Johanni 15:6 - O Debleskro Lab 2024 (Sinte-Manouche)

⁶ Koon ačell gar an mande, kova vell vin vitsedo, har kol kashta, kay tele činlo hi. Yon venn khetne rodedo oun an i yag čiddo, te rhačrenn le.

O Debleskro Drom 2021 (Sinte)

⁶ Koon atchell gar an mande, kowa well win witsedo, har kol kashta, kai tele tchinlo hi. Jon wenn khetne rodedo un an i jag tchiddo, te chatchrenn le.

Johanni 15:6 Iomraidhean Croise

2. Samuel 23:7

Te kameh len te taprell, hounte vell tout saster oun i lengsto kasht an o vast, oun hounte rhačess len pre, kote kay yon hi.

Hiob 15:30

Yob nay vell gar vin dran o tamlepen, oun hi har ko rouk, koleskre zenele kashta rhačedo venn an i yag. Oun o Devel phourdell ap leste, oun krik hi lo.

Debleskri gili 80:15

Ab pale pash mende, tou, o Devel pral o bolepen oun i phoub! Dik dran o bolepen ap mende, oun de pale yak ap tiro drakengro rouk!

Jesaja 14:19

Tou hal an i čik vitsedo, har i kotar kasht krik vitsedo hi. Tout hi kek mouleskro kheer, hal rido har kolla, kay van maredo o rhareha, hal vitsedo lentsa an i barrengri phoub oun khetne stakedo.

Jesaja 27:10

I zorelo foro hi mouklo. Kek djivell bouder an i shoukar khera. O foro hi har i divyo mouklo them, kay i groumya rhan oun pen tele čivenn, oun o zenlepen ap i bourra rhan.

Ezekiel 17:9

Kanna poučell t'mendar o baro Devel, t'maro ray: Vell o drakengro rouk bareder? Ačell lo djido? Hi gar yaake, te vell o ersto adlari oun tserdell les khetne peskre drabentsa vin dran i phoub, oun phagell i drake lestar tele, yaake te merenn leskre neve zenele patria lauter tele, oun ko tselo bour merell? Palle vell lo vi-tserdedo khetne peskre drabentsa. Oun koleske hounte vell kekes boud zoor, oun gar boud menshe.

Mateo 13:41

O Mensheskro Čavo bičrell peskre bolepangren ap i phoub. Oun yon lenn kolen glan leskre yaka krik, kay kran, hoy o Devel gar kamella, ninna kolen, kay anan i vavaren ap o čilačo drom.

Mateo 27:5

Koy vitsras lo kol triyanda roupene beme an o Debleskro baro kheer, nashas lendar, čivas i dori troul peskri meen, oun tassras pes.

Mateo 3:10

T'mer han har rouka, kay venna tele dino. I tover hi koy čiddo, te vell ko tselo rouk tele dino. Hako rouk, hoy hidjrella kek lačo koova, vell tele dino, oun an i yag vitsedo.

Mateo 7:19

Hako rouk, kay vell kek lačo koova dran leste, vell tele dino, oun an i yag vitsedo.

Johanni 15:2

Hako zenelo kasht ap mande, hoy anell kek drake, činell yob tele. Oun ko kasht, hoy anell drake, krell yob djoudjo, te anell lo boudeder drake.

Hebrearja 10:27

Na-a, yob hounte trashell ko dives, kay vell o Debleskri rholi pral i phoub oun i zoreli yag pral kolende, kay kaman lestar či te djinell.

2. Petro 2:20

Yon hayvan, kay maro ray, o Yezous Kristo, lenge meras, oun dan pengro phouro djipen pre. Oun palle van le ap ko djoungelo drom pale. Kanna hi lengro djipen djoungleder har glan ko tsiro.

1. Johanni 2:19

Kolla van mendar. Yon his gar čačepah mendar. Te vans yon mendar, ačans le pash mende. Oun har yon penge djan, nay dikas hakeno, te his le gar mendar.

Debleskro tsiro 21:8

Kol vavar djan an i bari yag, hoy zoreles rhačella oun khandella. Kote merenn le o douyto kopo. Yon hi kolla, kay i daryatar gar mantsa djan, kolla, kay phoukran ap pengro patsepen, kolla, kay djoungelo koova kran, kolla, kay maran vavaren, kolla, kay loubran pen trouyel, kolla, kay bengeskro koova kran, kolla, kay mangan vavar koova an har o Debles, oun i tsele rhorhene.