Johanni 18:11 - O Debleskro Lab 2024 (Sinte-Manouche)

¹¹ Koy penas o Yezous ap o Petreste: “Čip tiro rharo pale! Djap me gar ko drom, kay miro dad kamell, te djap les, ninna te venn kote bare douka ap mande?”

O Debleskro Drom 2021 (Sinte)

¹¹ Koi penas o Jesus ap o Petreste: “Tchip tiro charo pale! Djap me gar ko drom, kai miro dad kamell, te djap les, ninna te wenn kote bare duka ap mande?”

Johanni 18:11 Iomraidhean Croise

2. Samuel 16:10

“Abishay”, penas o baro ray, “kova hi gar t'maro koova, t'mer čave foun i Serouya. Te penas o baro Devel leske, te praasell lo man, koon nay penell kanna: Hoske kreh tou kova?”

Debleskri gili 75:8

Na-a, o Devel hi o čačepaskro ray, kay ko yekeske i zoor krik lell, oun o vavares bares krell.

Ezekiel 23:31

Ap o drom tiri phenyatar djal tou, doleske dau tout ko emligo khoro an tiro vast, har late dom, te piyess les vin har yoy hounte piyas les vin.

Mateo 20:22

Penas o Yezous: “T'mer djinenn gar, hoy mangenna mandar. Nay lenn t'mer kol douka ap t'mende, hoy me hounte lap ap mande?” Penan le: “Ava, ko nay krah mer.”

Mateo 26:39

Oun yob djas i kotar drom doureder, vitsras pes ap i phoub, oun mangas o Debles: “Mo dad, te kameh tou, mouk kek douka oun merepen ap mande te vell! Mangau tout: Ma kre, har me kamau! Kre yaake, har tou kameh!”

Mateo 26:42

Oun palle djas lo i douyto kopo kote, te mangell lo o Debles. Oun yob penas pale: “Mo dad, tou te kameh gar kol douka oun merepen mandar te lell, palle mouk kova te vell, hoy tou kameh!”

Louka 12:30

Kova krenn kol menshe, kay prindjrenn o Debles gar. T'maro dad an o bolepen djinella, hoy t'men hounte vell djipaske.

Louka 22:42

oun mangas o Debles: “Tata, te kameh tou, mouk kek douka ap mande te vell! Kre gar, har me kamau. Kre yaake, har tou kameh!”

Johanni 15:10

Te krenn t'mer kova, hoy me t'menge penom, ačenn t'mer an miro kamlepen yaake, har me kova krau, hoy miro dad mange penas. Oun me ačau an leskro kamlepen.

Johanni 17:24

Tata, me kamau, te venn kolla, kay tou man dal, pash mande, kote, kay me hom, te dikenn le miro raylepen oun miri zoor, hoy tou man dal. Tou kamal man o djiyestar, har o bolepen oun i phoub gar koy his.

Johanni 18:36

Koy penas o Yezous: “Miro them oun i menshe, kolengro ray me hom hi gar kay phoubyatar. Te vals miro them kay phoubyatar, oun ninna i menshe, kolengro ray me hom, palle kourans pen mire boudepangre i biboldentsa, te perap me gar an kolengre vasta. Me penau touke: Miro them oun mire menshe, kolengro ray me hom, hi gar kay phoubyatar.”

Johanni 20:17

Penas o Yezous ap late: “Ma tape ap mande! Me djom gomme gar pash o dadeste pale. Dja pash mire phralende oun pen lenge: Me djau pash miro dadeste oun pash t'maro dadeste oun pash miro Debleste oun pash t'maro Debleste.”

2. Korintarja 10:4

An maro boudi o Debleske lah mer kek rharo an o vast, har i menshe ap kay phoub krenna. Na-a, o Devel dell men i zoor, te nay rakras yaake kol menshentsa, kay rhorheno koova pral leste patsenna, te dikenn le, kay kova, hoy yon yaake rah patsan, či moldo hi.

2. Korintarja 6:7

Mer penah i menshenge o Debleskro čačepen oun rakrah dran leskri zoor. Kova, hoy krah oun rakrah, hi čačo. Yaake hi maro djipen oun maro rakepen har i rharo, koleha i kourepaskro kourell pes peskro rayeske.

Hebrearja 12:2

Te dikas ap o Yezous Kristeste! Kova anas men ap o Debleskro drom, oun djal glan mende, bis te vah pash leste. O Yezous Kristo meras ap o troushel. Ninna te his kova i ladj leske, las lo kava merepen ap peste. Yob djinas, pal kova vell i bari barht ap leste. Oun kanna hi lo beshdo ap o Debleskri čači rig.