Johanni 8:9 - O Debleskro Lab 2024 (Sinte-Manouche)

⁹ Har yon kova shounan, djan le penge, yek pal o vavar. I phoureder djan sikeder lendar, har kol vavar. Yob ačas kokres koy romyah, kay kote tardo his.

O Debleskro Drom 2021 (Sinte)

⁹ Har jon kowa shunan, djan le penge, jek pal o wawar. I phureder djan sikeder lendar, har kol wawar. Job atchas kokres koi romjah, kai kote tardo his.

Johanni 8:9 Iomraidhean Croise

1. Rajengro liil 17:18

Kote penas yoy ap o Eliya: “Hoske kral tou kova mantsa, Debleskro morsh? Tou val pash mande, te vas miri doosh an o Debleskro shero. Doleske hounte meras miro čavo.”

1. Rajengro liil 2:44

Oun o baro ray penas doureder ap o Shimi: “Tou djineh an tiro dji ko tselo čilačepen, hoy kral miro dadeske, o Davideske. Kava čilačepen moukell o baro Devel ap tiro shero te vell.

Hiob 20:27

O bolepen rakrell vin, havi doosh yob ap peste anas, oun i phoub hadell pes oun penell: Tou hal čilačo.

Hiob 20:5

vell koy barhteli gole kol čilačendar kokres i tikno tsiro shounlo. Oun koy barht kolestar, kay kamell či o Deblestar te djinell, djal sik trouyel.

Debleskri gili 40:14

Baro Devel, dik lačes ap mande, oun le man vin dran o čilačepen! Ab sik ap miri rig!

Debleskri gili 50:21

Kova kral tou, oun me penom kek lab. Koy rikral tou man har yek, kay hi yaake har tou. Me sikrau tout koy doosh, hoy anal ap toute, oun anau touke tiro čilačo koova glan tire yaka.

Debleskri gili 71:13

Mou venn le tele vitsedo oun merenn, kolla, kay mange o čilačepen kamenn. Praasepen oun ladj mou vell ap kolende, kay kamenn miri bibarht.

Sikepaskro 7:22

Tou djineh, boud kope čingral pral vavarende.

Louka 13:17

Har yob kova penas, ladjan lauter, kay rhoyedo ap leste his. Oun kol boud vavar, kay kote tardo hi, his barhtelo pral ko tselo raylo koova, hoy o Yezous kras.

Johanni 8:10

Kanna hadas pes o Yezous pale pre, oun poučas koy romyatar: “Hi kek koy, kay kamell, te less i phagi?”

Johanni 8:12

Pale rakras o Yezous i menshentsa oun penas: “Me hom koy momeli i menshenge. Koon mange palla djala, djal gar an o tamlepen. Me hom koy momeli, kay o djipen della.”

Johanni 8:2

O vavar dives taysarlake vas yob pale an o Debleskro baro kheer. Oun i tsele menshe van pash leste. Oun yob beshas pes tele, oun penas lenge o Debleskro lab.

Johanni 8:3

Koy van i čačepangre oun i Farisarya. Kolla anan i romedini romyat pash leste. Koya vas tapedo koy pashel, har yoy i vavar morsheha khetne his. Yon čivan lat mashkral i menshende, yaake, kay dikell lat nay hakeno.

Johanni 8:8

Oun pale čivas pes yob glan tele, oun činas pale an i phoub.

Remarja 2:15

Yaake dikah, an lengre djia hi činlo, hoy o Devel kamella. Te kran le o čilačo koova, penell lenge lengro dji: Kova his gar mishto, hoy kral. Te kran le lačo koova, penell lenge lengro dji: Kova his mishto, hoy kral.

Remarja 2:22

T'mer penenn: Ma rhorhe tiri romyat i vavar djouvyah! Oun t'mer krenn kova. T'mer penenn: Kova hi gar mishto, te mangenn vavar koova an har o Debles. Oun t'mer čorenn ko koova.

1. Johanni 3:20

Ninna te penell menge maro dji: “Tou djival gar yaake, har hounte vess,” palle hi o Devel bareder har maro dji, oun djinell lauter.