Johanni 3:34 - O Debleskro Lab 2024 (Sinte-Manouche)

³⁴ Koles, kay o Devel pash mende bičras, kova rakrell o Debleskre laba. O Devel dell an leste peskro tselo Debleskro Dourho, oun rikrell či pale.

O Debleskro Drom 2021 (Sinte)

³⁴ Koles, kai o Dewel pash mende bitchras, kowa rakrell o Debleskre laba. O Dewel dell an leste peskro tselo Debleskro Ducho, un rikrell tchi pale.

Johanni 3:34 Iomraidhean Croise

2. Rajengro liil 2:9

Oun har yon vergel van, penas o Eliya ap o Elisa: “Mang mandar, hoy krap touke, glan te vau toutar krik lino!” O Elisa penas: “De man douy kotya tiri Debleskri zoryatar.”

Debleskri gili 45:7

Miro Devel, tiri rayeskri beshepaskri ačell hako tsireske. Tou hal i čačo oun lačo ray pral tire menshende.

Jesaja 59:21

Kava krau me lentsa vin, penell o baro Devel: Me čivom miro dourho ap t'mende. Oun mire laba, hoy penom t'menge, ačenn pash t'mende. Oun t'mer penenn len doureder ap t'mare čavende, oun yon ap pengre čavende, oun kolla ap pengre čavende. Kova ačella yaake kanna oun hako tsireske. Kova penau me, o baro Devel,

4. Mose 11:25

Koy vas o baro Devel tele an i folka oun rakras o Moseha, oun las i kotar ko dourhestar, hoy ap leste his, oun čivas les ap kol efta-deesh phoureder. Oun har o Debleskro dourho ap lende his, kharan le laba vin har kol Debleskre rakepangre. Yon kran kova kokres kava yek kopo.

Mateo 12:18

O Devel penella: Dik, kova hi miro boudepaskro, kay me mange vin rodom. Koles kamau o djiyestar. Pral leste hom barhtelo. Me čivau miro Dourho ap leste. Oun yob penell i tsele menshenge, hoy me lendar kamau.

Louka 4:18

O Debleskro Dourho hi ap mande. Yob rodas man vin, te penap i čorvelenge o Debleskro lačo lab. Oun yob bičras man, te penap kolenge, hoy stilde hi, te venn le dran lengro stilepen vin, oun kolenge, kay korelo hi, te dikenn le pale, oun kolenge, kay pale-čiddo hi, te venn le pale erligo,

Johanni 1:16

Mer halauter lam pale oun pale boud lačepen lestar, kay les yaake boud hi.

Johanni 15:26

Te hom pash o dadeste, palle bičrau t'menge o rakepaskres, kay vella ap t'mari rig. Kova hi o Debleskro Dourho. An leste hi o čačepen. Yob vella o dadestar, oun penell o čačepen pral mande.

Johanni 16:7

Patsenn man: Hi mishto t'menge, te djap mange. Te djau me gar, nay vell ko rakepaskro gar pash t'mende, kay vella ap t'mari rig. Me te djau mange, bičrau les pash t'mende.

Johanni 3:17

O Devel bičras peskro čaves gar ap i phoub, te anell yob o Debleskri rholi pral i menshende. Yob vas, te lell lo len dran o čilačepen oun o merepen vin.

Johanni 5:26

An o dadeste hi o djipen. Kova das lo ninna peskro čaveste, te vell an leste ko djipen.

Johanni 7:16

Penas o Yezous lenge: “Hoy me t'menge penau vell gar mandar. Kova vell kolestar, kay bičras man.

Johanni 8:40

Kanna, kay me t'menge ko čačepen penom, kay shounom o Deblestar, kamenn t'mer man te marell. Kova kras o Abraham gar.

Johanni 8:47

Koon o Deblestar vella, shounella ap kova, hoy o Devel penella. T'mer venn gar lestar. Doleske shounenn t'mer gar ap leskre laba.”

Bičepangre 1:2

yaake rah har yob gomme gar an o bolepen djas. Glan kova, kay djas lo an o bolepen, rakras lo kolentsa, kolen yob vin rodas, te venn le leskre bičepangre, oun penas lenge an i zoor, hoy das les o Debleskro Dourho, hoy yon hounte krenna.

Bičepangre 10:38

T'mer djinenn, har das o Devel o Yezouseste dran Nazaret peskro Dourho oun peskri zoor. Oun yob djas trouyel oun kras lačo koova, oun kras lauteren sasto, kay o beng pandas. O Devel his pash leste.

Remarja 8:2

Oun o Debleskro Dourho, koles o Yezous Kristo men das, hi kanna o ray pral mende. Oun kova dell men o djipen oun lell men vin dran o čilačepen oun o merepen.

Efesarja 3:8

Ninna te hom me o tikneder kol tsele patslendar, das lo man koy shoukar boudi, te djap pash kolende, kay hi kek bibolde, te penap lenge, havo baro bravlepen o Yezous Kristes lenge hi,

Kolossarja 1:19

O Debles his an peskro dji, te djivell lo an peskro čaveste, te vell o čavo yaake har o dad.

Kolossarja 2:9

O Yezous Kristo hi o ray pral i tsele rayende oun lauterende, kay hi len penepaske mashkral o bolepen oun i phoub. Les hi o tselo Debleskro djipen an peste. Oun ko djipen dell lo kolende, kay leskro hi.

Debleskro tsiro 21:6

Oun yob penas pale: Halauter vas yaake, har penom. Mandar vas halauter. Oun lauter vella pale glan mande. Me hom o glanstouno oun o palstouno. Kones troush hi, kova lell mandar o djido pani čičeske.

Debleskro tsiro 22:1

Oun yob sikras man o baro lengsto pani, hoy djoudjo hi har i djoudji vali. Ko pani dell o djipen oun vell kotar, kay hi o beshepaskro o Deblestar oun o terno bakrestar.