Johanni 4:23 - O Debleskro Lab 2024 (Sinte-Manouche)

²³ Ko tsiro vella, oun hi kanna kay, koy della menshe, kay mangenn o dades an o čačepen an. Kal menshen hounte vell o Debleskro Dourho. O dad rodell kolen, kay mangenn les yaake an.

O Debleskro Drom 2021 (Sinte)

²³ Ko tsiro wella, un hi kanna kai, koi della menshe, kai mangenn o dades an o tchatchepen an. Kal menshen hunte well o Debleskro Ducho. O dad rodell kolen, kai mangenn les jaake an.

Johanni 4:23 Iomraidhean Croise

1. Familjakro liil 29:17

Miro Devel, djinau, te dikeh an o dji. Oun touke hi mishto, te hi i menshes i čačo dji. Doleske dom tout kava lauter mandar dran i čačo dji, oun hom barhtelo te dikau, kay tire menshe, kay kate glan touke tardo hi, toute ninna lauter pendar vin dan.

Debleskri gili 147:11

O baro Debleske hi kolla shoukar, kay leha djivenna oun ap leste dikenna, te vell lo lenge lačes.

Debleskri gili 17:1

I mangepen o Davidestar. Baro Devel, shoun, hoy toutar mangau: De man miro čačepen! De yak, har dau ap toute gole! Shoun miro mangepen, hoy vell dran i mouy, hoy gar rhorhella!

Debleskri gili 32:2

Barhtelo hi ko mensho, koneske o baro Devel i doosh gar glan-rikrell, oun an koleste kek rhorhepen hi.

Debleskri gili 51:6

Ap toute kokres krom, hoy čilačo hi. Ava me krom, hoy midjak hi glan tire yaka. Doleske hi tout čačes an tiro rakepen. Tou kreh o čačepen, te deh man i phagi.

Gosewe laba 15:8

O baro Devel dikell rhoyedes ap kova, hoy o čilačo leske anell. Te mangenn les kolla an, kay an o čačepen tardo hi, dikell lo lačes ap lengro mangepen.

Kamlepaskri gili 2:14

Miri tauba, ma khate tout glan mande, har i čirklo khatrell pes mank i bare barra, an o khatepen ap i berge! Mouk man tout te dikell, mouk man tout te shounell! Goudlo hi tiro rakepen, oun kamles dikeh tou vin.

Jesaja 10:20

I tsiro vella, kay ačan bouder gar boud menshe pral an Israel. Kolla, kay hi gomme djido o Yakobeskre čavendar, rikrenn pen palle bouder gar ap kolende, hoy len dava dan. Na-a, kolla rikrenn pen palle ap o baro Debleste, kay o Israeleskro Devel hi, oun moukenn lestar gar bouder tele.

Jesaja 29:13

O baro Devel, maro ray, penas: Kal menshe sharenn man labentsa. Lengre čipya hadenn man. Lengre djia hi dour krik mandar. Te mangenn le man an, rakrenn le palla, hoy lenge glan penlo vas.

Jesaja 43:21

Oun mire menshe Israel, kolen mange krom, sharenn man glan i vavarende.

Jesaja 58:2

Yon venn hako dives, har te rodans le man, oun penenn, te kamans le mire dromma te djinell, har te vans le menshe, kay o čačepen krenn, oun pengro Debles gar moukan. Oun yon kamenn, te krap me o čačepen lenge vin, oun te vap pash lende.

Jeremia 3:10

Oun an ko tselo koova vas i Youda, lakri pheen, gar pash mande o tselo djiyestar, kokres o mouyeha, penas o baro Devel.

Jeremia 4:2

Te denn t'men sovel oun penenn: Me dau man sovel pash o djido Debleste … oun t'mer rhorhenn gar koy pashel, oun rikrenn t'maro lab, palle poučenn mandar i menshe an i vavar themma, te čivap miri barht ap lende, oun yon sharenn pen, kay prindjrenn yon man.

Ezekiel 22:30

Oun me rodom i morshes mank lende, kay krals i massouri troul o foro pale neves. Rodom yekes, kay čivas pes pre glan mande kote, kay i barra vin phagedo van, oun rakrals mishto kol menshenge, te hounte marap len gar. Oun me hatsom kekes.

