Johanni 6:2 - O Debleskro Lab 2024 (Sinte-Manouche)

² Boud boud menshe djan leske palla. Yon dikan, havo baro koova yob an o Debleskri zoor kras ap i nasslende.

O Debleskro Drom 2021 (Sinte)

² Bud bud menshe djan leske palla. Jon dikan, hawo baro koowa job an o Debleskri soor kras ap i nasslende.

Johanni 6:2 Iomraidhean Croise

Mateo 12:15

Oun o Yezous hayvas kova, oun djas peske. Oun boud menshe djan leske palla. Oun yob kras hakenes lendar sasto.

Mateo 13:2

Oun boud menshe van kote pash leste. Doleske djas lo an i bero, oun beshas pes kote. Oun i tsele menshe his pash o pani tardo.

Mateo 14:14

Oun har o Yezous dran o bero djas, dikas lo kal boud menshen, oun les khaytan le. Oun yob kras kolen sasto, kay mashkral lende nasselo hi.

Mateo 8:1

Oun o Yezous djas i berga tele, oun boud menshe djan leske palla.

Markus 1:45

Oun ko morsh djas peske, oun rakras boud pral kova, hoy o Yezous leske kras. Oun boud shounan kova, yaake, te nay djas o Yezous bouder gar an i forya dren, har yob kamas. Oun yob his vin, kote, kay kek menshe djivan. Oun kote van le pash leste dran i tsele gaba oun forya.

Markus 6:33

Har kol menshe dikan, kay yon ouleran penge, nashan le dran i tsele forya kote khetne, kay o Yezous peskre malentsa djas. Oun yon his glan lende koy.

Johanni 11:47

Doleske van kol bare rashaya oun kol Farisarya i pralstoune biboldentsa khetne, oun penan: “Hoy kras mer? Yob krell boud baro oun zorelo koova, hoy kek vavar nay krell.

Johanni 12:18

Doleske nashan ninna yaake boud menshe pash leste. Yon kaman koles te dikell, kay ko baro Debleskro koova kras.

Johanni 12:37

Ninna te kras yob boud baro oun zorelo koova glan lende, kay kek mensho nay krella, patsan yon gar ap leste.

Johanni 2:11

Kova his o ersto kopo, kay kras o Yezous i baro koova an o Debleskri zoor. Kova kras lo an o gab Kana an o them Galilea. Kote sikras yob peskro raylepen oun peskri zoor. Oun leskre mala patsan ap leste.

Johanni 2:23

An kol bare divessa, kay kharenna Passa, patsan boud menshe an o foro Yerusalem ap o Yezouseste, har dikan le ko baro koova, hoy kras lo an o Debleskri zoor.

Johanni 20:30

Boud vavar baro koova kras o Yezous an o Debleskri zoor glan peskre malende, kay gar an kava liil činlo hi.

Johanni 3:2

Kova vas an i rat pash o Yezouseste, oun penas: “Ray, mer djinah, kay tou hal i sikepaskro. O Devel bičras tout pash mende. Kek nay krell kova, hoy tou kreh an o Debleskri zoor. Ap kova dikah mer, kay hi o Devel touha.”

Johanni 6:14

Har kol menshe dikan, hoy o Yezous kras an o Debleskri zoor, penan le: “Kova hi čačepah ko Debleskro rakepaskro, kolestar penlo vas, kay vell lo ap kay phoub.”

Johanni 6:22

O vavar dives poučan pendar kol menshe, kay ačan ap i vavar panyeskri rig, kay o Yezous hi. Yon dikan, kay taysar yek bero čiddo his pash o pani, oun kay leskre mala djan penge. Yon djinan, o Yezous his gar pash lende.

Johanni 6:26

Penas o Yezous: “Čačepah, me penau t'menge: T'mer rodan man gar doleske, kay dikan i baro koova, hoy krom an o Debleskri zoor. T'mer rhan ko maro, oun van čalo. Doleske rodenn t'mer man.

Johanni 6:30

Penan yon: “Kre menge i baro koova an o Debleskri zoor, te patsas mer ap toute! Sike men, hoy tou hayveh!