Johanni 21:12 - O Debleskro Lab 2024 (Sinte-Manouche)

¹² “Avenn oun rhan!” penas o Yezous ap lende. Kek lendar poučas lestar: Koon hal tou? Halauter djinan, kay yob lengro ray hi.

O Debleskro Drom 2021 (Sinte)

¹² “Awenn un chan!” penas o Jesus ap lende. Kek lendar putchas lestar: Koon hal tu? Halauter djinan, kai job lengro rai hi.

Johanni 21:12 Iomraidhean Croise

Mateo 22:46

Oun kek lendar nashte penas o Yezouseske yek lab koy pre. Oun pal ko dives trashan le, te poučenn le lestar boudeder.

Markus 9:32

Oun yon hayvan kol laba gar oun trashan, te poučenn le lestar.

Louka 9:45

Kal laba hayvan le gar. Kova, hoy yob lenge kate penas, djas gar an lengro shero dren. Yaake djinan le gar, pral hoy yob rakras oun trashan, te poučenn le lestar pral kol laba.

Johanni 16:19

O Yezous hayvas lendar, kay kaman le lestar kova te poučell, oun yob penas ap lende: “Kamenn t'mer te djinell, hoy kova hi, kay penom: Pal i tikno tsiro dikenn man bouder gar; oun pale pal i tikno tsiro dikenn man t'mer?

Johanni 21:11

Koy djas o Simon Petro pale an o pani dren, oun tserdas ko mačengro gono ap o them. Koy his sheel-te-panč-deesh-te-triin (153) bare mače dren. Ninna te his yaake boud mače koy dren, djas o mačengro gono gar paash.

Johanni 21:15

Pal o rhapen penas o Yezous ap o Simon Petreste: “Simon, tou o Yohanneskro čavo, kameh tou man boudeder har kal tsele vavar man kamenna?” “Ava, ray!” penas yob ap leste. “Tou djineh, kay me kamau tout o djiyestar.” “De mire tikne bakren te rhal!” penas o Yezous.

Johanni 4:27

Koy van leskre mala pale dran o foro. Har yon dikan, kay yob i djouvyah rakras, kran le bare yaka. Kek poučas lestar: Hoy kameh tou latar? Oun kek poučas lestar vitar gar: Hoske rakreh tou lah?

Bičepangre 10:41

Yob moukas pes gar i tsele menshendar te dikell. Na-a. Men rodas o Devel vin, te dikas les. Oun har yob i moulendar djido vas, rham oun piyam mer leha. Kova penah i menshenge, oun kova hi čačo.