Johanni 16:7 - O Debleskro Lab 2024 (Sinte-Manouche)

⁷ Patsenn man: Hi mishto t'menge, te djap mange. Te djau me gar, nay vell ko rakepaskro gar pash t'mende, kay vella ap t'mari rig. Me te djau mange, bičrau les pash t'mende.

O Debleskro Drom 2021 (Sinte)

⁷ Patsenn man: Hi mishto tumenge, te djap mange. Te djau me gar, nai well ko rakepaskro gar pash tumende, kai wella ap tumari rig. Me te djau mange, bitchrau les pash tumende.

Johanni 16:7 Iomraidhean Croise

Debleskri gili 68:18

Boud zerya vourdya hi o Debles. Lentsa vas lo ap i berga Sinay, oun djal dren an peskro kheer.

Louka 24:49

Oun me bičrau t'menge koles, kolestar miro dad penas, te vell yob pash t'mende. Ačenn an o foro Yerusalem yaake rah, bis te lan i zoor dran o bolepen!”

Louka 4:25

Čačepah, me penau t'menge: Ap ko tsiro, kay o Debleskro rakepaskro Eliya djivas, djivan boud djouvya, kolengre morsha moulo hi, an o them Israel. Ap ko tsiro das triin-te-paash bersha kek brishin. Oun i bari bok vas an o tselo them.

Louka 9:27

Čačepah, me penau t'menge: Kate hi menshe tardo, kolla merenna gar, bis te dikenn le o Debleskro raylepen oun zoor, hoy an mande diklo vella.”

Johanni 14:26

Me te hom bouder gar pash t'mende, bičrell o dad t'menge o rakepaskres, kay vell ap t'mari rig. Kova hi o Debleskro Dourho. Oun yob penell t'menge halauter yaake, te nay hayvenn kova mishto. Oun yob moukell t'menge halauter an o shero te vell, hoy me t'menge penom.

Johanni 14:28

T'mer shounan, hoy me penom: Me djau mange oun vau pale pash t'mende. Te kamans man o djiyestar, vans t'mer barhtelo, kay me pash o dadeste djau. Miro dad hi bareder har me.

Johanni 14:3

Oun te krom halauter yaake, te nay tserdenn dren, vau me pale, oun lau t'men pash mande, te venn t'mer kote, kay me hom.

Johanni 15:26

Te hom pash o dadeste, palle bičrau t'menge o rakepaskres, kay vella ap t'mari rig. Kova hi o Debleskro Dourho. An leste hi o čačepen. Yob vella o dadestar, oun penell o čačepen pral mande.

Johanni 16:8

Yob te vella, palle krell yob i menshenge i yaka pre pral lengri doosh, pral o Debleskro čačepen oun pral o Debleskri rholi, hoy vella pral kay phoub.

Johanni 7:39

Yob penas kova pral o Debleskro Dourho, hoy kolla lenna, kay ap leste patsenna. O Debleskro Dourho his gomme gar koy. Ap ko tsiro his o Yezous gomme gar pash o Debleste an o bolepen, te bičras lo les ap lende.

Bičepangre 10:34

Oun o Petro penas: “Kanna hayvau me čačepah: O Devel dikell gar koy pre, have menshendar yek vella: te vell lo i biboldendar, – te vell lo kolendar, kay kek bibolde hi. Yob dikell lačes ap hakeneste, kay trashell lestar, oun kay krell o čačepen.

Bičepangre 2:33

Oun o Devel kras les ray pral halauter, oun čivas o Debleskro Dourho ap leste, yaake har yob penas. Oun ko Debleskro Dourhes čivas o Yezous ninna ap mende. Kava shounenn oun dikenn t'mer kate.

Remarja 8:28

Mer djinah, halauter vell mishto kolenge, kay o Debles kamenna. Glan rah tsiro his o Debles an peskro dji, te dell lo menshen gole, te djivenn le leha khetne.

2. Korintarja 4:17

Ko pharo koova, hoy mer kanna hidjrah, hi tikno oun djal peske. Pal kova vell i baro raylepen. Kova hi shoukeder har halauter, hoy kanna djinah, oun djal peske gar.