Johanni 1:17

O Mose das men kol laba, kay penenna, har mer djivas. O Yezous Kristo anas menge o Debleskro lačepen oun čačepen.

Johanni 12:23

O Yezous penas ap lende: “Ko tsiro hi kanna kay, kay o Devel sikrell o Menshengro Čaveskro raylepen.

Johanni 16:2

Yon krenn t'men pale-čiddo. Oun ko tsiro vella, kay denn yon t'men moulo oun penenn: O Devel kamas kova yaake.

Johanni 16:32

“Dikenn, ko tsiro vella oun hi koy, kay nashenn t'mer halauter mandar. Hakeno djal pale khere. Oun man moukenn t'mer kokres. Ninna te moukenn man, hom me gar kokres. O dad hi pash mande.

Johanni 4:21

Penas o Yezous: “Romniya, pats man, ko tsiro vella, kay mangenn t'mer o Debles gar ap kay berga an, vitar gar an o foro Yerusalem.

Johanni 5:25

Čačepah, me penau t'menge: Ko tsiro vella oun hi kanna kay, kay i moule shounenn i gole o Debleskro čavestar. Oun kolla, kay shounenn, kay dell yob gole, kolla djivenna.

Johanni 5:28

Ma krenn bare yaka, te penau t'menge: Ko tsiro vella, kay i tsele moule shounenna, te kharell lo len.

Remarja 1:9

Maro Devel, koleske boudrau o tselo djiyeha oun penau i menshenge leskro čavestar, yob djinella, me penau o čačepen: Me moukau gar tele, te mangap les t'menge.

Remarja 8:15

O Devel das t'men gar peskro Dourho, te darenn lestar, har i boudepangre darenna pengro rayestar. Na-a, t'mer han o Debleskre čave. Oun o Debleskro Dourho krell, te penah mer: “Tata” ap o Debleste.

Remarja 8:26

Ninna vell o Debleskro Dourho ap mari rig, kay ham gar zorelo. Te kamah mer te rakras o Debleha oun djinah gar, hoy te mangas lestar, palle rakrell o Debleskro Dourho menge i labentsa, hoy kek nay rakrell vin.

Galatarja 4:6

Kanna ham leskre čave. Doleske das o Devel peskro čaveskro Dourho an mare djia. Kova dell gole: Tata, miro dad!

Efesarja 6:18

Rakrenn hako tsiro o Debleha! Mangenn lestar kova, hoy o Debleskro Dourho an t'mare djia čivella! Ma moukenn tele te mangell les i tsele patslenge!

Filiparja 3:3

Mer, kay ap o Yezous Kristeste patsah, ham čačepah o Debleskre menshe. Ap mende hi o Debleskro Dourho. Yaake nay krah o Debleskri boudi. Mer ham barhtelo pral kova, hoy o Yezous Kristo menge kras oun hounte rikras kek koova, hoy vella i menshendar. Mer djinah, savo koova nay anell men gar pash o Debleste.

Josua 24:14

Oun o Yosua penas doureder: “Pash halauter, hoy krenn, rikrenn t'menge o baro Debles glan i yaka! Mangenn les an i djoudjo oun čačo djiyeha! Čivenn i rhorhene deblen krik, kolen t'mare phoure an-mangan, har his le ap i vavar rig o panyestar Eufrat oun an o them Egiptia. Mangenn kokres o baro Debles an!

1. Petro 2:9

T'mer han kolla, kay o Devel peske vin rodas. T'maro baro ray hi o Yezous Kristo. Koleskre rashaya han t'mer, te venn leske koy. T'mer han o Debleskre menshe, kolen yob khetne gole das, te penenn t'mer i menshenge, havo baro oun lačo koova o Devel kras. Yob las t'men dran i rati vin, oun anas t'men pash peste, kay hi lauter shoukar oun djoudjo.

1. Samuel 12:24

T'mer hounte darenn o baro Debles oun mangenn les kokres an t'maro tselo djiyeha! Ma bistrenn, havo baro koova yob t'menge kras.