Johanni 3:21 - O Debleskro Lab 2024 (Sinte-Manouche)

²¹ Koon o čačepen krella, kova vell pash i momeli. Ap koleste dikenn le, kay yob djivella, har o Devel kamella.”

O Debleskro Drom 2021 (Sinte)

²¹ Koon o tchatchepen krella, kowa well pash i momeli. Ap koleste dikenn le, kai job djiwella, har o Dewel kamella.”

Johanni 3:21 Iomraidhean Croise

Debleskri gili 119:105

Tiro lab hi har i momeli, hoy sikrell, kay te djap, ava, i momeli ap miro drom.

Debleskri gili 119:80

Mouk miro dji ap tiro drom te ačell, te krap, hoy mandar kameh, yaake te hounte ladjap man gar.

Jesaja 26:12

Baro Devel, le o kourepen krik, te djal menge mishto! Lauter hoy kram, kral tou menge.

Jesaja 8:20

Rikrenn t'men ap o Debleskro drom, oun ap kova, hoy yob t'mende sikrell! Te penenn i menshe t'menge vavar koova, palle vell lenge kek momeli ap lengro drom.

Hosea 14:8

Oun me hom lenge har i rouk, kay leskre moussya pral lende rikrell, oun tel koleste yon beshdo hi. Oun lenge vell djob pale bares. Oun yon venn har i drakengro rouk, koles boud boud drake hi. Lačes vell pral lende rakedo, har pral koy mool dran o Libanon.

Johanni 1:47

Har o Yezous dikas, kay o Natanael vas, penas yob: “Dikenn, koy vell i čačo Israelitari. Oun kek rhorhepen hi an leste.”

Johanni 3:20

Kolla, kay o čilačo koova krenna, kamenna gar koy momeli. Yon ačenn penge an o tamlepen, yaake kay dikenn i vavar gar, havo čilačo koova yon krenna.

Johanni 5:39

T'mer rodenn o djipen an o Debleskro lab oun patsenn, kay hatsenn kote ko djipen, hoy gar pre-herella. Oun čačepah, o Debleskro lab rakrell mandar.

Johanni 7:17

Koon kova krella, hoy o Devel kamella, kova hayvella, kay mire laba o Deblestar venna, oun gar mandar.

1. Korintarja 15:10

O Devel kamas an peskro baro lačepen, te vap me kova, hoy me kanna hom. Oun leskro baro lačepen, hoy yob man das, his gar čičeske. Me boudrom boudeder har kol tsele vavar. Gar me kokres, o Debleskro lačepen an mande boudras mantsa, te krap nay koy boudi.

2. Korintarja 1:12

Maro dji penell menge, mer djivam maro djipen čačes oun djoudjes, yaake har o Devel kamella. Doleske nay sharah men. Mer rakram pral o Debleskro lačepen oun penam či, hoy vella dran maro menshengro gosvepen. T'mer djinenna, yaake djivam gar kokres mank i vavar menshende, na-a, ninna pash t'mende.

Galatarja 6:8

Koon krella, hoy leske kokres mishto hi, koleskro djipen ačell gar. Koon krella, hoy o Debleskro Dourho leske penella, kova lell o Debleskro djipen, hoy gar pre-herella.

Efesarja 5:9

Lauter kolla, kay ap leskro drom djana, krenn kova, hoy lačo oun čačo hi, oun penenn o čačepen.

Filiparja 1:11

Oun ko boud lačo oun čačo koova, hoy t'mer kran, krell o Debles bares. Kova kran t'mer an i zoor, hoy o Yezous Kristo das t'men.

Filiparja 2:13

Yob sikrell t'men, hoy yob kamella. Ninna krell lo an t'mende, te kamenn t'mer kova, hoy yob kamella, oun te nay krenn kova ninna.

Kolossarja 1:29

Dran kova boudrau i tseli zoryah, hoy o Yezous Kristo an mande das.

Hebrearja 13:21

Mangau o Deblestar, te dell lo t'men i zoor, te krenn lauter kova, hoy lačo hi, yaake har yob kamella. Mou dell lo men i zoor, te djivas yaake, har mishto hi glan leskre yaka. O Yezous Kristo nay krell kova. Sharas o Yezous Kristes kanna oun hako tsiro! Amen.

1. Petro 1:22

T'mer shounan ap o čačo lab, oun čivan o čilačepen dran t'maro djipen krik. Kanna nay kamenn t'men čačepah har phrala oun phenya. Moukenn gar tele, te kamenn t'men o tselo djiyestar!

1. Johanni 1:6

Mer te penah, te ham khetne o Debleha, oun djivah an o čilačepen, palle ham rhorhene, oun djivah gar pal o čačepen.

3. Johanni 1:11

Lačo phraal, ma kre o čilačepen palla! Kre o lačepen! Kova, kay krell lačo koova, vell o Deblestar. Kova, kay o čilačepen krella, kova prindjrell o Debles gar.

Debleskro tsiro 3:15

Me djinau halauter, hoy t'mer kran. T'mer han har i pipen, hoy hi gar shila, vitar gar tato. Kamaus, te venn t'mer yek kolendar.