Johanni 15:12 - O Debleskro Lab 2024 (Sinte-Manouche)

¹² Kova kamau t'mendar, te kamell yek o vavares o djiyestar yaake har me t'men kamau o djiyestar.

O Debleskro Drom 2021 (Sinte)

¹² Kowa kamau tumendar, te kamell jek o wawares o djijestar jaake har me tumen kamau o djijestar.

Johanni 15:12 Iomraidhean Croise

Maleachi 1:2

“Me kamau t'men o djiyestar”, penell o baro Devel. T'mer penenn mange koy pre pale: “Har dikah mer kova, kay tou kameh men?” “Hi gar o Esau oun o Yakob phrala?” penell o baro Devel. “Oun me kamau o Yakobes,

Johanni 13:34

Kova hi nevo, hoy me t'menge kanna penau: Te kamell yek o vavares o djiyestar, yaake har me kamau t'men o djiyestar!

Johanni 15:17

“Krenn, hoy me t'menge penau: Kamau, te kamell yek o vavares o djiyestar!

Remarja 12:10

Kamenn i phralen oun i phenyen o tselo djiyestar! Hakeno hounte rikrell o vavares bareder har pes kokres.

Efesarja 5:2

oun djivenn an o kamlepen, yaake har o Yezous Kristo peskro kamlepen mende sikras, har yob menge meras. Oun yaake das lo peskro djipen o Debleske. Oun o Devel dikas lačes ap leste.

1. Tessalonikarja 3:12

T'menge mangau me maro rayestar, o Yezousestar, te vell t'maro kamlepen baro oun bareder mashkral t'mende oun i vavar menshenge ninna. Yaake baro hi ninna maro kamlepen t'menge.

1. Tessalonikarja 4:9

Me hounte činap t'menge gar, te vell t'men i baro dji i patslenge. O Devel penas t'menge kova an o dji.

2. Tessalonikarja 1:3

Mire phrala, mer hounte parkras men t'menge pash o Debleste hako tsiro, yaake boud lačepen shounam t'mendar. T'maro patsepen vell baro oun bareder. Oun pash t'mende lauterende vell o kamlepen bareder, kay yek o vavareske hi.

1. Petro 1:22

T'mer shounan ap o čačo lab, oun čivan o čilačepen dran t'maro djipen krik. Kanna nay kamenn t'men čačepah har phrala oun phenya. Moukenn gar tele, te kamenn t'men o tselo djiyestar!

1. Petro 3:8

Ap t'mende lauterende penau: Rikrenn khetne! Hakenes te vell i dji o vavareske! T'mer lauter han phrala oun phenya. Avenn lačes yek ap o vavareste! Ma krenn t'men bares!

1. Petro 4:8

Rikrenn khetne an o kamlepen! Kova hi feteder har lauter vavar. O kamlepen čakrell boud čilačepen.

1. Johanni 3:23

Oun kava kamell o Devel mendar: te patsas mer ap leskro čaveste, o Yezous Kristeste, oun te kamas men, yek o vavares o djiyestar, yaake har o Yezous Kristo les menge penas.

1. Johanni 4:21

Kava hi, hoy o Yezous menge penas: Koon o Debles kamella, kova hounte kamell ninna peskro phrales o tselo djiyestar.

2. Johanni 1:5

Romniya, kanna činau touke oun tire čavenge i lab, hoy hi t'menge kek nevo lab. T'mer shounan les, har van patslo. Mangau t'mendar, te kamell yek o vavares o djiyestar!