Johanni 16:8 - O Debleskro Lab 2024 (Sinte-Manouche)

⁸ Yob te vella, palle krell yob i menshenge i yaka pre pral lengri doosh, pral o Debleskro čačepen oun pral o Debleskri rholi, hoy vella pral kay phoub.

O Debleskro Drom 2021 (Sinte)

⁸ Job te wella, palle krell job i menshenge i jaka pre pral lengri doosh, pral o Debleskro tchatchepen un pral o Debleskri choli, hoi wella pral kai phub.

Johanni 16:8 Iomraidhean Croise

3. Mose 13:12

Te phagell i nasslepen ap i tseli hauta vin, foun leskro shero bis pash leskre pire, oun halauter hi parno, hoy o rashay nay dikell, palle hi ko nasslepen čomone, hoy ko menshes gar pale-čiddo krell. Oun o rashay rakrell vin, te hi kova erligo.

Zakarie 12:10

O Davideskre menshenge oun i menshenge an Yerusalem krau lengre djia pre, te venn le kamles yek ap o vavareste oun mangenn mandar lačepen. Oun yon dikenn ap koleste, kay dan le an i rig čourye. Oun yon denn gole i ropah pral leste, har yek pral peskro moulo čaveste gole dell, koles kek vavar čave hi, oun har rovenn i menshe pral pengro phoureder čavo, kay meras.

Johanni 16:7

Patsenn man: Hi mishto t'menge, te djap mange. Te djau me gar, nay vell ko rakepaskro gar pash t'mende, kay vella ap t'mari rig. Me te djau mange, bičrau les pash t'mende.

Johanni 16:9

Lengri doosh hi, kay patsenn le gar ap mande.

Johanni 8:46

Koon t'mendar nay penella, kay me yek čilačo koova krom? Me te penau o čačepen, hoske patsenn t'mer man gar?

Johanni 8:9

Har yon kova shounan, djan le penge, yek pal o vavar. I phoureder djan sikeder lendar, har kol vavar. Yob ačas kokres koy romyah, kay kote tardo his.

Bičepangre 2:37

Har kol menshe kova shounan, djas lenge kova an lengro dji. Oun yon poučan o Petrestar oun kol vavar Yezouseskre bičepangrendar: “Morshale, mire phrala, hoy kras mer?”

1. Korintarja 14:24

Hi vavarčandes, te lell hakeno i lab o Deblestar, oun penell les glan i vavarende, oun koy vella yek, kay gar patsella oun o tselo koova gar prindjrella, koleske djal lauter an leskro dji, oun leske djan i yaka pre pral peskri doosh.

Judas 1:15

Yob vell, te rakrell lo o čačepen vin pral i tsele menshende, oun te dell lo kolen i phagi, kay djan gar ap o Debleskro drom oun kran gar, hoy yob kamas, oun čingran ap leste čilače labentsa.