Johanni 17:2 - O Debleskro Lab 2024 (Sinte-Manouche)

² Tou dal les i zoor pral i tsele menshende, te dell yob lauteren, kay tou les dal, o djipen, hoy gar pre-herella.

O Debleskro Drom 2021 (Sinte)

² Tu dal les i soor pral i tsele menshende, te dell job lauteren, kai tu les dal, o djipen, hoi gar pre-herella.

Johanni 17:2 Iomraidhean Croise

Debleskri gili 110:1

I gili o Davidestar. O baro Devel penas ap miro baro rayeste: “Besh tout ap miri čači rig! Kamau te čivap kolen tel tire herya, kay touke čilačepen kamenn.”

Daniel 7:14

Oun kova das les i rayeskri zoor oun barepen oun raylepen, te vell lo ray pral i menshende dran hako them oun rakepen. Leskri rayeskri zoor ačell hako tsiro oun herell gar pre. Oun yob ačell baro ray an i tsele tsirya.

Mateo 11:27

Lauter das miro dad an mire vasta. Kek djinella, koon o čavo hi, har kokres o dad. Oun kokres o čavo djinella, koon o dad hi. Oun o čavo sikrell kolen, kay patsenn ap leste, koon o dad hi.

Mateo 25:46

Oun kol čilače len i phagi hako tsireske. I lače lenn o djipen, hoy gar pre-herella.

Mateo 28:18

Oun o Yezous djas pash lende oun penas ap lende: “O baro Devel das man i zoor pral o bolepen oun pral i phoub.

Johanni 17:24

Tata, me kamau, te venn kolla, kay tou man dal, pash mande, kote, kay me hom, te dikenn le miro raylepen oun miri zoor, hoy tou man dal. Tou kamal man o djiyestar, har o bolepen oun i phoub gar koy his.

Johanni 17:6

Tou dal menshen dran kay phoub gole oun dal len mande. Kolende sikrom, koon tou hal. Yon his tiro oun tou dal len mande. Oun yon rikran pen ap tiro lab.

Johanni 17:9

Kolenge mangau me. Me mangau gar kol vavar menshenge ap kay phoub. Me mangau kolenge, kay tou man dal. Yon hi tire.

Johanni 3:35

O dad kamell o čaves, oun das halauter an leskro vast.

Johanni 4:14

Koon ko pani piyella, hoy me les dau, kova lell an peskro tselo djipen bouder kek troush. Ko pani, hoy me les dau, vell an leste i djido pani, hoy dell les o djipen, hoy gar pre-herella.”

Johanni 6:27

Ma djivenn o rhapaske, hoy paash djala! Djivenn yaake, te lenn ko djipen, hoy gar pre-herella! O Mensheskro Čavo kokres nay dell t'men kova. Yaake sikras o Devel, kay kova leskro čavo hi.”

Johanni 6:37

Halauter kolla, kay dell man o dad, venn pash mande. Oun halauter kolla, kay venn pash mande, kolen vitsrau me gar vin.

Johanni 6:39

Oun o Devel kamella, te nashrap me kekes kolendar, kay yob man das. Yob kamella, te krap len i moulendar djido ap o palstouno dives.

Remarja 6:23

Kova, kay krell o čilačepen, lell peskri phagi. Koy phagi hi o merepen. Kova, kay patsell ap o Yezous Kristeste, maro rayeste, koles dell o Devel čičeske o djipen, hoy gar pre-herella.

1. Korintarja 15:25

O Yezous Kristo hounte vell o ray yaake rah, bis te čivell o Devel lauteren, kay les gar kamenna, tel leskre pire.

Efesarja 1:20

hoy kras o Yezous Kristes i moulendar djido, oun beshas les ap i čači rig o Deblestar an o bolepen,

Filiparja 2:10

Oun hakeno an o bolepen oun ap i phoub oun tel i phoub hounte perell glan leste tele ap i čanga.

1. Timoteo 1:16

Me krom bareder čilačepen har hako vavar. Oun ninna man las o Devel dran miro čilačo djipen vin, te nay sikrell o Yezous Kristo ap mande, har boud yob i menshen kamella, yaake, te patsenn i menshe ap leste, oun lenna ko djipen, hoy gar pre-herella.

Hebrearja 1:2

Kanna, an kava tsiro, bičras lo peskro čaves pash mende, te rakras yob ap mende. Koleste das o Devel lauter an leskre vasta, te vell yob o ray pral lauter. Koleha kras lo o bolepen oun i phoub.

1. Johanni 1:2

Ava, ko djipen vas pash mende, oun sikras pes mende. Mer dikam les. Doleske rakrah mer kolestar, kay dikam oun shounam. Oun mer penah t'menge, koon ko djipen della, hoy gar pre-herella. Kova his pash peskro dadeste an o bolepen, oun vas pash mende.

1. Johanni 2:25

Oun t'mer lenn ko djipen, hoy gar pre-herella. Kova penas o Yezous Kristo menge.

1. Johanni 5:20

Mer djinah, kay o Debleskro čavo ap kay phoub vas, te krell lo mare yaka pre, te prindjras o čačo Debles. Oun yaake har mer ham khetne o Debleskro Čaveha, o Yezous Kristeha, yaake ham khetne o čačo Debleha. O Yezous Kristo hi o čačo Devel. Oun yob dell ko djipen, hoy gar pre-herella.

Judas 1:21

Oun rikrenn t'men an o Debleskro kamlepen! Oun dikenn ap maro rayeste, o Yezous Kristeste! Kova hi yaake lačo ap mende, te dell lo men o djipen, hoy gar pre-herella.