Johanni 8:3 - O Debleskro Lab 2024 (Sinte-Manouche)

³ Koy van i čačepangre oun i Farisarya. Kolla anan i romedini romyat pash leste. Koya vas tapedo koy pashel, har yoy i vavar morsheha khetne his. Yon čivan lat mashkral i menshende, yaake, kay dikell lat nay hakeno.

O Debleskro Drom 2021 (Sinte)

³ Koi wan i tchatchepangre un i Farisarja. Kolla anan i romedini romjat pash leste. Koja was tapedo koi pashel, har joi i wawar mursheha khetne his. Jon tchiwan lat mashkral i menshende, jaake, kai dikell lat nai hakeno.

Johanni 8:3 Iomraidhean Croise

Ezekiel 16:38

Oun me dau tout savi phagi, har kol djouvya lenna, kay rhorhran pengro romes oun maran i menshes. Oun me moukau miri zoreli rholi pral toute te vell.

Ezekiel 23:45

Doleske krenn čačepangre morsha pral lende o čačepen vin, oun denn len i phagi yaake har kol romyenge i phagi dino vell, kay rhorhran pengre romen oun maran menshen. Kal douy rhorhran pengro romes oun ap lengre vasta hi rat.

4. Mose 15:33

Oun kolla, kay hatsan les koy pashel, har yob kashta pre hadas, anan les pash o Moseste oun pash o Aroneste oun glan i tsele menshende.

Mateo 2:4

Oun o Herodes moukas i tsele bare rashayen oun i biboldengre čačepangren khetne te vell, oun poučas lendar, kay ko baro ray boldo vella, kolestar o Devel penas, te vell yob.

Johanni 8:2

O vavar dives taysarlake vas yob pale an o Debleskro baro kheer. Oun i tsele menshe van pash leste. Oun yob beshas pes tele, oun penas lenge o Debleskro lab.

Johanni 8:4

Oun yon penan ap o Yezouseste: “Sikepaskro, kay romni vas tapedo, har yoy i vavar morsheha khetne his.

Johanni 8:9

Har yon kova shounan, djan le penge, yek pal o vavar. I phoureder djan sikeder lendar, har kol vavar. Yob ačas kokres koy romyah, kay kote tardo his.

Johanni 9:13

Oun yon anan kol morshes pash i Farisarya.

Bičepangre 4:7

Oun yon moukan o Yezouseskre bičepangren glan pende te anell, oun yon poučan lendar: “An koneskri zoor oun an koneskro lab kran t'mer kova?”

Remarja 7:3

Te djal li pash i vavar morsheste yaake rah har hi lakro rom djido, palle rhorhras li peskro romes. Te hi lakro rom moulo, hi li bouder gar pandlo ap leste oun rhorhell les gar, te romedinerell li i vavares.