Johanni 8:32 - O Debleskro Lab 2024 (Sinte-Manouche)

³² Oun t'mer prindjrenna o čačepen. Oun o čačepen krella, te han bouder gar pandlo.”

O Debleskro Drom 2021 (Sinte)

³² Un tumer prindjrenna o tchatchepen. Un o tchatchepen krella, te han buder gar pandlo.”

Johanni 8:32 Iomraidhean Croise

Debleskri gili 119:45

Hoy tou mange penal, krau me. Doleske djau barhteles miro drom.

Debleskri gili 25:5

Sike mande, har te djivap miro djipen an tiro čačepen! Tou hal miro Devel, kay rikrell man! Hako dives dikau ap toute.

Gosewe laba 1:23

Te shounans ap mande, har dom t'men trad, sikroms t'mende, hoy an miro dji hi, oun moukoms t'men mire laba te hayvell.

Gosewe laba 1:29

Yon kaman o čačepen gar te djinell, oun gar o baro Debleha te djivell.

Gosewe laba 4:18

O drom kolendar, kay o čačepen krenn, hi har o kham, hoy taysarlakro pre djal, oun o dives anell oun zorleder vell bis te hi lo pralstounes tardo.

Jesaja 2:3

oun penenn: “Avenn, te djas pre ap i berga o baro Deblestar, pash o kheer o Yakobeskro Deblestar, te sikrell lo men peskre dromma, te djinas, hoy lo mendar kamell.” O baro Debleskre laba djan vin dran Sion. Dran o foro Yerusalem rakrell lo i menshentsa.

Jesaja 30:21

Te kamenn ap i čači oder ap i servi rig leskro dromestar tele te djal, palle shounenn t'mare kanda i rakepen, hoy pal t'mende rakrell: Kava hi o drom, kova djan!

Jesaja 35:8

Oun kote hi palle i drom, hoy kharell Debleskro drom. Kek, kay pale-čiddo glan o Debleste hi, nay djal ap leste. Kokres o Debleskre menshe djan ap leste. Kek, kay djal ap ko drom, nashrell pes, vitar kek, kay gar boud hayvell.

Jesaja 54:13

O baro Devel sikrell peskro drom tire tsele čavende, oun lenge djal mishto.

Jesaja 61:1

O baro Debleskro dourho hi ap mande. O baro Devel rodas man vin oun bičras man, te penap i čorvelenge o lačo lab. te krap i phagede djia sasto, te penap i pandlen, te hi le bouder gar pandlo, oun penap i stilden, te nay djan le vin dran o stilepen.

Jeremia 6:16

O baro Devel penas lenge: Ačenn tardo ap ko drom, kay t'mer djan! Dikenn oun poučenn pal i phoure dromma! Hatsenn vin, havo drom anell t'menge lačepen! Oun djan kava drom! Palle vell shoukapen an t'mare djia. Yon penan: Kova kamah mer gar te krell.

Hosea 6:3

Mer te das yak koy pre o tselo djiyestar, te prindjras o baro Debles! Yob vella! Kova hi yaake čačo, har o kham hako dives pre djala. Yob vella, har i brishin pash mende vella, ava, har i brishin pal o vend i phoub sapenes krella.

3. Mose 25:41

Palle moukess les tou pale djal, ninna leskre čave leha, te nay djan le pale pash lengre menshende oun pash lengro kotar phoub, hoy yon lengre phourendar lan.

Mateo 11:29

Me hom t'menge i lačo ray, oun dikau ap kekeste tele. Shounenn ap mande oun krenn, hoy me t'menge penaua! Oun t'maro dji vell pale zorelo.

Johanni 1:14

Ko lab vas i mensho, oun djivas pash mende. Oun mer dikam leskro raylepen oun leskri zoor, kay o Devel peskro čaves das. Kova his pherdo lačepen oun čačepen.

Johanni 1:17

O Mose das men kol laba, kay penenna, har mer djivas. O Yezous Kristo anas menge o Debleskro lačepen oun čačepen.

