Johanni 2:11 - O Debleskro Lab 2024 (Sinte-Manouche)

¹¹ Kova his o ersto kopo, kay kras o Yezous i baro koova an o Debleskri zoor. Kova kras lo an o gab Kana an o them Galilea. Kote sikras yob peskro raylepen oun peskri zoor. Oun leskre mala patsan ap leste.

O Debleskro Drom 2021 (Sinte)

¹¹ Kowa his o ersto kopo, kai kras o Jesus i baro koowa an o Debleskri soor. Kowa kras lo an o gab Kana an o them Galilea. Kote sikras job peskro railepen un peskri soor. Un leskre mala patsan ap leste.

Johanni 2:11 Iomraidhean Croise

1. Rajengro liil 17:24

Kote penas koy djouvel ap o Eliya: “Kanna djinau, kay tou hal i Debleskro morsh. Oun ko rakepen, hoy tou vin rakreh an o baro Debleskro lab, hi o čačepen.”

Debleskri gili 72:19

Sharas leskro baro raylo lab hako tsiro! Leskro raylepen mou vell diklo an i tsele themma! Amen, yaake te vell kova!

Debleskri gili 96:3

Penenn kolenge, kay les gar prindjrenna, havo raylepen les hi. Penenn i menshenge an hake themma havo baro koova yob kras.

2. Mose 14:31

Yaake dikan le, havi bari zoryah o baro Devel i Egiptaryen das. Oun i Israelitarya daran o baro Deblestar, oun patsan, hoy penas yob oun o Mose, koles leskro čačo vast his.

2. Mose 4:9

Oun te patsenn le tout pale gar, ninna te dikan le ko baro koova, hoy krom o kashteha oun o vasteha, oun shounenn gar koy pre, hoy tou lenge peneh, palle le pani dran o Nil, oun čore o pani ap i phoub! Palle vell ko pani rat.”

Sikepaskro 9:7

Doleske rha tiro maro oun pi tiri mool i barhtelo djiyeha; kova kamell o Devel yaake toutar.

Jesaja 40:5

O baro Debleskro raylepen vell diklo. Oun i tsele menshe dikenn les. Kova penas o baro Devel.”

Johanni 1:14

Ko lab vas i mensho, oun djivas pash mende. Oun mer dikam leskro raylepen oun leskri zoor, kay o Devel peskro čaves das. Kova his pherdo lačepen oun čačepen.

Johanni 1:17

O Mose das men kol laba, kay penenna, har mer djivas. O Yezous Kristo anas menge o Debleskro lačepen oun čačepen.

Johanni 1:43

O vavar dives kamas o Yezous an o them Galilea te djal. Ap o drom tapras lo o Filipo, oun penas ap leste: “Dja mantsa!”

Johanni 1:50

Penas o Yezous ap leste: “Me penom touke: Me dikom tout tel ko rouk. Doleske patseh tou. Tou dikeh bareder koova, har kava.

Johanni 10:41

Koy van boud menshe pash leste oun penan: “O Yohanni kras kekes sasto. Halauter, hoy yob pral kava morsheste penas, hi čačo.”

Johanni 11:15

Doleske hom barhtelo t'menge, kay me gar koy homs, te patsenn nay t'mer ap mande kanna. Avenn, mer djah kanna pash leste!”

Johanni 11:47

Doleske van kol bare rashaya oun kol Farisarya i pralstoune biboldentsa khetne, oun penan: “Hoy kras mer? Yob krell boud baro oun zorelo koova, hoy kek vavar nay krell.

Johanni 12:18

Doleske nashan ninna yaake boud menshe pash leste. Yon kaman koles te dikell, kay ko baro Debleskro koova kras.

Johanni 12:37

Ninna te kras yob boud baro oun zorelo koova glan lende, kay kek mensho nay krella, patsan yon gar ap leste.

Johanni 12:41

Glan i rah tsiro dikas o Yesaya o Yezouseskro raylepen oun rakras lestar. Doleske penas yob kova glan-vi.

Johanni 14:13

Oun hoy t'mer an miro lab mangenna, kova kamau me te krell t'menge. Kova, hoy o čavo krella, sikrell i menshende o Debleskro raylepen oun leskri zoor.

Johanni 16:27

Miro dad kamell t'men ninna yaake har me kamau t'men. T'mer kamenn man o djiyestar oun patsenna, kay me o Deblestar vom. Doleske kamell t'men miro dad ninna o djiyestar.

