Johanni 17:8 - O Debleskro Lab 2024 (Sinte-Manouche)

⁸ Hoy tou mange penal, penom me lenge doureder. Oun yon lan mire laba pre oun hayvan, kay me čačepah toutar vom. Oun yon patsan, kay tou man bičral.

O Debleskro Drom 2021 (Sinte)

⁸ Hoi tu mange penal, penom me lenge dureder. Un jon lan mire laba pre un haiwan, kai me tchatchepah tutar wom. Un jon patsan, kai tu man bitchral.

Johanni 17:8 Iomraidhean Croise

Gosewe laba 1:23

Te shounans ap mande, har dom t'men trad, sikroms t'mende, hoy an miro dji hi, oun moukoms t'men mire laba te hayvell.

Gosewe laba 1:3

Kol laba sikrenn mende, har te djivas mishto oun čačo, har te djivas i djipen kek rhorhepah, oun har te djas ap o čačo drom.

Gosewe laba 2:1

Miro čavo, shoun ap mire laba, oun rike tout ap kova, hoy me touke penom,

Gosewe laba 4:10

Shoun miro čavo, oun de yak ap miro rakepen, yaake te djivess i lengsto djipen.

Gosewe laba 8:10

Moukenn t'men mandar te penell, har te djivenn! Kova hi t'menge feteder har te nashenn o roup palla! Rodenn, har te djinenn boudeder. Kova hi t'menge feteder har kouč sonakay.

Mateo 13:11

Penas lo ap lende: O Devel moukell t'men te hayvell, har kote djal, kay dell lo menshen pash peste gole, te djan le ap leskro drom. I vavar menshe hayvenn kova gar.

Johanni 12:49

Kova, hoy me penom, vell gar mandar. O dad, kay bičras man, penas mange, hoy me penap oun rakrap.

Johanni 14:10

Patseh tou gar, kay me an o dadeste hom oun o dad an mande hi? Hoy me t'menge penau, kova vell gar mandar. Na-a! O dad, kay an mande hi, krell kova halauter.

Johanni 15:15

T'mer han mange bouder gar boudepangre. I boudepaskro djinell gar, hoy leskro ray krella. T'menge penom halauter, hoy shounom miro dadestar. Doleske han t'mer kanna mire mala.

Johanni 16:27

Miro dad kamell t'men ninna yaake har me kamau t'men. T'mer kamenn man o djiyestar oun patsenna, kay me o Deblestar vom. Doleske kamell t'men miro dad ninna o djiyestar.

Johanni 16:30

Kanna djinah mer, kay tou halauter djineh. Tou djineh glan-vi, hoy i menshe kamenn toutar te poučell. Doleske patsah mer, kay tou o Deblestar veh.”

Johanni 17:14

Me penom lenge tire laba. Yon hi gar kay phoubyatar, yaake har me hom vitar gar kay phoubyatar. Doleske hi i menshe ap kay phoub rhoyemen ap lende.

Johanni 17:18

Me bičrau len pash i menshende, yaake har tou man pash i menshende bičral.

Johanni 17:21

Me mangau toutar, te venn le halauter yek, yaake har tou, tata, an mande hal, oun me an toute hom. Yaake te venn yon yek an mende, te patsenn i menshe, kay tou man bičral.

Johanni 17:23

Me djivau an lende. Oun tou djiveh an mande. Yaake te venn yon yek. Oun i menshe dikenna, kay tou man bičral, oun kay tou len yaake kameh, har tou man kameh.

Johanni 17:3

Kova hi ko djipen, hoy gar pre-herella: Te prindjrenn yon tout, kay tou hal o čačo Devel, oun te prindjrenn yon o Yezous Kristes, koles tou bičral ap kay phoub.

Johanni 3:17

O Devel bičras peskro čaves gar ap i phoub, te anell yob o Debleskri rholi pral i menshende. Yob vas, te lell lo len dran o čilačepen oun o merepen vin.

Johanni 3:33

Koon patsell ap leste, kova sikrell yaake, kay halauter čačo hi, hoy o Devel penella.

Johanni 6:68

“Ray, pash koneste djas mer?” penas o Simon Petro. “Tout hi laba, kay denn men o djipen, hoy gar pre-herella.

Johanni 8:42

“Te vals o Devel t'maro dad”, penas o Yezous, “kamans man t'mer. Lestar vom me. Me vom gar mandar. Hi o Devel, kay bičras man.

1. Korintarja 11:23

Hoy me t'menge penom, kova penas mange o ray Yezous. Koy rati, kay vas ap maro rayeste, o Yezouseste, phoukedo, las yob ko maro,

1. Korintarja 15:1

Mire phrala, ma bistrenn o lačo lab o Yezousestar, hoy me t'menge penom! T'mer lan ko lab pre, oun t'mer djivenn pal kova.

5. Mose 18:18

I Debleskro rakepaskro har tou yek hal, kay vell lendar, koles bičrau me lenge. Oun me kamau leske mire laba an leskro mouy te čivell. Oun yob rakrell ap lende halauter, hoy me leske penau.

1. Tessalonikarja 2:13

Doleske moukah gar tele, te parkras men pash o Debleste, te patsan t'mer o Debleskro lab, hoy t'menge penam. Oun t'mer hayvan, ko lab vell čačepah o Deblestar oun gar i menshendar. Oun t'maro djipen sikrella, te patsenn t'mer ap ko lab.

1. Tessalonikarja 4:1

Mire phrala, mer sikram t'mende, har te djivenn t'maro djipen yaake, te vell o Devel barhtelo pral t'mende. Oun kova krenn t'mer. Kanna mangah t'men yaake har maro ray, o Yezous, mangals t'mendar: Krenn kova gomme boudeder oun feteder!

1. Johanni 4:14

Mer dikam, kay o Devel, maro dad, peskro čaves bičras. Doleske penah mer i menshenge, kay yob kova hi, kay lell len vin dran o čilačepen oun o merepen.

Debleskro tsiro 1:1

An kava liil hi kova činlo, hoy o Devel moukas o Yezous Kristes te dikell, te sikrell yob peskre boudepangren, hoy an i tikno tsiro hounte vella. Oun o Yezous Kristo bičras peskro bolepaskres pash mande, te sikrell lo mande kava lauter. Me, o Yohanni, hom leskro boudepaskro