen glan o Debleste! Mer djinah, kay djal kava Yezous gar ap o Debleskro drom.”

Bičepangre 14:4

I menshe an ko foro djinan gar, koneske te patsenn le. His save, kay rikran kol biboldentsa khetne. Vavar rikran pen ap o Yezouseskre bičepangre.