Johanni 16:30

Kanna djinah mer, kay tou halauter djineh. Tou djineh glan-vi, hoy i menshe kamenn toutar te poučell. Doleske patsah mer, kay tou o Deblestar veh.”

Johanni 2:1

Pal douy divessa kran le i biyab an o gab Kana an o them Galilea. O Yezouseskri day his koy.

Johanni 2:23

An kol bare divessa, kay kharenna Passa, patsan boud menshe an o foro Yerusalem ap o Yezouseste, har dikan le ko baro koova, hoy kras lo an o Debleskri zoor.

Johanni 3:2

Kova vas an i rat pash o Yezouseste, oun penas: “Ray, mer djinah, kay tou hal i sikepaskro. O Devel bičras tout pash mende. Kek nay krell kova, hoy tou kreh an o Debleskri zoor. Ap kova dikah mer, kay hi o Devel touha.”

Johanni 4:3

Har o Yezous shounas, hoy pral leste rakedo vas, djas lo dran o them Youdea vin, oun kamas pale an o them Galilea te djal.

Johanni 4:46

Oun o Yezous vas pale an ko gab Kana. Kova his o gab an o them Galilea, kay kras lo i mool dran o pani. An o foro Kapernaum djivas i pralstouno, kay boudras o baro rayeske pral ko them. Koleskro čavo his nasselo.

Johanni 4:54

Kava douyto baro koova kras o Yezous an o Debleskri zoor, har yob dran o them Youdea an o them Galilea vas.

Johanni 5:23

te sharenn le halauter o čaves, yaake har sharenn le o dades. Koon o čaves gar sharella, kova sharella vitar gar o dades, kay bičras o čaves.

Johanni 6:14

Har kol menshe dikan, hoy o Yezous kras an o Debleskri zoor, penan le: “Kova hi čačepah ko Debleskro rakepaskro, kolestar penlo vas, kay vell lo ap kay phoub.”

Johanni 6:2

Boud boud menshe djan leske palla. Yon dikan, havo baro koova yob an o Debleskri zoor kras ap i nasslende.

Johanni 6:26

Penas o Yezous: “Čačepah, me penau t'menge: T'mer rodan man gar doleske, kay dikan i baro koova, hoy krom an o Debleskri zoor. T'mer rhan ko maro, oun van čalo. Doleske rodenn t'mer man.

Johanni 6:30

Penan yon: “Kre menge i baro koova an o Debleskri zoor, te patsas mer ap toute! Sike men, hoy tou hayveh!

Johanni 7:31

Boud kol menshendar patsan ap leste oun penan: “Te vell o baro ray, kolestar o Devel penas, te vell yob, nay krell kova bareder koova, har kava morsh Yezous?”

Johanni 9:16

Kote his Farisarya, kay penan: “Kava morsh vas gar o Deblestar. Yob boudrell ap o Debleskro dives.” Vavar penan: “Har nay krell i čilačo morsh savo baro koova?” Oun mashkral lende djas o čingepen.

2. Korintarja 3:18

Mer lauter, kay patslo ham, dikah o Debleskro raylepen yaake mishto, har te dikah an i dikepaskri. Kek diklo hi ap mare yaka čiddo. Oun har mer dikah ap leste, vah mer boud oun boudeder yaake, har yob hi. Kova krell o Debleskro Dourho an mende.

2. Korintarja 4:17

Ko pharo koova, hoy mer kanna hidjrah, hi tikno oun djal peske. Pal kova vell i baro raylepen. Kova hi shoukeder har halauter, hoy kanna djinah, oun djal peske gar.

2. Korintarja 4:6

An o phouro tsiro, kay his halauter kali rat, penas o Devel, te vell dives. Oun koy vas dives. Yaake kras lo ninna mare djia pre, te ačas gar tamlo an mare djia, te hayvas mer o Debleskro raylepen. Kova dikah, te dikah ap o Yezous Kristeste.

5. Mose 5:24

oun penan: “Dik, maro baro Devel sikras men peskro raylepen oun barepen. Oun mer shounam leskro rakepen dran i yag vin. Kava dives hayvam mer, te rakrell o baro Devel i menshentsa, oun o yon ačenn djides.

1. Johanni 5:13

Me činom t'menge, te djinenn t'mer, kay t'men ko djipen hi, hoy gar pre-herella. Ko djipen hi kolenge, kay ap o Debleskro čaveste patsenna.