Johanni 5:42 - O Debleskro Lab 2024 (Sinte-Manouche)

⁴² Me prindjrau t'men oun djinau, kay hi gar o Debleskro kamlepen an t'mende.

O Debleskro Drom 2021 (Sinte)

⁴² Me prindjrau tumen un djinau, kai hi gar o Debleskro kamlepen an tumende.

Johanni 5:42 Iomraidhean Croise

Louka 16:15

Koy penas o Yezous ap lende: “Glan i menshengre yaka kamenn t'mer lačo te vell. O Devel prindjrell t'maro dji. Hoy pash i menshende boud molella, hi či moldo an o Debleskre yaka.

Johanni 2:25

Yob djinas, har i menshe hi. Leske hounte penell kek, hoy an o mensheskro dji hi.

Johanni 21:17

O Yezous poučas lestar o triinto kopo: “Simon, tou, o Yohanneskro čavo, kameh tou man o djiyestar?” Koy vas o Petreske ropaske pral kova, kay yob triin kope poučas: Kameh tou man o djiyestar? Oun yob penas: “Ray, tou djineh halauter. Tou djineh, kay me tout kamau o djiyestar.” Penas o Yezous: “De mire bakren te rhal!

Johanni 5:41

Hi mange či moldo, te vap sharedo i menshendar.

Johanni 5:43

Miro dad bičras man pash t'mende. T'mer lan man gar pre. Te vell i vavar, koles kek bičras, koles lenn t'mer pre.

Johanni 5:44

Har nay patsenn t'mer mange? T'mer rodenna, te vell yek i vavarestar sharedo. Te venn t'mer o Deblestar sharedo, kova hi t'menge či moldo.

Johanni 8:42

“Te vals o Devel t'maro dad”, penas o Yezous, “kamans man t'mer. Lestar vom me. Me vom gar mandar. Hi o Devel, kay bičras man.

Johanni 8:47

Koon o Deblestar vella, shounella ap kova, hoy o Devel penella. T'mer venn gar lestar. Doleske shounenn t'mer gar ap leskre laba.”

Johanni 8:55

T'mer prindjrenn les gar. Me prindjrau les. Te penaus me, kay prindjrau les gar, voms i rhorheno har t'mer. Me prindjrau les oun krau, hoy yob penella.

Remarja 8:7

Koon kamell yaake te djivell, har yob kamella, kova kamell gar o Debles. Yob shounell gar ap kova, hoy o Devel penella. Yob nay krell les vitar gar.

1. Johanni 2:15

Ma kamenn ko koova, hoy i menshe ap kay phoub kamenna! Ma kamenn ko koova, hoy i menshe ap kay phoub krenna! Te kamell yek ko koova, hoy i menshe ap kay phoub kamenna, kova kamell gar o Debles, maro dades an o bolepen.

1. Johanni 3:17

Te hi yek bravelo, oun dikell, kay peskro phrales gar doha djipaske hi, oun yob dell les či, yaake nay ačell gar o Debleskro kamlepen an leste.

1. Johanni 4:20

Te penell yek: “Me kamau o Debles,” oun krell peskro phraleske čilačepen, kova hi i rhorheno. Yob kamell gar peskro phrales, koles yob nay dikella. Har nay kamell lo o Debles, koles yob nay gar dikella?

Debleskro tsiro 2:23

Oun kolakre čaven dau moulo. Palle hayvenn i tsele patsle, te hom me kova, kay halauter prindjrella, hoy i menshen an o shero oun an o dji hi. Oun hakeno, kay čilačo koova kras, kova lell mandar koy phagi pal kova, hoy yob kras.