Johanni 3:2 - O Debleskro Lab 2024 (Sinte-Manouche)

² Kova vas an i rat pash o Yezouseste, oun penas: “Ray, mer djinah, kay tou hal i sikepaskro. O Devel bičras tout pash mende. Kek nay krell kova, hoy tou kreh an o Debleskri zoor. Ap kova dikah mer, kay hi o Devel touha.”

O Debleskro Drom 2021 (Sinte)

² Kowa was an i rat pash o Jesuseste, un penas: “Rai, mer djinah, kai tu hal i sikepaskro. O Dewel bitchras tut pash mende. Kek nai krell kowa, hoi tu kreh an o Debleskri soor. Ap kowa dikah mer, kai hi o Dewel tuha.”

Johanni 3:2 Iomraidhean Croise

1. Rajengro liil 17:24

Kote penas koy djouvel ap o Eliya: “Kanna djinau, kay tou hal i Debleskro morsh. Oun ko rakepen, hoy tou vin rakreh an o baro Debleskro lab, hi o čačepen.”

Jesaja 51:7

Shounenn, hoy penau, t'mer, kay prindjrenn o čačepen, t'mer menshe, kay kamenn miro drom te djal. Ma darenn glan ko praasepen, koleha i menshe t'men praasenn! Ma darenn glan lengro baro mouy!

Jeremia 38:16

Kote das pes o baro ray Sedekya čorrhanes sovel oun penas: Glan o djido Debleste, kay men maro djipen das, penau touke: Me moukau tout gar te marell, oun me dau tout vitar gar an o vast kol morshendar, kay kamenn tout te marell.

Mateo 22:16

Oun yon bičran pengre morshen pash leste. Lentsa djan ninna vavar morsha. Kolla his o Herodeskre mala. Oun yon penan ap leste: “Sikepaskro, mer djinah, tou peneh o čačepen, oun sikreh mishto i menshende o Debleskro drom. Tou rakreh kekeske pal o mouy, ninna te hi len boud penepaske.

Mateo 23:7

Te djan le an o foro, kamenn le, te penenn i menshe ap lende: Lačo dives, mo ray.

Mateo 23:8

T'menge penau me: Ma moukenn t'men te kharell: Mo ray! T'mer han halauter phrala. Yek kokres hi t'maro ray.

Markus 12:14

Oun yon van pash leste, oun penan: “Sikepaskro, mer djinah, tou peneh o čačepen, oun rakreh kekeske pal o mouy, ninna te hi les boud penepaske. Ava, tou sikreh mishto i menshende o Debleskro drom. Pen menge, hi mishto pal maro čačepen, te das mer o themeskre love o baro rayeste an o foro Rom? Playssras len? Playssras len gar?”

Johanni 1:38

Oun o Yezous rissras pes trouyel, oun dikas len. Oun yob poučas lendar: “Hoy rodenn t'mer?” Penan yon: “Sikepaskro, kay rhah oun soveh tou?”

Johanni 10:38

Te krau me, hoy o dad mange penas, patsenn ap kova, hoy me krau! Yaake dikenn oun prindjrenn t'mer, kay o dad an mande hi oun me an leste.”

Johanni 12:37

Ninna te kras yob boud baro oun zorelo koova glan lende, kay kek mensho nay krella, patsan yon gar ap leste.

Johanni 14:10

Patseh tou gar, kay me an o dadeste hom oun o dad an mande hi? Hoy me t'menge penau, kova vell gar mandar. Na-a! O dad, kay an mande hi, krell kova halauter.

Johanni 15:24

Te kroms me gar glan lengre yaka ko baro koova, hoy nay kek vavar kras, vals len kek doosh. Kanna dikan yon kova. Oun ninna te dikan le les, hi le čilačo ap mande oun ap miro dadeste.

Johanni 2:11

Kova his o ersto kopo, kay kras o Yezous i baro koova an o Debleskri zoor. Kova kras lo an o gab Kana an o them Galilea. Kote sikras yob peskro raylepen oun peskri zoor. Oun leskre mala patsan ap leste.

Johanni 20:16

“Maria!” penas o Yezous. Koy rissras pes li trouyel, oun penas ap hebretikes: “Rabouni!” Kova kharella Sikepaskro.

Johanni 3:26

Oun yon djan pash o Yohanneste, oun penan leske: “Sikepaskro, ko morsh, kay his pash toute ap o vavar panyeskri rig, pral koleste rakral, oun boud menshe shounan kova, kova hi kate, oun taufrell i menshen. Oun hakeno djal pash leste.”

Johanni 4:31

Har i djouvel an o foro his, penan leskre mala ap leste: “Sikepaskro, rha čomone!”

Johanni 5:36

Man hi čomone, hoy penell t'menge feteder o čačepen pral mande vin har o Yohanni. Kova hi ko koova, hoy krau, kolestar o dad mange penas, te krap kova. Kova sikrella, kay o dad bičras man.

Johanni 6:2

Boud boud menshe djan leske palla. Yon dikan, havo baro koova yob an o Debleskri zoor kras ap i nasslende.

Johanni 7:31

Boud kol menshendar patsan ap leste oun penan: “Te vell o baro ray, kolestar o Devel penas, te vell yob, nay krell kova bareder koova, har kava morsh Yezous?”

Johanni 9:16

Kote his Farisarya, kay penan: “Kava morsh vas gar o Deblestar. Yob boudrell ap o Debleskro dives.” Vavar penan: “Har nay krell i čilačo morsh savo baro koova?” Oun mashkral lende djas o čingepen.

Bičepangre 10:38

T'mer djinenn, har das o Devel o Yezouseste dran Nazaret peskro Dourho oun peskri zoor. Oun yob djas trouyel oun kras lačo koova, oun kras lauteren sasto, kay o beng pandas. O Devel his pash leste.

Bičepangre 2:22

Morshale dran Israel, shounenn kal laba, hoy penau t'menge! O Devel bičras ko morshes, o Yezouses dran Nazaret, pash t'mende. Kova kras baro oun zorelo koova mank t'mende, hoy kek vavar nay krella. Yaake sikras o Devel, kay o Yezous lestar vas. T'mer djinenn kova, oun dikan kova lauter.

Filiparja 1:14

Ninna boud patsle van zorleder an o patsepen ap o rayeste, o Yezouseste, kanna, kay me stildo hom. Kolen hi bouder kek traash, te sikrenn le i menshende o Yezouseskro drom.

Čačepangre 6:27

Kote las o Gideon deesh morshen peskre boudepangrendar, oun kras kova yaake, har o baro Devel leske penas. Oun har daras lo i menshendar an peskro dadeskro kheer oun an o foro, kras lo kova an i rat oun gar ap o dives.