Johanni 14:6

“Me hom o drom, oun o čačepen oun o djipen,” penas o Yezous. “Dell kek vavar drom pash o dadeste, har man.

Johanni 16:13

Te vell o Debleskro Dourho, kay o čačepen an leste hi, sikrell lo t'mende o tselo čačepen. Yob rakrell gar dran peste. Hoy yob shounella, kova rakrell yob. Oun hoy vella, penell yob t'menge glan-vi.

Johanni 17:17

Mouk len tiro čačepen te dikell, te djivenn le pengro tselo djipen touke kokres! Tiro lab hi o čačepen.

Johanni 6:45

An o Debleskro lab činan kol Debleskre rakepangre: O Devel hi o sikepaskro halauterenge. Hakeno, koon ap o dadeste shounella oun krell, hoy yob kamella, vell pash mande.

Johanni 7:17

Koon kova krella, hoy o Devel kamella, kova hayvella, kay mire laba o Deblestar venna, oun gar mandar.

Johanni 8:36

Te krell o Debleskro čavo, kay han bouder gar pandlo, yaake han čačepah bouder gar pandlo.

Remarja 6:22

Kanna han t'mer bouder gar pandlo ap o čilačepen. T'mer van o Debleskre boudepangre. Oun t'mer djivenn o Debleskro djipen. Oun kova anell t'men an o djipen, hoy gar pre-herella.

Remarja 8:15

O Devel das t'men gar peskro Dourho, te darenn lestar, har i boudepangre darenna pengro rayestar. Na-a, t'mer han o Debleskre čave. Oun o Debleskro Dourho krell, te penah mer: “Tata” ap o Debleste.

Remarja 8:2

Oun o Debleskro Dourho, koles o Yezous Kristo men das, hi kanna o ray pral mende. Oun kova dell men o djipen oun lell men vin dran o čilačepen oun o merepen.

1. Korintarja 7:22

Koon i pandlo boudepaskro his ap ko tsiro, har o Yezous Kristo les gole das, kova hi glan leste bouder kek pandlo boudepaskro. Oun koon kek pandlo boudepaskro his ap ko tsiro, har o Yezous Kristo les gole das, kova hi kanna o Yezous Kristeskro boudepaskro.

Galatarja 5:1

O Yezous Kristo las men vin dran hako koova, ap kova pandlo hams. Ačenn zoreles oun moukenn t'men bouder gar te pandell!

Galatarja 5:13

Mire phrala, o Devel das t'men gole, te djivenn i djipen, kay han bouder gar pandlo ap čomone. Kal labentsa penau gar, te krenn t'mer nay, hoy kamenna, oun djivenn nay t'maro phouro djipen. Na-a, avenn yek o vavareske koy! Krenn kova dran o kamlepen!

2. Timoteo 3:7

Kalla djouvya kamenn hako tsiro nevo koova te shounell oun hayvenn gar, hoy o čačepen hi.

Jakobo 1:25

Koon dikell pale oun pale an o Debleskro lačo lab, hoy i menshen vin lella dran lengro phouro djipen, ko mensho bistrell gar, hoy yob dikas oun shounas. Oun kova krella, hoy ko lab penella. Koles dell o Devel peskri barht an lauter, hoy yob krella.

Jakobo 2:12

Rakrenn oun djivenn pal o Debleskro čačepen! Kava čačepen lell i menshen dran kova vin, hoy len pandas.

1. Petro 2:16

T'mer han bouder gar pandlo ap o čilačepen. Doleske penenn gar: “Mer nay krah halauter, hoy kamah.” Oun pal savo rakepen khatrenn t'mer t'maro čilačepen. Ma bistrenn, kay han pandlo ap o Debleste!

2. Johanni 1:1

Me, i phoureder, činau ap koy rayetsa, kolat o Devel peske vin rodas, oun ap lakre čavende. Me kamau t'men o tselo djiyestar, oun gar me kokres, ninna kol vavar, kay prindjrenn o čačepen, kamenn t'men o djiyestar.